المساعد الشخصي الرقمي

مشاهدة النسخة كاملة : اريد عنوان دكتور جلدية كويس



ملكة الشعر
15-02-2012, 12:47 AM
ياريت الي يعرف دكتور جلدية يكون كويس لان عندي مشاكل في وجهي زي اثار الحب والمسامات ولو اني سمعت بعيادة قبل عيادة الفردوس فيها دكتور كويس يشكرو فيه لكن للاسف معرفتش اسمها لو حد يعر ياريت يساعدني ولكم جزيل الشكر.......

real madrid
15-02-2012, 12:58 AM
http://www.luxsat.eu/Animaties/kerstmis/34.gif

السلام عليكم

في دكتور لقبه عبد العال بس اسمه صراحة نسيته هو في مبني مجمع العيادات في شارع عمر المختار بجانب مركز شرطة المدينة أمام شركة الواحة للنفظ سابقاً
حتلقي عالمبني من الخارج مجموعة لوحات صغيرة لكل اسم طبيب وفي اي دور عيادته
أتمني أن أكون افدتك
http://www.luxsat.eu/Animaties/kerstmis/34.gif

ارومه
15-02-2012, 01:04 AM
وفيه دكتور طارق ميلود في جامع القبطان وين ماكان عصام ساسي سابقا دكتور ممتاز جدا ..

LoNeLyFRieND
15-02-2012, 01:09 AM
د. طارق بن رمضان في عيادة دكتور عصام بن ساسي الله يرحمه ( جامع قبطان )
كل يوم ماعدا الاربعاء
الاربعاء صباحا موجود في الطبي

ارومه
15-02-2012, 01:27 AM
هو عصام بن رمضان أني قتله عصام ميلود

Magnet Man
15-02-2012, 02:22 AM
ما ننصحكش بيه الدكتور طارق هذا طبعا مع احترامي ليه و لكن يتعامل مع كل المرضى بنفس الشكل يعني مثلا انتي فيك اثار حب مايتعملش مع بشرتك هل هيا دهنية او جافة او حساسة او او او لا فقط يتعامل معاها ان بها اثار حب فقط و هكذا مع كل مريض يعني نفس الدواء يثم وصفه لكل المرضى...و لكن اذهبي فابكل تأكيد شفيه على يديه الكثير و ربما يكون شفائك على يديه ... و لكن انا انصحك من باب انه كان شخص قاريبي عالج عنده و لم يستفد...

ان شاء الله بشفاء العاجل...

بلانكوكونتو
15-02-2012, 10:44 AM
شوف الدكتور الهاشمي ماشينة مع انه مادي وغالي لكن بصدق كويس والا الدكتور عادل غانم ممتاز هلبة في اوباجي سنتر وربي يشفي لوكنت تبي دكتور مش دكتورة ..ولو تبي دكتورة عليك وعلي الدكتورة مريم بريون شارع الزاوية وحتى هي تشتغل في اوباجي سنتر

dr.elshena
15-02-2012, 11:16 AM
السلام عليكم ... وانا كمان دكتورة ننصحك بدكتور طارق الي في عياده دكتور عصام ساسي قديما ( الله يرحمه) هوا تلميذه وانا عندي بنت خويله جتها نفس مشكلتك وكانت النتيجه رائعه بس دكتورة تبي صبر ومتابره جدا ... ودكتور magnet man انا عندي 3 اشخاص مشوله وكل وحده فيهم مش زي التانيه فهوا يحط بعين الاعتبار هالشي هوا انت ممكن صارلك معاه موقف او حد تعرفه بس انا عندي 3من العائله مشوله وكل وحده فيهم غير عالتانيه فبس حبيت نقولك :alldoc (72): وكلامك جدا ممكن يكون صح فحطيه دكتورة بعين الاعتبار ... تقبلي ردي واسفه لو طولت بالكلام :happy:

dr.elshena
15-02-2012, 11:19 AM
ودكتورة حابه نقولك ان الاستخاره تصير في كبائر الامور وصغائرها فاستخيري ... لان هذا علاج مرات ينقلب ل لاقدر الله لشي تاني فتوكلي ع ربي قبل كل شي وبعدين شوفي نفسك وين ارتحتي ويارب تحصلي الافضل ويصيرلك الافضل :alldoc (26)::happy:

Magnet Man
15-02-2012, 01:41 PM
فعلا الدكتور هذا يشكروا فيه يلي في عيادة الدكتور ساسي لكن امشاله حد قريبي و لاحظ كل شخص يخشلة يعطيه نفس الدواء و قاريبي مااستفادش منه لين امشي لي حد ثاني دكتور هندي...

بس هوا يشكروا فيه و اكيد مش كل انسان راح يكون عالجه ع ايديه لهذا صاحبة الموضوع تمشي تتوكل ع ربي و تمشيله لانه هوا افضلهم و ان شاء الله ربي يشفاها ع ايديه...

تحياتي ^_^

Libyan Butty
15-02-2012, 02:53 PM
الدكتورة مريم بريون حتي في العيادة المركزية اللي في طريق عرادة تشد يوم الأحد..