انا في حيرة!!

[عاشق اليوفي]

السلام عليكم ورحمة الله وبراكاته

قبل كل شي نحي الاعضاء والاداريين في هدا المنتدى الرائع,, واما بعد انا عضو جديد في هدا المنتدى وان شاء الله نفيد ونستفيد.

الموضوع وما فيه اني تخرجت من برى بكالوريوس biomolecular Sceince من بريطانيا والحمد لله لكن مش عارف لو روحت شني ممكن نشتغل او شني ممكن ندير بيه. المواد يختلفو علي المواد اللي في ليبيا يعني في سنة تالتة اني خديت Genom organisation and Gene Expression, Biotechnology, Drug and Disease therapy, Biochemistry of Disease.

لكن ماعتقدتش انه طلبة التقنية ياخدو في المواد هده, فهدا علاش اني حاير يعني الواحد مش عارف شني يشتغل. لكن لو تشوف الكورس كله يحكي علي الاحياء الجزئية. مع سنة تانية و اولى.

لي عنده اي خلفية علي الموضوع ياريت يفيدنا.. بارك الله في الجميع

[sweet doctor]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
والله ياأخى انت موضوعك بسيط جدا لانك وعلى ماعتقد تتخصصك هندسه وراثيه واحنا فى ليبيا وللاسف هدا القسم مفقود وخاصة فى جامعة الفاتح بنسبه لجامعات اخرى لاادرى ولاكن فرص العمل هنا متاحه جدا فى هدا التخصص وسهل انك التحصل عليها وبدات فى المستشفيات الكبار متل الطبى والمختبر المرجعى وانت مشالله متخرج من بريطانيا يعنى مافى مشكله انا ماعندى خلفيه على هدا التخصص لانى ادرس قسم المختبرات ولاكن زرت هدا القسم فى المستشفى الطبى وكان فيه طبيب واحد او ثنين لو انت رجعت الى ليبيا تاخد شهادتك وقدم على تعيين فى احدى المستشفيات وانا متاكده انشالله حتصل على عمل كويس واتمنى لك التوفيق

تقديرى