المساعد الشخصي الرقمي

مشاهدة النسخة كاملة : ليبيانا تطلق خدمة التنبيه بالمكالمات الفائتة (mcn)



altomb
04-09-2010, 03:19 PM
ليبيانا تطلق خدمة التنبيه بالمكالمات الفائتة (MCN)

http://www.doctors.ly/assets/images/11825_12721.jpg





الوطن الليبية - خاص
اطلقت شركة ليبيانا للهاتف المحمول خدمة جديدة ومميزة للتنبيه بالمكالمات الفائتة (MCN)

وأعلنت ليبيانا انه مع هذه الخدمة لن تفوتك أي مكالمة بعد الآن، حيث ستصلك رسالة نصية قصيرة تحتوي على تاريخ الاتصال ووقت الاتصال ورقم الشخص الذي قام بالاتصال بك، وذلك في الحالات التالية:


إذا كان هاتفك المحمول مقفلاً.
إذا كان هاتفك المحمول خارج نطاق التغطية.
إذا كان خطك الهاتفي مشغولاً ولم يتم تفعيل خدمة انتظار المكالمات.
الاشتراك في الخدمة

أرسل رسالة نصية قصيرة تحتوي على 1 إلى الرقم 133. سعر الرسالة 0.050 د.ل

إلغاء الاشتراك في الخدمة

أرسل رسالة نصية قصيرة تحتوي على 0 إلى الرقم 133. سعر الرسالة 0.050 د.ل
4/9/2010

كونر
04-09-2010, 04:33 PM
خدمة رائعة
و اخيرا الواحد يسكر تلفونه و يعرف من اتصل به
لكن الخذمة هذه مجانية و لا فيها اقساط شهرية ؟

عزو
04-09-2010, 04:36 PM
بعتت الرساله ردوا عليا قالوا لقد قمت مسبقا بالاشتراك في خدمه التنبيه بالمكالمات الفائته
ولاكن حاولت سكرت الجهاز واتصلت قريب 10 مرات ودرته مشغول ومجاني شي

شكرا

HoOoPe
04-09-2010, 04:44 PM
:hesh (39):

جربت .. ما وصل شيء ^^
و الخمسة قروش يلي مشت !!

:: ::
::
/

karamella
04-09-2010, 05:07 PM
للاسف الشديد هذه الخدمة ماعجبتنيش لان في ناس اقلال الذوق تسكر تليفونك على خاطرهم وتفتك من سوهم يوصلوا فيك وين ما انت!!!!!!!!!!!!!!!!!!!!!!

miss rose
04-09-2010, 05:14 PM
لكن الخذمة هذه مجانية و لا فيها اقساط شهرية ؟

نفس السؤال؟

كونر
04-09-2010, 05:20 PM
1- ما هي أقصى مدة لوصول الرسائل التنبيهية إذا كان هاتفي المحمول مقفلاً ؟

أقصى مدة هي 48 ساعة من زمن إرسال الرسالة التنبيهية لهاتفك.

2- هل سيتم تنبيهي بالمكالمات الفائتة للأرقام الدولية؟

نعم، سيتم تنبيهك بالمكالمات الفائتة للأرقام الدولية.

3- هل يمكنني استخدام خدمة التنبيه بالمكالمات الفائتة و خدمة البريد الصوتي في آن واحد؟

لا يمكنك استخدام الخدمتين في آن واحد(حالياً)، حيث سيمكنك استخدام خدمة البريد الصوتي فقط.

4- هل يمكنني استخدام خدمة التنبيه بالمكالمات الفائتة و خدمة تحويل المكالمات في آن واحد؟

لا يمكنك استخدام الخدمتين في آن واحد(حالياً)، حيث سيمكنك استخدام خدمة تحويل المكالمات فقط.

5- كيف يمكنني معرفة أنني قد تم اشتركت بنجاح في الخدمة؟

سيتم إخطارك برسالة نصية فور عملية الاشتراك نصها كالتالي:

تم الاشتراك في خدمة التنبيه بالمكالمات الفائتة بنجاح.
You have successfully subscribed to Missed Call Notification service

6- كيف يمكنني معرفة أنه قد تم إلغاء اشتراكي في الخدمة؟

سيتم إخطارك برسالة نصية فور عملية الإلغاء نصها كالتالي:

تم إلغاء الاشتراك في خدمة التنبيه بالمكالمات الفائتة.
You have canceled your subscription to Missed Call Notification service

aia sofia
04-09-2010, 05:26 PM
والله الخدمة هادي اكويسة حتى اللي بيكدب وبيقول اتصلت ولقيته التليفون............... خارج نطاق التغطيه والامقفل والا اي سبله تانيه معاش يقدر يكدب كله واضح

هنودتي
04-09-2010, 06:07 PM
والمدار؟ مافيه شي عليهم؟

TWI LIGHT
04-09-2010, 06:30 PM
سلامات ,,,

كان فيه حاجة جديدة للمدار خبرونى يا جماعة ليبيانا ,,,

وكان ليبيانا بدت ارخص من الدار حتى هوا خبرونى باهى ,,, :alldoc (18):

بدل ما يخلو سعر الدقيقة 100 درهم فى اى وقت ,,, يلهو فيكم بحاجة جديده ,,, و ع اساس شئ كبير
مرات انى مسكر هاتفى زى كراميلا ما نبيش ازعاج ,,, :alldoc (18):
وانى نبيش اندير خدمه الانتضار مانبى
حد يضايقنى ويخش عليا 100 مرة انتضار يحسبلى فى الدقايق :alldoc (18):
وما عنديش تغطية وخارج النطاق ,,, شن الفايده بعد ما تجى التغطية بتجينى رسالة
مرات حتى كان فيه حاجة مهمة خلاص ,,, ما عرفوش كيف يوصولو فيا وفات وقتها
يعنى سيورى نعرف :alldoc (11):
كلام بعيد ع بعضه :alldoc (18):

nonostares
04-09-2010, 08:44 PM
أنا عجبتني الفكرة ما هو مرات نتعارك مع حد حتى نسكر التلفون نقدرش ماهو بعدين مانعرفش كلمني أو لا لكن توا فرصة ندلعو كيف ما نبو

Siniora
04-09-2010, 09:03 PM
خدمة حلوة :alldoc (84): تو انجربها

fullla
05-09-2010, 03:47 AM
هدا وين وصلت فيها :alldoc (66): يلا باهي يلي دارو حاجة جديدة :alldoc (1):

خلي نحصلوا على الناس يلي تكذب ( اتصلت ولقيته خارج التغطية او مقفل :alldoc (1): ) :hesh (45):

pretty soso
05-09-2010, 04:03 AM
نجربها قبل وبعدين نشوفو هل كويسة ولا لا :alldoc (7):

كونر
05-09-2010, 04:10 AM
الخدمة شغالة
اليوم استقبلت اول خمسة رسائل تحمل في طياتها 25 مكالمة
^_^

Prince Wajde
05-09-2010, 04:30 AM
ليبيانا عمرها ما دارت حاجة كويسة
لصالح المواطن الليبي
يلهوه بعدين ينحوها .. بجلدتها ..
خليك ع المدار أفضل
حتى المزعجين يخافوا يتصلوا بيك
المكالمة للمدار غالية ^_^

د/سهى
05-09-2010, 04:36 AM
مش عارفة خيرها الرسالة ماتبيش تمشي

يطلع فشل وبس

asmon
05-09-2010, 04:48 AM
الحق ماشاركتش فيها اصلا بس بدي صداع المسجات مانعرفش علاش

متيمة البرشا
05-09-2010, 04:54 AM
[size="5"]عني انا مااشتركتش في الخدمه وقبل مانفتح المنتدي كنت مستغربه ليش ليبيانا ادزيلي في مسجات بمكلامات فائته ؟؟؟؟ توا كيف عرفتها منكم مشكورين ...عجبتني انا لان تلفوني ديما خارج التغطيه شكلي ليبيانا رافت بتلفوني دارولي الخدمه ابروحهم ...... /size]

امطار الشتاء
05-09-2010, 06:06 AM
مدار ومانعترفش بليبيانا لأنها فشنغ
و نص وعودها كذابة
المدار احسن بهلللللبا

عزو
05-09-2010, 06:18 AM
ت زي بعض الزوز شن الفرق هدي تخلص علي هدي وهدي تخلص علي هدي

بكالوريا
05-09-2010, 06:47 AM
بارك اله فيك ع المعلومة
بس انا مدام سكرت التليفون يعني نبي نريح جمجمتي ونستريح من تكسير الراس

شمعة الامل
05-09-2010, 04:03 PM
باهي ويلي ماشاركش ولقي روحه مشارك

تيلفوني كان مسكر فقت الصبح لقيت فيه رسائل عن مكالمات فائتة

ولما نبي نتصل بـــ اي حد قبل ما ينادي تتطلعلي جملة : سيتم تحويل بعض المكالمات الواردة , واني مش مشغلة خدمة تحويل المكالمات

قولولي شن الحل ؟؟؟؟؟؟؟؟؟؟؟؟؟

Prince Wajde
05-09-2010, 04:19 PM
زي في بداية الموضوع
أرسل رسالة تحوي رقم 0 للرقم 133 لالغاء الاشتراك
ومن ضبط المكالمات شوفي التحويل بالك مفعل
" كرم من ليبيانا دارولكم كل شيء من غير ما تتعبوا "
^_^

شمعة الامل
05-09-2010, 05:05 PM
بعتت رسالة بس ما مشتش ويطلعلي فشل ارسال الرسالة , تأكد من التفاصيل

ومن ضبط المكالمات شوفي التحويل بالك مفعل : من الاول مش مفعلاته لكن زدت ضغطت على الغاء تحويل المكالمات

ومافيش فايدة

سبحان الله , يلي يبوا الخدمة ماجتهمش , ويلي مايبوهاش جتهم

شن هالشركة باش تفهم

د/سهى
05-09-2010, 08:11 PM
والله نفس القصة شمة الامل

كل مانبعت رسالة يطلع فشل تأكد من التفاصيل

aisel
05-09-2010, 08:19 PM
والله نفس القصة شمة الامل

كل مانبعت رسالة يطلع فشل تأكد من التفاصيل
ايه والله حتى أني نفس الشي

desert lily
05-09-2010, 08:41 PM
باهي ويلي ماشاركش ولقي روحه مشارك

تيلفوني كان مسكر فقت الصبح لقيت فيه رسائل عن مكالمات فائتة

ولما نبي نتصل بـــ اي حد قبل ما ينادي تتطلعلي جملة : سيتم تحويل بعض المكالمات الواردة , واني مش مشغلة خدمة تحويل المكالمات

قولولي شن الحل ؟؟؟؟؟؟؟؟؟؟؟؟؟



نفس الشي تماما لا اشتركت ولا نندري على حاجة ابدا ورسائل مش غير صداع وااااااااااااااااااااك
بس يلا احسن من خمس قروش ما يستاهلوهاش هكي خير جتني ببلاش:alldoc (7)::alldoc (7)::alldoc (7)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18)::alldoc (18):

كونر
05-09-2010, 09:01 PM
باهي ويلي ماشاركش ولقي روحه مشارك

تيلفوني كان مسكر فقت الصبح لقيت فيه رسائل عن مكالمات فائتة

ولما نبي نتصل بـــ اي حد قبل ما ينادي تتطلعلي جملة : سيتم تحويل بعض المكالمات الواردة , واني مش مشغلة خدمة تحويل المكالمات

قولولي شن الحل ؟؟؟؟؟؟؟؟؟؟؟؟؟


تم تفعيل الخدمة لجميع مشتركي ليبيانا
و الخدمة مجانية
و قصة تحويل المكالمات عادية ما تدورش
لان التحويل يصير لما يكون الهاتف مغلق و لا خارج نطاق التغطية و لا مشغول
و التحويل يكون الى مركز خدمات خاص بليبيانا
و لما تفتتح التلفون المركز يكون مسجل الرقم الماصل و يبعتهولك فى رسالة
هذه طريقة عمل هذه الخدمة حسب تحليلي الاولي لها
^_^

شمعة الامل
06-09-2010, 07:17 AM
واخيرا تمت العملية بنجاح

فقد تم قفل الخدمة :hesh (35):

عاشور قلب الاسد
06-09-2010, 09:10 AM
إلغاء الاشتراك في الخدمة

أرسل رسالة نصية قصيرة تحتوي على 0 إلى الرقم 133. سعر الرسالة 0.050 د.ل


وااااااااااااااااااااك هادا تفكيرهم

:alldoc (25)::alldoc (25)::alldoc (25)::alldoc (25)::alldoc (25)::alldoc (25)::alldoc (25):

ت باهي انى مطلبتهاش منهم ...مفروض نلغيها بالبلاش .. علاش لما بنلغي حاجه انى مش طالبها وندفع عليها فلوس ؟

ما تقولوش انه عاشور يابس وانه قداش هيا خمسه قروش

احسب على

0.05 * 500000 = 25000 الف دينار !

هادا غير لو فى نص مليون مشترك ماعجبتهمش !

عزو
06-09-2010, 03:47 PM
موضوع صداع انا لغيتها اريح لراسي من هالوجع باش الناس تاكلي وجهي خيرك ماعودتليش لما لقيت الرساله الي فيها المكالمه شني عاد بتعلمنا الكدب عقاب عمرنا

JANNAT NANO
06-09-2010, 03:49 PM
السلام عليكم







خدمة مميزة..رغم اني اكتشفته لوحدي امس ولم يخبرني احد عنها...


وكل مكالماتي وجدتها محوله... صعقت,,,




الي اين...




بعدها تلتها رساله من ليبيانافيها جميع الارقام...ورقمي كان مقفل وانا في الامتحان...صدمت اكثر...





وبعدا تلتها رساله من لبيانا يشرحو في القصه...




فرحت....





.............





خدمة مميزة...خدمة مميزة..عندي





لبيانا تبقي دوما لبيانا رغم كثرث سلبياتها و توفر شفرة المدار ب 10 دينار ...ونفس السعر لبيانا..وسعر الدقيه للمدار ارخص...





الا ان الاقبال علي لبيانا في وسطي لازال اكثر...





كانت في البدايه..... لبيانا لناس التعبانه..بالنسبة لااصحاب الارقام الخطوط للمدار ,,,لكن سرعان ماتحولت للناس المليانه..وكل الناس من روادها...





وجميع فئات الناس عندها لبيانا...



......


اني عندي مدار ....




لكن ليبيانا ثم لبيانا...رقمي ليه 5 سنوات ومافوق...باقي كما هو....ولو في حد يدعم في شركة لبيانا هيا اني.....مفروض يديرولي مزايا...:alldoc (23):..




..............





ومرة فتحتو مسجات مجانيه في 2008 ..وكانت لاارقام معينة....واكتشفتها بالصدفه....ابعتت لصحباتي كلهم ...في الاخير معاش لقيت شن نبعت....




..........





الصراحة مع لبيانا عندي ذكريات حلوة...


يكفي انها بسببها كان عندي تلفون محمول...وكانت الشفره ب 4000 دينار المدار وقتها...


الصراحة لن انكر خيرها..في وقت حصلت علي شفره بسببها..





............





المدار لاتملك تلك المزايا والاجواء التي دائما تحدتها لبيانا...ولو تكلمت بــــــــ المدار...ضعت في الوصو لكافة الناس..





لذلك لبيانا تبقي لبيانا..





وونعرف هلبا ناس شرو المدار واني من ضمنهم رجعو لي لبيانا...والي غير رقم للمدار يضيع للوصول لكافه صحابه...رغم ان الكل يشكي من سعر الدقيقه..


.......





ومفروض المفجاة الجديدة يرخصو في سعر الدقيقه..


.........


لكن مع هذا بثكرث عيوبها..



ويبدا كرت 10 دينار 10 ساعات...وشوفو الطق والمشاكل.




هكي اريح كل ما تزيد سعر المكالمات كل ماتنقص المكالمات الغير ضروريه وينقص الكلام والمشاكل...والي يبي يهدرز يشد الارضي...



............


هذا مجرد رأي الشخصي..






في حفظ الرحمن

المبدع
06-09-2010, 03:53 PM
السلام عليكم

من المفروض انهم داروا تصويت واخذوا رأي الاغلبيه بهذه الخدمه او ارسال رساله لمن اراد هذا الخدمه مثلا يبعت رساله للرقم كذا وتنفتحله الخدمه الكترونيا.

ربي يهديهم ^_^


ان شاء الله موفقين

مهـنـّـــــد
06-09-2010, 04:35 PM
فكرتها جميلة لكن نقالي يالي فيه الليبيانا راح مني أمس ؛؛

؛

3βĐỗ}●•
06-09-2010, 04:39 PM
هو معليشي راسي راقد و يا الله عيوني صافيات ..

هي مفعلة منها ليها .. هذي عارفها !

لما تجيني الرسالة و الميزة ببلاش و إلا ؟؟؟

غير كانها هكي .. عادي .. فيه ذاكرة للرسائل ! .. على الأقل نسمع نغمة الرسائل و انقول جتني رسالة .

ما نبيش نلغيها .. الـ0.50 انخش بيها nimbuzz

Dr.Amy
06-09-2010, 06:38 PM
:alldoc (18): قوية 50 درهم حق nimbuzz :alldoc (18):
====================
عشنا وشفنا ياليبيانا :alldoc (18):
=====
والله هيا باهية ومش باهية

باهية من ناحية نعرف مين حاول الاتصال ومن دورك وقداش مرة missed call لما تلفونك مقفل ^_^:hesh (29):

ومش باهية لما مرات الواحد يصكر تلفونه حتى يرتاح من اتصالات ومزعجين لكن لاحقين لاحقين يجيك مسج والرقم اللي ماتبيش تشوفه غضبا عنك يطلعلك يكرهك في عيشتك :alldoc (18):

تحياتي

nonostares
06-09-2010, 08:06 PM
كل ما توصلني رسالة نفرح نحساب حد تفكرني تجيني في السنون و تطلعلي ليبيانا.!!

JANNAT NANO
06-09-2010, 09:33 PM
السلام عليكم


الميزة هذه تتلغي لو في حد ميبيهاش..


وبالنسبة لي ازعاج المكالمات ..في حظر مكالمات.. او تكلم شركة لبيانا نفسهاا ..وتعطيها ارقام الي تزعج فيك..ومش حتشوفها تاني..:alldoc (23):


بس الميزة هذه حلوة..خاصة لما تسكر تلفونك في ضروره او حتي لما يكمل شحن تلفونك..


في حفظ الرحمن