في هده الايام من الصعب ان تعرف الخطاء من الصح لانك تقول انت ماشي صح تلقا الناس كلها ماشية غلط تجاها من فوق تجيك من لوطه تجاها من لوطه تجيك من فوق تقول يمين يقولولك ايسار تقول ايسار يقولولك يمين تقول صح يقولولك خطاء تقول خطاء يقولولك صح يبوك معش تعرف راصك من رجليك .... لكن حسب اللي صاير توا شكله اني اللي نخرط ......... شكله هدا معش زمن القيم والاخلاق والاسس التي تراعي هويتنا ومن نحن ومن نكون ولاي ديانة ننتمي وما هي الواجبات التي تترتب علينا تجاه هدا الدين وهده الامه وتجاه الاجيال التي تكبر لتري التفكك والانحلال وقد فعل فعلته في الشباب حيث ان الشباب بدات تلهييه صغائر الامور ولم يعد يهمه لا من يراه ولا من يسمعه ويفعل مايحلو له بدون الخشية من اي احد ..الحرام اصبح حلال .والحلال اصبح حرام. واللي يدير الصح يقولوله انت شنو اتدير توين تحساب روحك جماعتك تمو ليهم وقت وقتك فات من زمان ....يعني المطلوب نعيشو بشكل كل شي يكون مباح فيه يعني تفعل اللي يحلالك. الحريه الشخصية حق مشروع لكل شخص يجب ان يتمتع به وعدم كبت المشاعر والاحاسيس .نعم انا اوافق علي هده الامور... ولكن هل يعني هدا ان تعبر عن ما تريد باي طريقه تراها صحيحه .لالالا؟ فرضا ان الشعب كله اصبح كيف مايبو الاغلبية منا . هل من الممكن انك تطلع للشارع متعكم ا والي الطريق العام او حتي تقعد في الجنان متعكم براحتك وانت في هده الحاله متاكد من انك بتسمع من الكلام بشتي انواعه ما لد وطاب . بتسقد اختك الي المدرسة وانت مطمئن من انه مفيش شخص محترم بقول كلمه طيبه من هني ولا من غادي .ولا خوك الصغير اللي ماشي للمدرسة باش يتعلم حاجه تنفعه في حياته لكن يجيك متعلم قاموس جديد من المصطلحات المحترمه. ونحن في عوض هده المرة عن ذكر الجامعة فلنتركها لوقت لاحق...ولا تنسو اننا مسلمون(ولو كان بالفطرة) او لاننا وجدنا اهلنا مسلمين . يجب علينا ان نتبع هداه والا فلنتركه ونقول باننا لسنا مسلمين وهد ارحم من التستر بالاسلام والعيش بالطريقة المسيحية .... وخليناه مايسمي (بالاسلام السياحي) كل واحد عايش علي هواه.يدير شنو يبي ومفيش حد يكلمه .متخليش روحك متعقد وخلي الحكاية ماشيه بروحها .يقول شخص ما .الصراحه راحه . لو الحكايه قعدت علي ماهيه عليه الان فعلي الدنيا السلام . وراحت ليل.وضاع الضفدع في الضباب*.لايكن احدكم إمعه بدون راي. كان قالت الناس صح يقول صح .وكان قالت الناس غلط يقول غلط.قول الصح دائما لانك المواقف اللي تتخدها هي اللي تحدد من انت وشن هوا معدن شخصيتك.*
الإهداءات
22-01-2010, 02:25 AM
العرض العادي
