منهج سنة اولى

[المبدعة]

اعلان رجاءا من يعرف منهج سنة اولى طب اسنان يقولى رجاءا

[رجاء]

السلام عليكم والله يادكتورة المبدعة انا طالبة سنة أولي وحأنقولك علي الدي قالوه الدكاترة ويلي نصحوني بيه يلي قبلنا وانشالله نقدر أقولك كل شيء*****بالنسبة لanatomy أقريء من كتابات أحمد كمال والسيديات ومن شيتات الدكتورة الهندية ****histolog قال أحمد القاضي أنه حينزل كتابات النضري والعملي فأستني شوية****dental materal فيه كتاب نازل وهو هدا المنهج واحطري المحاضرات مع دكتور رما والدكتورة اللبيبة **** dental anatomy كدلك فيه كتاب نازل للدكتور محمد فضل وهو هدا دكتور المادة وأحضري العملي لانه مهم****biochemastery قالو الدكتور الشامسي حينزل كتاب بس أنصحك بأن تأخدي كورس اما في اللبيب أو شمس التوفيق لأنه فيه الكلية يعطي دكتور هندي ومايفاهميش **** الفيسيو مازال مافيش أي دكتور يعطي فيها لأن الدكتور خالد بالحاج تركها ويلي قبلنا قالو أحسن لأنه صعب جدااااااااااااااااااااااااااااا وأنشالله يأتي خير منه****وأنشالله أكون أعطيتك كل مايفيدك وكان عندك أي استفسار قوللي وانشالله أقدر أساعدك

[أميرة السلام]

السلام عليكم
انا مش حانزيد علي كلام الدكتورة لكن عندي ملاحضة علي مادة البايو كيميستري هياصح الدكتارة الهنود من الصعب تفهمي منهم حاجة لكن ننصحك بتسجيلات الدكتور مراد والكتور لؤي ولا اروع من هكي ممكن يخلوك تستغني علي المحاضرات وكدالك علي الدورات
اما بالنسبة لمادة الانتومي فخودي شيتات خالد ميلاد وكدلك تسجيلاته وان شاء الله حاتحبيها المادة هده
واي حاجة تبيها انا موجودة وفي اي وقت
وان شاء الله بالتوفيق

[Dr.tooth]

السلام عليكم
انا نزيد على كلامهم انو في سيديات لمنهج العملي كله تقدري تستفادي منهم هلبه
بس حبيت نسال اختي اميرة الظلام من وين نقدر ناخذ تسجيلات البايوكمستري ؟؟؟؟

[أميرة السلام]

السلام عليكم
التسجيلات تلقاهم موجودات في كلية الطب البشري {في المكتبات}
وانا ان شاء الله عن قريب حيكونو عندكم في المنتدي بس صبرا

الي اللقاء

[alfassi]

السلام عليكم

بالنسبة لمادة التشريح العام ، لا تفوتوا على أنفسكم قرص "CD" الدكتور أحمد كمال

وهو عبارة عن عرض للمواضيع والرسومات بالفلاش والفأرة تتحرك على ذلك العرض

و الدكتور يشرح في أثناء ذلك باللغة العربية وباللهجة المصرية مع ذكر جميع المصطلحات الطبية ،

طبعا هناك قرصان الأول فيه الـ Introduction والثاني يحتوي على Head & Neck

يحتوي كل قرص على 10 ساعات شرح ، يتناول فيها كافة المواضيع.

يباع كل قرص في مصور المعتمد القريب من كلية الأسنان " المنظور سابقا " بـدينار ونصف فقط . .

أنصحكم باقتنائه وبعد ذلك ستصبح شيتات الدكتورة الهندية بسيطة جدا بالنسبة لكم إن شاء الله .

[dr. nada gharsa]

والله شكرا علي نصايكم بس عندى اضافات بالنسبة لكتاب الهستو ليه 4 سنين ايقول بينزل كتاب ومافيه شي والبايو انا توا خديت فيها كورس والحمد لله تمام ناخد توا في شيتات الهنود والكورس ومية مية والاناتومى اليوم درنا كويز تقدر اتقول سهل وحلو لكن نبي نسال هل نقرا من السنل زى ماقالت الدكتورة او لا؟
وبالنسبة ل سي دي هل هو كويس ناخده يعنى يساعدنى؟ والتسجيلات ؟

[lovely soul]

السلام عليكم
أنا طالبة سنه أولي أسنان في جامعة السابع من أبريل في الزاويه
وبحكم المسافه مانقدرش نتحصل ع التسجيلات
فبنطلب منكم طلب جزاكم الله خيرا عليه مسبقا
أنكم تحاولو تنزلو التسجيلات ع المنتدي وبالأخص البايو لأن جايتنا هنديه فيها
وسلام...........وبالتوفيق للجميع

[براءة القلب]

حتى اني طبعا طالبه سنه اولى
وبالنسبه لماده الفسيو جتنا الدكتوره فايزه وقالت ان القسم مدايرين كتاب للمنهج وكتاب اخر فيه اسئله mcq وقالت ان الكتابين نلقوهم في القسم في كليه الطب البشري وقالت ان الكميه محدوده يعني لحقو اشروهم قبل ما يتموا

[alfassi]

بالنسبة لتسجيلات البايو اللي قلتوا عليها فهي تخص منهج الطب البشري ، إضافة إلى أنها صوتية فقط . . .