الي طلاب كلية التقنية هل صحيح هذا القرار !!

[رندة]

السلام عليكم ورحمة الله وبركاته

اليوم بلغني خبر وهو حدوت مظاهرة في الامس امام كلية الطب البشري والسبب هو عدم ترحيل اي مادة الي السنة القادمة بالنسبة الي جميع الكليات الطبية فهل صحيح هدا الخبر ارجو الرد العاجل الي كل من توفرت لديه اي معلومة بمصدقية هدا القرار ؟؟؟

وربي يستر اني رافعة معاي زوز مواد وفي بالي ناجحة وفرحانة اركبت سنة تالتة :crying:

[Rocky]

السلام عليكم ورحمة الله وبركاته
اسمعي صاحبي كان معهم والدوشه الي صارت مش علي خاطر هكي وبس لان نظام التصفي بيبدا من 60
معاش من 50 واتركبي بمادة واحده معاش زوز ويستر الله لو دروها معنها

[ناصرالحمرونى]

السلام عليكم
انى سمعة ان طلبة الطب البشرى والاسنان بس عليهم القرار
وانشاء الله خير

[*stella*]

السلام عليكم ورحمة الله وبركاته
يستر ربى علينا وميطبقوش هالقرار

[Rocky]

السلام عليكم ورحمة الله وبركاته
توا معاش في طلبه الاسنان والبشري هذا كان زمان لما كانت جامعه الفاتح للطب و جامعه الفاتح الاسنان و جامعه الفاتح التقنية
توا ولت جامعه الفاتح للعلوم الطبيه معنها انضموا تحت اسم واحد وقرار واحد الي بيصير يصير عليهم كلهم

[ناصرالحمرونى]

السلام عليكم ورحمة الله وبركاته
انشاء الله خير وربك يستر كان هذا السنة بسنتين وهيا ماشية

[doctor_snell]

نبي نصحح قصة ان ما عادش فيه كليات وان اللى موجود جامعة طبية بالعكس كل كلية مفصولة بروحها واللى يضمها الجامعة الطبية والمشكلة اللي صارت على خاطر اللائحة الداخلية لكلية الطب اللى فيها الفصل ورفع المواد وغيرها وطلبة الكلية طبعا مش عاجبتهم اللائحة الجديدة لان معظمهم متضرر منها ولو انهم مش متتضررين منها راهو فايتين الموضوع وعميد الكلية والجامعة ربي يهديهم مش متفهمين الوضع مش قادرين يحتوو الطلاب وهذا اللى خلاهم يديرو مشكلة ويانارى حاليا فى البعض منهم يحققو معاه الشرطة وممكن يمشوفيها وغيرهم من المتضررين راقدين ومش متضامنين مع زملائهم

[ρɨиќγ ɢɨʀℓ]

[align=center]السلام عليكم ورحمة الله وبركاته و الحمدلله والصلاة والسلام على رسول الله وعلى آله وصحبه أجمعين
اختي العزيزه اني اسمعت ان القرار الجديد وهو (عدم ترحيل اي ماده) ماشي علينا حني بس يعني الطلبة الي طلعوا من الاعداد السنة هادي ويستمر هدا القرار مع السنوات الجاية ! يعني مش ماشي عليكم انتم...........![/align]

[*stella*]

السلام عليكم ورحمة الله وبركاته
ان شاء الله

[نصرو]

السلام عليكم
أخوكم نصرو خريج تقنية طبية [caution][/caution]
قسم علم أمراض ؟أى استفسار حاضر ملم بالكلية وأخبارها وتطوراتها بالرغم لاتطور ايجابى الى حد الان ولاكن خير من غيرنا وتقبلو مرورى