هده بعض المشاكل الى يواجهها طلاب كليه الطب

[طائر الليل الحزين]

السلام عليكم ورحمه الله وبركاته اخوانى فى الله اود ان اطرح عليكم بعض المشاكل التى نواجهها :
1_ ازدحام المدرجات و عدم وجود اماكن تكفي جميع الطلبه (فالاغلبيه تجلس على الارض لعدم وجود مايكفينا من الكراسي ).
2_عدم وجود تهوئه جيده مما يسبب لبعض منا ضيق فى التنفس اثناء المحاضرات.
3_ لكل دكتور شيت خاص به والطلبه مطالبين بالدراسه منه فلا يستطيع الطالب الألمام بكل المناهج الموجوده.
4_التأخر بنتيجة الامتحانات مما يسبب فى تأخر موعد امتحانات الدور التانى و ظهور نتيجتها بعد بدايه السنه الدراسيه الجديده .
5_التدخين اثناء الامتحان سواء كان من الطلبه او من المراقبين.
6_ عدم الانضباط فى الامتحانات.
7_ عدم وجود شرائح الاناتومى فكلها لا تصلح للشرح و الطالب مطالب فى الامتحان بالشرح المفصل لأي عضو يسأل فيه .
8_وضع نسب للنجاج من قبل ظهور النتيجه.
9_عدم وضع قانون يمنح الطالب المريض بأعاده الامتحان له او حتى تاجيله له.
ألأ ترون معى ان هدا ظلم للطالب فكيف لنا ان ننجح و نحن ليس متوفر لنا اى وسيله للنجاح ؟؟؟؟؟؟ ومع هدا يكافح الطالب الليبي ليحصل فى النهايه على مقبول و ينسى اى نجاح له فى السابق .
نحن لا نطالب بالكتير فقط نطالب بأعطاء الطالب حقه و هدا من ابسط حقوق الانسان.

[الرازي]

بسم الله الرحمن الرحيم
أخي العزيز
بارك الله فيك على صراحتك و شجاعتك، و كأستاذ جامعي - أقرك و أؤكد على جميع النقاط الواردة في مقالتك، عدى النقطة التاسعة التي تتعلق بإعادة الامتحان للطالب المريض حيث أنه في الوقت الحاضر يمكن للبعض إحضار ما يفيد بأنه كان مريضا (و الحقيقة غير ذلك) ، و في هذا نوع من عدم العدالة، و لكني مع إعطاء أكثر من فرصة للطالب سواء في الامتحانات النصفية أو النهائية، مثل الامتحانات التعويضية و الدور الثاني و غيرها.
و أقترح في هذا الصدد اللجوء إلى الصحافة و وسائل الإعلام المختلفة لعرض مشاكلكم ، و صدقوني غالبا ما يفيد ذلك في حل الكثير من المشاكل و يؤدي إلى تحرك المسؤولين بشكل سريع.
مع تمنياتي بالتوفيق
و السلام عليكم

[الشعله]

السلام عليكم ورحمة الله وبركاته

اخى العزيز ما عندك كيف بدير هده المشاكل فاتت عليك وعلينا وفاتت على كل طالب قبلنا وان شاء الله فايته حتى على الطلاب الى بعدنا فى الكليه ما عندك الا انك توكل امرك لله لانه مش حيفيد الكلام هدا لانه سبق ولعلعنا وقلنا وما خلينا شنى درنا ما فيش فايده تحرت فى بحر بس ان شاء الله فيه توا نهضه وتوعيه من قبل الدكاتره وان شاء الله ربك يسهل الى فيه الخير

[فلونه]

السلام عليكم الحمد لله انه مازال فى طلبه طب عندهم قدره على الشكوى وانها ممكن تكون ليها فائده والله شوفت العجب فى الكليه هده المشاكل من كل نوع حاجات تخطر على بالك وحاجات ما يتصورهاش العقل ولا منطق
وتعال شوف سنه خامسه تاخير فى مواعيد الدراسه و تلقيص فى مدة الكورسات وغياب الدكاتره والازدحام الغير طبيعى والمرضى مساكين تاعبين منا ومن وجودنا مساكين من كترتنا بدو يخافو منا واحنا الله غالب علينا ووتعليم ما بعده تعليم وكل هدا مواعيد الامتحانات بدل ما كان فى شهر 12 قدموه لشهر 11 علااااااااااااااااااااااااااااااااااااش ماهو ماشاء الله علينا قارين ومكملين والدكاتر يشرحو والمستشفيات فااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااض يه ضاعت المطالب فى بلاد الله غالب والله يرحمنا ويتولانا

[turky]

السلام عليكم ورحمة الله وبركاته

اخى العزيز ما عندك كيف بدير هده المشاكل فاتت عليك وعلينا وفاتت على كل طالب قبلنا وان شاء الله فايته حتى على الطلاب الى بعدنا فى الكليه ما عندك الا انك توكل امرك لله لانه مش حيفيد الكلام هدا لانه سبق ولعلعنا وقلنا وما خلينا شنى درنا ما فيش فايده تحرت فى بحر بس ان شاء الله فيه توا نهضه وتوعيه من قبل الدكاتره وان شاء الله ربك يسهل الى فيه الخير
[/b]

لا بالعكس يا اخي الشعلة ... علاش تكون سلبي هكي لهدرجة ... ديمة خلي عندك امل .... لانه تعرف لو ديمة سكتنا الامور رح تمشي للاسواْ ..........

اني السنة هداي سنة رابعة بشري ..... صار فيه تغير فى جدول الامتحانات قبل .... من بداية السنة وهما يغيرو فى الجدول ... مرة ايقولو بنديرو الامتحانات النهائية بعد كل كورس .... ومرة ايقولو فيه نصفي عيون ونساء ولادة ,, ومرة مش عارف شني ....وبعدين قبل نهاية العام بشوية الجدول النهائي تغير 20 الف مرة ........ لكن لما تحكرنا وكلمنا ادارة الجامعة حطينا الجدول اللي نبوه احني .......... لكن تعرف شنو دراو :o ... فى اخر يوم فى القراية اللي هوا السبوع اللي فات حطو جدول جديد :o على خاطر انهم عارفين الطلبة مهناش وكل واحد فى الحوش يقرا ... فا ما فيش حد حيتكلم والا ايدير حاجة ... شبحتو الخبث والا لا والله ربي يهديهم .. والله الحركات اللي ايديرو فيها الا حركات فروخ وصغار صراحة وهمهم الوحيد هوا يحالوا ان يتحصلو على اكبر عدد من الرسوب ... بدل ما اديرو العكس :blink:

[الشعله]

بارك الله فيك يا خوى( تركى ) وحتى انى معااااااااااااااااااااك فى سنه رابعه وان شاء الله يجى اليوم وانقولك فيه انى الشعله بس عارف شنى ايديرو انهم ايقولولك باهى وايمشو فى راى روسهم زى ما دارو توا فى الجدول يخلوك لما معاش اتجى ويحطوك قدام الامر الواقع ومعاش فيها شنى بدير وان شاء ربك ياخد الحق منهم

[mas]

ا لسلام عليكم

الله غالب خوي هدا الموجود

لكن ان شاء الله حتنحل هده الامور بسرعة

بعد حوالي 20 يوم انشاء الله ( 20 سنة )

[غرام بنغازي]

المشاكل هلبة لو بنحكوا عليها
الجامعات تحتاج لتاهيل العاملين فيها و الله المستعان

[islamsmoon]

واخر مشكلة توا موضوع جدول امتحانات سنةخامسة...حسبنا الله ونعم الوكيل

[طائر الليل الحزين]

السلام عليكم ورحمه الله و بركاته
اولا اريد ان اشكركم ولكن ؟؟؟؟؟؟؟؟؟؟
الى متى سنظل نقول راحت علينا ؟؟ الا يجب ان نقف صفا واحدا و ندعم مستقبلنا بانفسنا ؟؟؟ فانها لم تعد دراسه و لم يعد التعليم تعليما فهل سيبقى كل جيل يشكو و الى متى سنظل واقفين متفرجين و مستقبلنا يضيع من بين ايدينا؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟