المساعد الشخصي الرقمي

مشاهدة النسخة كاملة : كل مايتعلق بجهاز IPhone 3GS ( برامج * ثيمات * فك القفل )



هايم فى حب بلادى
17-06-2010, 10:02 PM
http://www.7ozo.com/iPhone4/apple-iphone-3gs.jpg


من فترة بسيطة اقتنيت هالجهازI phone 3gs 32GB بعد شد وجدب وأخد رأى بعد الاعضاء هنا ممن سبقونى بإقتناءه ...

فكرة الموضوع هو إضافة كل ما يتعلق بهذا الجهاز من برامج وغيره من متطلبات الجهاز ...

ياريت نلقو تواصل كويس فى هالموضوع ونستفيدو ونفيدو الكل ...

بإنتظار مساهمات الأعضاء بخصوص هالجهاز ...


http://img704.imageshack.us/img704/7683/iphonek.png
http://img163.imageshack.us/img163/5967/iphone1f.png

هايم فى حب بلادى
17-06-2010, 10:08 PM
حنبدا بحاجة اكتشفتها بعد ما شريت الجهاز ...

بإعتبار هالموقع GETJAR.COM دائما ماكان هو دليلى فى عالم الهواتف المحمولة طلع ان الاى فون ما يمشيش معاه إلا بعد ماتحمل حاجة اسمها I TUNIS على حاسوبك الشخصـــى ...

لتحميل I TUNIS تفضل بزيارة هذا الرابط ...

http://www.apple.com/itunes/affiliates/download/?id=320087242

أو حمل البرامج من جهازك مباشرة ...

أحمد الوحيشي
17-06-2010, 10:11 PM
بكم شريته ؟

دكتور آهلاوي
17-06-2010, 11:17 PM
السلام عليكم
أخي هايم مشكور على الموضوع الجميل اللي كنت نبي نفتحه كمرجع ، وبما أنك سبقتني ^_^ نوعدكم أني كل فترة انزل اهم المواضيع والبرامج والمييزات الموجودة في الأيفون وكيفية عمل الجيلبريك .
والنصائح العامة بخصوص الأيتيونز متى تقوم بالتحديث ما هي المخاطر وهكذا ، واللي عنده أي إستفسار على الأيفون يسأل وانا نجاوب ، واللي عنده أي مشكلة ، بإذن الله حيلقى الحل عندي .

دمتم بود

Prince Wajde
18-06-2010, 12:12 AM
السّلام عليكم
ألف مبروك يا هايم
تبيد بالهني
^_^

أحمد الوحيشي
18-06-2010, 03:52 AM
بكم شريته ؟
بمعنى كم سعره في السوق توا ؟؟

هايم فى حب بلادى
18-06-2010, 06:27 AM
اللي عنده معلومة كيف ممكن نقدر نسجل عضوية في الآي تونس علما بان التسجيل يطلب في بيانات المؤيدين كارد واني نبي نحمل برامج من موقعهم

دكتور آهلاوي
18-06-2010, 11:05 AM
خوي هايم هناك نوعان من البرامج
برامج مجانية وبرامج بمقابل
انت تبي عضوية مجانية او عضوية مسبوقة الدفع ، يعني تبي ادير عضوية تحمل بيها البرامج المجانية ، او تبي رصيد والجو هذا باش تشري برامج .
وحاجة تانية جهازك اما اصدار ( يعني 3.1.2 ) أو درتله تحديث ( 3.1.3 ) وهل درتله الجيلبريك او لا ؟
يعني فيه السيديا او لا ، وهل نزلت أهم البرامج اللي تقدر تتحكم في جهازك .

ولو مادرتش هذا كله لازم اديره لانه جهازك من غيرها مش حينفع حاجة وحتقعد معتمد على البرامج المجانية وخلاص ، لكن البرامج المدفوعة الجماعة يديرولها في تكريك ( فيه موضوع بالخصوص ) وتقدر تنزل اي برنامج من النت عادي ، مجرد تحميل وتحطه في جهازك ، وفيه برامج للتحكم في الجهاز أريح من الأيتونز لان الايتونز معقد شوية .
ورد بالك ادير تحديث للأيتونز 9.2 لأنه حيصكرلك السيديا في جهازك ورد بالك ادير تحديث للفريموير os4.0 لانه مازال مانزلش الجيل بريك .
ياريت تجاوبني على الأسئلة وبعدها حنوريك خطوات كيف ادير حساب .
ونظرا لظروفي في الوقت الحالي مش حنتمكن نجيبلك كل البرامج اللازمة للجهاز بس نوعدك خلال اليومين هما ، وكذلك أخي وجدي عنده عندي هدية حلوة واعده بيها .

أخي أحمد الوحيشي بالنسبة للسعر حاليا يتراوح من 1100 إلى 1150 مفتوح رسمي على جميع الشبكات من الشركة يعني أن ليميتد ، ولو تصبر شوية أكيد حيزيد ينزل لأنه بينزل عليه الـ 4 جي ، وحيكون سعره 1450 اول ما ينزل ، أي خدمة أدلل .

دكتور آهلاوي
18-06-2010, 01:08 PM
أخي هايم طريقة فتح حساب مجاني على الستور الأمريكي
عارف أنك لما ادير إنشاء حساب تلقى فيها كلها تبي فيزا ، بس بالطريقة هذه حيطلع خيار تاني هو ( مجاني ) والطريقة هي :

1- تفتح الأيتيونز وتدخل على المتجر
http://www.theiphoner.net/blog/wp-content/uploads/iTunes/2.jpg

2- وتأكد بأن البلد المُختار هو الولايات المتحدّة الأمريكية من أسفل النافذة بعد إكتمال الدخول إلى المتجر

http://www.theiphoner.net/blog/wp-content/uploads/iTunes/3.jpg

3- الآن من قائمة iTunes STORE في الأعلى اختر App Store

ستفتح لك صفحة، بها قائمة البرامج.. قم بالتوجه لأسفل اليمين وستجد مربع به TOP FREE APPS قم بالضغط على أي برنامج وستجد بجانبة كلمة GET APP قم بالضغط عليها

http://www.theiphoner.net/blog/wp-content/uploads/iTunes/5.jpg

http://www.theiphoner.net/blog/wp-content/uploads/iTunes/6-1.jpg

- ستظهر لك نافذة تسجيل الدخول الآن إضغط على Create Account

http://www.theiphoner.net/blog/wp-content/uploads/iTunes/7.jpg

خطوات إنشاء الحساب

1- وافق على الأنظمة والقوانين ثم اضغط Continue
http://www.theiphoner.net/blog/wp-content/uploads/iTunes/8.jpg

2- ستظهر لك صفحة تعبئة بياناتك عبّئها بمعلوماتك ثم اضغط Continue
إيميلك والرقم السري الخاص بك
http://www.theiphoner.net/blog/wp-content/uploads/iTunes/9.jpg

3-الآن ستظهر لك الصفحة الخاصة بمعلومات البطاقة الإئتمانية سابقًا لكن لست في حاجة لإدخالها هنا.
أدخل معلومات الاسم كما تحب ويمكنك إستخدام معلومات غير حقيقية مثل الموجود بالصورة وقم بالتأكد من إختيارNone بالأسفل … وبعد الإنتهاء قم بالضغط على Continue

http://www.theiphoner.net/blog/wp-content/uploads/iTunes/10.jpg

4- أخيرًا لقد تم إنشاء الحساب اضغط على Done! وهنيئًا لك
http://www.theiphoner.net/blog/wp-content/uploads/iTunes/11.jpg

وبعدها أشبك هاتفك بالكمبيوتر وحمل البرامج المجانية لجهازك مباشرة

أحمد الوحيشي
18-06-2010, 05:04 PM
1450 !!

امممم هلبا

هايم فى حب بلادى
18-06-2010, 11:45 PM
أهلين بالدكتور أهلاوى
شكرا ع الطريقة صراحة درت بحت عن النت ودرت اكاونت بنفس خطواتك وتوا الامور ماشية الحمد لله غير الابليكشن هلبا وانى مدمن برامج تليفونات ^_^
اصدارى من الاول جاى 3.1.3 وحكاية الجلبريك والسيديا مافهمتش شنو القصد منهم ومش منزلهم فى جهازى رغم اللى فهمته ان نقدر زل بيهم برامج بدون دفع وكريديت كارد ..

عموما بانتظار توافينا بجديدك بخصوص هالجهاز اللى الصراحة اقل مايقال عنه انه رائع ...

ياوحيشى بعتلك ع بروفايلك ع السعر وتقريبا نفس سعر اللى قاله الدكتور اهلاوى غير خود من واحد مضمون والجهاز مفتوح بطريقة امنه ....

Prince Wajde
19-06-2010, 12:03 AM
السّلام عليكم
قاعد نراقب من بعيد راه
حتى أني معاكم ع الخط
مش تقولوا فايت
هايم قول بقداش خديته من الأخير
^_^

دكتور آهلاوي
19-06-2010, 11:28 AM
أهلين خوي هايم ، وخوي وجدي ^_^

بنغير إسمي لدكتور أيفون هههههههه

بالنسبة للجيلبريك هو تقدر تخترق الجهاز وتنزل فيه حاجة اسمها السيديا اللي تقدر تنزل منها برامج يخلوا جهازك أكثر من رائع ، وتقدر تنزل البرامج المكركة ( اللي من غير فلوس ) يعني تحصل برنامج تنزله ، باش ينزل وباش يخدم لازم من السيديا وشوية برامج .
طريقة عمل الجيلبريك تجده هنا :

http://www.doctors.ly/forums/showthread.php?t=33577

وبعد ما تعمل جيلبريك لجهازك ، حتطلع حاجة اسمها السيديا ( بس قبل الجيلبريك لازم تكون متأكد أنه مفتوح رسمي ) وبعد ما تطلع السيديا فيه عدة برامج تنزلها من السيديا باش يبدأ جهازك مش عادي .

أول حاجة تنزل سورسات وطريقة تنزيل السورسات والبرامج حنجوها بعد ما تقولي انه عملية الجيلبريك تمت بنجاح .
وبعدها حنعطيك الخطوات بسيطة وساهلة وتخلي جهازك مش عادي .
ورد بالك انك ادير تحديث للأيتونز ( توا نازل الإصدار 9.2 ) يطلب من التحديث قوله لا ، لانه معاش تقدر ادير جيلبريك ، ورد بالك ادير تحديث للنسخة ios 4 خليه 3.1.3 لأن الجيلبريك متاع الـ 4 مازال مانزلش .

وبعدها حتدعيلي أكيد .

ملاحظة :
كمثال على البرامج التي تستطيع تحميلها بعد الجيلبريك

http://www.doctors.ly/forums/showthread.php?t=36534

وكذلك يرجى زيارة

http://www.doctors.ly/forums/showthread.php?t=36535

M.BAGHI
19-06-2010, 03:48 PM
السلام عليكم

أني عندي اي فون 3G من فتره جبته من أمريكا وبصراحه جهاز مش عادي و البرامج انزل فيهم من اي تونز الاني عندي كريدت كارت وناخد فيهم بالفلوس البرامج بس تقدر اتقول فلسو بيا :alldoc (46): ف الحل الي قالك عليه أخي دكتور اهلاوي هوا الامتل الســــــــــيديا حــــل مش عادي .... ع العموم مبـــــــارك عليك أخي

أما انت دكتور أهلاوي اني نبي برنامج epocrates هوا برنامج طبي بس اني القيته غاااااااااااالي :alldoc (4):

تحياتي

دكتور آهلاوي
19-06-2010, 05:53 PM
أخي دكتور باقي

ربي يهديك ( تشري فيهم شراء ) انا كرت 150 دولار قاعدلي فيه 98 دولار بعد ما نقرصت ، فقت على عمري وعرفت انه كل شيء فيه منه مكرك ، معاش نشري الا في حاجة ضرورية ونبيها وماحصلتهاش .
اكيد انت درت جيلبريك ، يعني تقدر تنزل شن تبي

ومعلومة ليك ، انت 3 جي ، يعني تقدر تنزل الفريموير الجديد اللي هو او اس 4 عادي لانه نزل الجيلبريك متاعه وحيخلي جهازك تحفة صدقني ، انا جربته النسخة بيتا للمطورين ومش عادي رغم انه كانت فيه بعض المشاكل البسيطة اللي تم حلها في الإصدار الرسمي ، لو تبي الجيلبريك متاعه قولي .
وطلبك تم الرد عليه في موضوع الطللبات

هايم فى حب بلادى
19-06-2010, 10:30 PM
ياودى منور يا أهلاوى ونستنو فى وجدى اللى مختفى توقعنا منه اكتر ^_^

حنتبع خطواتك وحدجة وحدة ...

يا دكتر باقى ... الابوكراتس نزلته وهو فرى على فكرة وبصراحة برنامج رهيب ومعلومات ماشاء الله وبعدة طرق متوفرة الصراحة اعجبنى هلبا البرانامج ونعاود ونقولك انه فرى ممكن بس لفترة محددة بس انى محمله فرى ويشتغل عندى توا ...

نقطة اخيرة ...
كيف نعرف الجهاز على الاسماء اللى فى شفرة ليبيانا اللى عندى دورت هلبا ماعرفتش كيف يعنى ماتقوليش ضيف يدوى بالاسم واحد واحد ...

منور ونستنو فى اقتراحاتك ...

دكتور آهلاوي
20-06-2010, 12:09 AM
السلام عليكم
أخي هائم أسعدت مساءاً

أبسط طريقة لنقل الأسماء من الشريحة إلى الجهاز
هذه أسهل طريقة و لا تحتاج لصور و كل ما عليك فعله هو الضغط على أيقونة Settings او "اعدادات" ثم من الواجهة التى ستفتح لك انزل تحت حتى تجد التالى : Mail,Contacts,Calender,.....اضغط عليها و من الصفحة التى ستفتح انزل الى نهايتها حتى تجد
عبارة
Import SIM Contacts اضغط عليها و انتظر ثوان معدودة حتى يقوم بنقل جميع الأسماء ثم قم بالخروج بالضغط على زر Home
و افتح ايقونة Contacts أو "جهات الاتصال و ستجد كل الأسماء موجودة .

هذه أسهل طريقة وهناك عدة طرق أخرى ، ولكن تبي الحق ، أنا كنت مانعرفهاش ، نقلتهم بالإسم ههههههههه

M.BAGHI
20-06-2010, 12:25 AM
http://img248.imageshack.us/img248/5035/98215532.jpg


after one month ya bro

Prince Wajde
20-06-2010, 12:34 AM
السلام عليكم
بالنسبة ليا شادها على برنامج نزلته من السيديا Cydia
أسمه installous
هذي الايقونة متاعه
http://t2.gstatic.com/images?q=tbn:08PKzqmitUwE4M:http://4.bp.blogspot.com/_rHLoOX4qEKY/SjESXqBusJI/AAAAAAAAAYs/LHKAz1Jkxqc/s320/installous.jpg
ونزلته من السيديا
طبعاً نبي أي برنامج مجرد نفتح البرنامج هذا ونكتب أسم اللعبة أو الموسوعة اللي نبيها
تطلع واتية ومكركة غر نزل يا حويج بس
أربط الايفون بالوايرلس ونزل
أشهر ما نزلت بيه
موسوعة Lexi Copmlete طبية
و لعبة Need for speed shift مش راح تقدر تشد فرينو مانو
ولعبة Need for speed underground
^_^
ها شنو رايك أهلاوي
هايم شد روحك فالجديد
اللي قلته فوق كله درته Under supervision فروم someone
ههههه

هايم فى حب بلادى
24-06-2010, 08:40 PM
تم انزال الجلبريك واشتغلت السيديا عندى مادا تقترح الان ان افعل واى برامج احمل علما بان البرنامج انستاوس اللى قال عليه وجدى ما طلعش ع السيديا عندى
installous

Prince Wajde
24-06-2010, 09:40 PM
السلام عليكم
اذهب الى Cydia ثم Manage ثم اضف السورس التالي
من قائمة قم بأختيار Sources وبعد ذالك اضغط على Edit ومن ثم Add
Cydia.hackulo.us
بعدين افتح السورس
و خش دور وحمل عن طريقه Installous
^_^

دكتور آهلاوي
24-06-2010, 11:29 PM
خوي هائم كيف حالك

سامحني على التأخير والله الوالد تاعب شوية وتعرف الماشي والجاي

بالنسبة لخونا وجدي ، الطريقة صح لكن قديمة شوية
وهكي تبي تضيف اكثر من 30 سورس ( المهمات 5 ) لكن بالطريقة اللي نوريهالك توا ، حتنزل كل سورسات السيديا الآمنة واللي برامجها ما يتعارضوش مع بعض :

1) نفتح برنامج سيديا ونختار الأقسام (Sections) وننزل تحت لحد ما نوصل لي (Repositories) وندخل عليه
http://www.ce4arab.com/vb7/imgcache11900/124333.jpg

2) ندور على تطبيق إسمه (Steffwiz)
http://www.ce4arab.com/vb7/imgcache11900/124334.jpg

3) نضغط عليه ونحمل البرنامج طبعاً أنا مكتوب عندي (Modify) على خاطر البرنامج محمل عندي ...بس إنت راح يطلعلك (Install) بدالها ..

http://www.ce4arab.com/vb7/imgcache11900/124335.jpg

4) بعد ما يكتمل تحميل التطبيق نرجع للسيديا ونختار البحث واكتب في خانة البحث على (All Sources)
http://www.ce4arab.com/vb7/imgcache11900/124336.jpg

5) نضغط عليها ... ونعملها (install) ... طبعاً مرة ثانية أنا مكتوب عندي (Modify) على خاطر البرنامج محمل عندي ... بس إنت راح يطلعلك (Install) بدالها ..

http://www.ce4arab.com/vb7/imgcache11900/124337.jpg

طبعاً عملية التحميل راح تاخذ وقت وبعدها راح تلاقي جميع السورسات محملة وكجزء رئيسي من سورسات سيديا الأصلية ..

وبعدين تقدر تكتب اسم اي برنامج في البحث ويطلعلك على طول ، وحنجيبلك قائمة بالبرامج اللي مفروض تنزلها عندك باش جهازك يخدم ويستقبل البرامج المكركة وياخد اكثر من 11 صفحة وحاجات هكي ، حنخليهولك طيارة ههههه
وردوا بالك تحدثوا للفريموير 4 لأنه معبي مشاكل وحتى الجيلبريك طلع لأجهزة دون أجهزة ، فوتوه معبي مشاكل وين نتأكد أنه فيه جيلبريك كويس حنبلغكم اول بأول .
إن شاء الله الطريقة واضحة وسامحني الليلة مش حنكتبلك البرامج بس غدوة بإذن الله حتلقاهم هنا في الموضوع

دكتور آهلاوي
24-06-2010, 11:35 PM
وفيه طريقة تانية وهي أنك تفتح السيديا
وتختار ( مانج وبعدين سورس )
http://www.ti4it.com/vb/imgcache/2/37265-ti4it.com.png

اضغط علىEdit على اليسار ومنه الى خيار Add
http://www.ti4it.com/vb/imgcache/2/37266-ti4it.com.png


اكتب هذا السورس
http://apt.steffwiz.com وفي اخر السورس غلامه /
في المربع التالي:
http://www.ti4it.com/vb/imgcache/2/37267-ti4it.com.png


بعد ان تضيف السورس اذهب لخيار البحث Search بالسيديا واكتب بمربع البحث الكلمة التاليةAll sources

الباقي زي الفوق ، ومرات تطلعلك رسائل خطأ دير عليها موافق ( السيديا تختار السورسات الأمنة فقط ) .

هايم فى حب بلادى
25-06-2010, 02:43 PM
منور هلبية يا اهلاوى ويا وجدى
نقولكم شن صار
الطريقتين بتاع اهلاوى درتهم ومش الامور الفرق بس ان لما ندير بحت ع برنامج انستالوس ما يطلعش البرنامج ويطلعو برامج اخرى بديلة بس بطريقة وجدى طلع البرنامج رغم انه طلعت نافدة انه غير امنه وحاجات زى هكى ...


اهلاوى نستنى فيك تقولى شن البرامج اللى نبى نحملها

ع فكرة هالموضوع تلاته من اصحابى يقصقصو عليه ويتبعو ف خطواتكم المشكله انه يطلع بدون حتى عضوية فياريت يتسكر عليهم هههههه

سلامى

^_^

Prince Wajde
25-06-2010, 03:08 PM
وجدى طلع البرنامج رغم انه طلعت نافدة انه غير امنه وحاجات زى هكى ...
^_^

كانا فيها كلمة Add anyway يعني نفس اللي طلعتلي
أضغط عليها وضيف البرنامج للتثبيت
http://i3rab.com/forum/richedit/upload/2kce64c2f6c1.jpg
أتس not legal هايم
شوف الفيديو هذا (http://www.youtube.com/watch?v=F3WaQP9frug&feature=player_embedded#%21)
^_^

دكتور آهلاوي
25-06-2010, 06:55 PM
السلام عليكم
خوي هائم
كان درت الطريقة صح ودرت إضافة ( all sources ) مفروض يطلع البرنامج ، على فكرة فيه عدة برامج للأنستولز
فيه installous وفيه instal0us صفر مش او وكلهم ليهم نفس الوظيفة ، بالنسبة قبل الأنستولز وقبل كل شيء لازم تنزل من السيديا :
أهم البرامج
APPSYNC for OS
وتلقى جنبه أرقام إختار أخر نسخة ( هذا يخلي البرامج المكركة تشتغل على جهازك ) .

-afc2add
يسمح بالجهاز بالإتصال بالبرامج الأخرى غير الأيتيونز ( فيه هلبا برامج تقدر تتحكم منها بالجهاز بطريقة سلسة جدا )


-OpenSSH
Openssl
sbsettings
برامج مهمة وأساسية



برامج سطح المكتب


1-five icon dock
يضيف ايقونة خامسة الى القائمة الرئيسية او dock
2- FiveIRows
اضافة صف خامس في كل صفحة
طبعا لزيادة عدد البرامج والأيقونات في كل صفحة ياخد أكثر برامج في أقل عدد من الصفحات
3- five-column springboard
برنامج اضافة عامود خامس لكل صفحة ، يعني تبدأ عندك خمسة أعمدة مش 4 بس

4- Battery Control
اضافة نسبة عمر البطارية الى شريط المهام وامكانية اخفاء ايقونة البطارية

-OverBoard
برنامج التنقل بين الصفحات بسرعه مع زيادة عدد الصفحات الى اكثر من 11 صفحة
لانه الأيفون فيه 11 صفحة فقط ، بالبرنامج هذا يعطيك عدد لا محدود من الصفحات وتقدر تتنقل بينهم بسهولة بمجرد الضغط على زر الهووووم .

Backgrounder
برنامج ادارة البرامج في الخلفية يمكنك الانتقال بين البرامج بدون اغلاقها ( تحط صبعط تحت البطارية وتسحب للأسفل يطلعولك البرامج )

statusnotifier
لعرض التنبيهات بجوار الساعه بحيث يعرض لك كل ما يصلك من اتصالات او رسائل او بريد .... الخ بجوار ايقونة البطارية على شريط المهام


-cydelete
برنامج اضافة زر الحذف المباشر للبرامج الخاصة بالسيديا ( تضغط على البرنامج لمدة 5 ثواني ، تبدأ جميع الأيقونات بالإهتزاز والرقص وتطلع علامة الضرب للحذف بسيط وساهل ، وعند الإنتهاء تضغط على زر الهووووم .

ifile
برنامج ادارة الملفات

makeitmine
تغيير شعار الشبكة والساعة ( بدل ليبيانا تكتب شن تبي ، وفي الوسط تقدر تكتب هائم في حب بلادي ^_^ )

mywi
برنامج تحويل الايفون الى روتر

Anyring
اختيار اي اغنية كرنه او نغمة للجوال

winterboard
برنامج لادارة الاضافات والثيمات

categories
برنامج تجميع البرامج في مجموعات محددة ( يعني تفتح ملف تسميه الألعاب ، وتحط فيه كل الألعاب ) عيبه بطيء شوية في الإستجابة لما تحطهم في ملفات .

iblacklist
برنامج تحديد الاتصالات المحضورة ( حط فيهم صحابك اللي يتبعوا في الموضوع ههههه )
-Recent/CallLog Delete
تمسح مكالمة واحده من السجل المكالمات
- mobilelog
برنامج سجل المكالمات المطور ومميز جدا

irealsms
ادارة الرسائل كما في النوكيا
bitesms
الرسائل النصية المحترفة مميز جدا

swirlymms2
برنامج الرسال المصورة ( mms )
AttachmentSaver
لحفظ المرفقات من الاميل

YourTube
اضافة خاصية التنزيل لليوتيوب وحفظ المقاطع من اليوتيوب

safari download manager
ضافة خاصة التنزيل للملفات في المتصفح سفاري
Attachment=for mailto
اضافة مرفقات الى الاميل المرسل

vlc4iphone
برنامج تشغيل ملفات الفيديو

yxflash
لتشغيل ملفات الفلاش



3G unrestrictor
برنامج ادارة البرامج بحيث يمكن تشغيلها على 3g على شبكة الجوال بدل wifi

بمعنى تحويل اي برنامج يحتاج الى wifi الى ان يعمل على 3g في حالة عدم توفر شبكة لاسلكية

abf2
multiflow
Mobile Log
QuickReplay For Sms
Action Menu + Pack
backgrounder
Infindock

أهم البرامج وبإذن الله فيه شوية برامج تانية ، توا مش عالبال ( والحق مستعجل شوية ) مثلا زي اللي توقف النت ومعاش يشفط منك رصيد بروحه ، تصكر النت من الشفرة وتفتحه امتى ما تبي بضغط على زر فقط ، وشوية حاجات حلوة تانية .
نزل اللي كتبتهملك وما تنساش تدعيلي ^_^

Prince Wajde
25-06-2010, 07:23 PM
السلام عليكم
ايه هكي يا أهلاوي
نورنا
يا خطير انتا
تم التخزين إن ماي ميموري والليلة بنكسد عليهم واحد واحد
فيه منهم زوز او تلاثة نعرفهم
البلاك ليست و متع الثيمات والنغمات
أكيد هايم ما فهم شيء

دكتور آهلاوي
25-06-2010, 08:38 PM
السلام عليكم
ايه هكي يا أهلاوي
نورنا
يا خطير انتا
تم التخزين إن ماي ميموري والليلة بنكسد عليهم واحد واحد
فيه منهم زوز او تلاثة نعرفهم
البلاك ليست و متع الثيمات والنغمات
أكيد هايم ما فهم شيء


ههههههههههههههه مليحة مش فاهم شيء هههههه
تي عادي بالشوية بالشوية تو يلقى روحه خبير فيه ، تعرف اللي خلى الأيفون يخربش في دماغي هو صديقي دكتور وسام ( وسموزس ) وبعدها شريته ( لكن النوكيا كبيدة هههههه ) المهم معاش درت شيء ليل نهار وانا نجرب ووين نلقى روحي درت عفسة ههههههه مافيش ما أسهل من رستور وطبعا ديما ناخد في بيك اب ههههههههه يعني يرجع الهاتف زي ما هو في اخر لحظة كان يشتغل فيها طبيعي ، وقريت عليه هلبا ( فيه منتديات مختصة بيه ومدونات مش عادية كل معلوماتي نستسقي فيها منهم ) .
يعني غر يحط البرامج هما وبعدين تلقاه انطلق في عالم الإبداع بروحه ، وما ننصحكمش تحملوا من الأنستولز كان ما عندكش ( واي فاي ) تربط عليه لأنه بياكل من الرصيد هلبا ، تقدر تنزل من المواقع وتحط في الجهاز .

ومرات تواجهكم مشكلة أن البرنامج نازل بصيغة ( ipa.zip ) طبعا تفك الضغط يطلع الملف بالصيغة اللي قلت عليها ، كل ما عليك فعله هو انك تغير في الخصائص إلى ( ipa ) فقط ، يعني تمسح (zip ) وتلقى الملف أصبح كأنه ملف للأيتونز تقدر تنزله في جهازك طول .

دكتور آهلاوي
25-06-2010, 10:08 PM
عودة من جديد

أكيد لاحظتوا أن التليفون يسحب في الرصيد ( جماعة ليبيانا أكثر ناس ) لأن النت بالفلوس ، وانت مخليه على رصيد معين ، شوية تلقى الرصيد بح خلاص مافيش لديك أقل من دقيقة او تقولك ( تحشم على وجهك وعبي رصيد قبل ما تتصل ) .
وانت متأكد انه مافيش حد مس تليفونك وانت ما اتصلتش بحد ، فوين المشكلة .
المشكلة انه الجهاز يفتح في النت منه ليه ( زعميتك فالح يدير في تحديثات بروحه على اساس جهاز ناشط ههههه ) فالحل انك توقف النت نهائي عندك بضغطة زي ( ولم تبي نت تاني بتفتح من الشفرة نت يعني ، تقدر ترجعه بضغطة زر مرة تانية ) .
الحل بسيط وتبع معاي وحدة وحدة ( والرصيد اللي بتوفره حولهولي ههههههه ) .

أكيد في الرد الذي سبق ردي السابق ( تي هذه بروحها تبي يوم باش تنفهم ههههه ) ، تكلمت على برنامج اسمه
Sbsettings
بعد ما تنزله
يتم الدخول ل Sections

http://www.iclarified.com/images/tutorials/7607/26980/26980.png

نضغط كما فالصوره
http://www.iclarified.com/images/tutorials/7607/26981/26981.png

نضغط INSTALL
http://www.iclarified.com/images/tutorials/7607/26982/26982.png

نضغط CONFIRM
http://www.iclarified.com/images/tutorials/7607/26983/26983.png

بعد ما يكمل التحميل تطلعلك
http://www.iclarified.com/images/tutorials/7607/26984/26984.png

حرك اصبعك من رمز البطاريه الى رمز الشبكة ( يعني من اليمين ألى اليسار من أعلى الجهاز تجبد صبعك من جهة البطارية لجهة رمز الشبكة ) تطلعلك
http://www.iclarified.com/images/tutorials/7607/26985/26985.png

http://www.iclarified.com/images/tutorials/7607/26986/26986.png

إضغط على ( data ) لتصبح باللون الأحمر
http://www.iclarified.com/images/tutorials/7607/26987/26987.png

سوف تلاحظون ان ال DATA IP ADDRESS قد تغير

إفتح المتصفح وتأكد
http://www.iclarified.com/images/tutorials/7607/26988/26988.png

وبهذا معاش يقدر يسحب منك رصيد ، ولما تبي تفتح النت من الشفرة ، حرك صبعك مرة تانية من اليمين إلى اليسار واختار data تصبح باللون الأخضر وترجع الأمور زي قبل ، وما تنساش بعد ما تكمل النت ، ترجع تطفيها باش رصيدك يقعد عندك

وتوا انت واياه تقييم بعشرة بسرعة لنغير رأئي هههههههههههه

شن رأيكم نغير من دكتور أهلاوي لدكتور أيفون

Prince Wajde
26-06-2010, 12:19 AM
:hesh (42)::hesh (42)::hesh (42):


عودة من جديد
أكيد في الرد الذي سبق ردي السابق ( تي هذه بروحها تبي يوم باش تنفهم ههههه ) ،

هههههههههههههههه

حرك اصبعك من رمز البطاريه الى رمز الشبكة ( يعني من اليمين ألى اليسار من أعلى الجهاز تجبد صبعك من جهة البطارية لجهة رمز الشبكة ) تطلعلك

هذي جديدة كذلك مكنتش نعرفها
وحدة وحدة أهلاوي
مش طول هكي صبّان المعلومات
مرات يصيرلي ستك ونبي ريستور ومفيش آيتونز للهيومن بين
ههههههه

دكتور آهلاوي
26-06-2010, 12:28 AM
:hesh (42)::hesh (42)::hesh (42):





هههههههههههههه خلاص ولا يهمك ( أمي بتسلم عليك وتقولك مليني وحدة وااااااحدة ) هههههههه
خلاص اليوم أصلا كملنا ، نزلوا البرامج هذه بالشوية بالشوية عليكم ، وجرب بالشوية كل اللي قلتهولكم
وبعدين تعالى جيب 10 نقاط تقييم كان تبي الحصة الجاية ( ايوة مش ديما بالبلاش ههههههه ) .
سلملم

نستنى في خوي هائم ( بيصيرله الستك رسمي مسكين ونحس فيه بيكره جهازه قبل ، لانه ما كانش جهاز الحق ) الأيفون بدون البرامج المكركة والجو المليح هذا ما اسماش جهاز ، والحصة الجاية بعض الألعاب السحرية :
يعني تشوف صورة أي شخص بعد 40 عام كيف بيولي شكله ^_^ ( بعض الأصدقاء شبحوني بعد 40 عام ) الله اعلم نكونوا عايشين او لا ( ربي يعطينا طول العمر في طاعته ورضا الوالدين ) .
وشوية خدع سحرية ( كيف تطيب سبول وتجبد واحدة من الأيفون )
كيف تشرب كوكا كولا - ماء - بيرا - ههه اي حاجة
عندك صاحبك وعنده سيارة يرعش عليها هلبا ( مش كونر راه ) تبي تخزرطه خود صورة لسيارته والعب فيها كيف ماتبي بضغطة زر ( كسرله المرش ) - عادي ممكن تخليها مخبوطة خبطة صح ههههه
غر ارفع معاك كسبر قبل ما توريه الصورة ( احتياط ) .
مثلا طالع زردة وصورت صورة حلوة ( لكن طلعت حاجة غريبة ) فسدت المنظر تقدر تنحيها ببساطة من غير ما تبان انه كانت فيه حاجة والكثير الكثير .

حنو
26-06-2010, 12:43 AM
مرحبا..انا جيت ...عندى استفسار ع الآى فون ...
اول حاجة الجهاز مش ليا متاع خوي ...لكن !!!وجعني :alldoc (86):كان لا بيه لا عليه يخدم زي الساعة
وخوي ربي يهديه خطرله ينله برنامج مالنت ..انطمس مرة وحدة وتوا الجهاز ياناري ما عاش بي ينفتح وملوحه عندي .....قلتله آهو جماعة المنتدى ما شاء الله عليهم ..والصراحة بينى وبينكم هو توا في الصحراء يعنى نقدر نلعب فيه :devil:..اهلاوي كان فيه حل اليا به ..........سلملم

دكتور آهلاوي
26-06-2010, 11:43 AM
مرحبا..انا جيت ...عندى استفسار ع الآى فون ...
اول حاجة الجهاز مش ليا متاع خوي ...لكن !!!وجعني :alldoc (86):كان لا بيه لا عليه يخدم زي الساعة
وخوي ربي يهديه خطرله ينله برنامج مالنت ..انطمس مرة وحدة وتوا الجهاز ياناري ما عاش بي ينفتح وملوحه عندي .....قلتله آهو جماعة المنتدى ما شاء الله عليهم ..والصراحة بينى وبينكم هو توا في الصحراء يعنى نقدر نلعب فيه :devil:..اهلاوي كان فيه حل اليا به ..........سلملم

السلام عليكم
أختي حنو
ممكن تقوليلي شن صايرله بالضبط ، يعني معاش يفتح نهائي ، والا يفتح ويقعد عالق على ( علامة الكرة الأرضية وعلامة اليو اس بي ) - يعني تطلع فيه صورة خيط الشحن - او هكي مطفي وخلاص معاش بينفتح .
ولازم تسألي خوك شن السفتوير اللي فيه ( 3.1.3 - 3.1.2 ) او شني بالضبط وهل مفتوح رسمي او لا ، وشن هو البرنامج ، باش نقولك كيف تخشي عليه من الجهاز وتمسحيه مادامه هو اللي مسبب المشكلة .
عموما تو نجيبلك برنامج اسمه ( فن بوكس ) تقدري تخشي على الجهاز وتمسحي شن تبي ، لكن لازم نعرف البرنامج باش نقدر نحدد موقعه ( لأن الغلطة بورطة ) وممكن خوك يستغنى على هذا كله ، الله غالب يمتسح البرامج كلهم ولكن يرجع يخدم تاني ( طبعا كانه مفتوح رسمي ) والا حيقعد يخدم من غير شفرة لو مش مفتوح رسمي ، وهو انك تفتحي برنامج ( itunes ) اللي في الجهاز ، وتوصلي الايفون بالكمبيوتر وهو حيخدم خدمته البرنامج ، حيقولك تبي تنزلي السفتوير الجديد ، قوليله أجل ( طبعا لازم يكون عندك نت ) وخليه ينزل ( بياخد شوية وقت ) وبإذن الله ينفتح وتمشي الأمور .

حنو
26-06-2010, 03:53 PM
هو دا ,,,,,,,,ال itunesهو السبب في اللي صار اساسا ...لان هو ينزل فيه مالكومبيوتر وعلى قولتك خذي وقت ..وبعد ما نزل طلعله ان ليه علاقة بالشفرة المفروض ..المهم بعدها بح وماعادش يبي يفتح بكل ...وكيف يعنى مفتوح؟؟؟؟؟على حد علمى من لما شراه ما رفعاش لاى محل موبايلات او هكي يا دوب برمجه وعند واحد معاه في المستشفى نزله برامج بس .......
وتوا كلمنى قالي ارفعوه للمدار يا بيها يصلحوه يا بيها :hesh (7):.لكن مانيش عاطيتهولهم ...:doc:ونبيك تقولي ان فيه علاج اور نت؟؟؟؟؟في انتظار الرد....وثنكيو اهلاوي

هايم فى حب بلادى
26-06-2010, 04:16 PM
أهلاووووووى
تى بالشويا يا بـــــرو بجد صارلى استك راهو ^_^
قصدى الموضوع مفروض ةيحجب لان المعلومات قيمة ونعرف ناس حتى بالفلوس مالقوش ناس تساعدهم هكى ...

ومعاش ترد ع اى حد الا يبعتلك تقييم قبل خخخخخ هاى الطريقة الامنه لانى نشبح فى وجدى مستفيد وبدون مايقول حتى بارك الله فيك يا عليوه ولا تعال اليوم غداك فى الضيافه ع حسابى ^_^

المهم خلى الدرس وحدة بوحدة هههههه لان اشتراك الدى اس ال كمل وحتى 500 الزيادة كملو من وراك ^+^

ع فكرة قالك صاحبى جهازى جبته من كندا ما يخدمش هنى فى امل ينفتح او لا وهو اصدار زينى 3.1.3 وتبع شركة كندية اسمها فودا او حاجة زى هكى انى صورة جهازه عندى وحنزل الصورة ...

خلينا توا فى ليبيانا بعت اول 8 ارقام من imei لـــ 1515 فاتونى وماردوش عليا ؟؟
كيف نقدر نستخدم نت ليبيانا ع الاى فون مع انه يبى وايرلس ولا وايفى لو حد يبى يستفيد منه صح ....

منور يا مان ولنا عودة ان شاء الله ...

سلامى

Prince Wajde
26-06-2010, 04:55 PM
السلام عليكم
باه يا هايم باه
كان مزال شاركت فالموضوع
الموضوع اصلا فكرتي أني غر اندر سوبرفيجن من أهلاوي
توا أهلاوي هوا الناطق بأسمي
قبل فيه حاجة جديدة منبيش نقولهالك يا هايم تو تشوف
*
*
أهلاوي مفيش وحيد نظيف 3gs مقابل للبيع أسود بشرط
خوي صارله هوس وبدي يغنيلي نبي زيه
^_^

دكتور آهلاوي
26-06-2010, 06:49 PM
هو دا ,,,,,,,,ال itunesهو السبب في اللي صار اساسا ...لان هو ينزل فيه مالكومبيوتر وعلى قولتك خذي وقت ..وبعد ما نزل طلعله ان ليه علاقة بالشفرة المفروض ..المهم بعدها بح وماعادش يبي يفتح بكل ...وكيف يعنى مفتوح؟؟؟؟؟على حد علمى من لما شراه ما رفعاش لاى محل موبايلات او هكي يا دوب برمجه وعند واحد معاه في المستشفى نزله برامج بس .......
وتوا كلمنى قالي ارفعوه للمدار يا بيها يصلحوه يا بيها :hesh (7):.لكن مانيش عاطيتهولهم ...:doc:ونبيك تقولي ان فيه علاج اور نت؟؟؟؟؟في انتظار الرد....وثنكيو اهلاوي

امممممممم ايوا كده يا وديع هههههههه ( هو دا صار ههههه )
بالنسبة لجهاز خوك شكله مقفل مش مفتوح ، ولما جي يبي يدير أبديت الجهاز تصكر ( نبي نعرف توا شن يعطي بالزبط لما تفتحيه ) خليه في الشحن كويس ، وافتحيه قوليلي شن يعطي عالشاشة بس ، مانبيش اكثر من هكي ، بعدين نقولك شن حله ، وحله إن شاء الله بسيط .

دكتور آهلاوي
26-06-2010, 07:29 PM
أهلاووووووى
تى بالشويا يا بـــــرو بجد صارلى استك راهو ^_^
قصدى الموضوع مفروض ةيحجب لان المعلومات قيمة ونعرف ناس حتى بالفلوس مالقوش ناس تساعدهم هكى ...

ومعاش ترد ع اى حد الا يبعتلك تقييم قبل خخخخخ هاى الطريقة الامنه لانى نشبح فى وجدى مستفيد وبدون مايقول حتى بارك الله فيك يا عليوه ولا تعال اليوم غداك فى الضيافه ع حسابى ^_^

المهم خلى الدرس وحدة بوحدة هههههه لان اشتراك الدى اس ال كمل وحتى 500 الزيادة كملو من وراك ^+^

ع فكرة قالك صاحبى جهازى جبته من كندا ما يخدمش هنى فى امل ينفتح او لا وهو اصدار زينى 3.1.3 وتبع شركة كندية اسمها فودا او حاجة زى هكى انى صورة جهازه عندى وحنزل الصورة ...

خلينا توا فى ليبيانا بعت اول 8 ارقام من imei لـــ 1515 فاتونى وماردوش عليا ؟؟
كيف نقدر نستخدم نت ليبيانا ع الاى فون مع انه يبى وايرلس ولا وايفى لو حد يبى يستفيد منه صح ....

منور يا مان ولنا عودة ان شاء الله ...

سلامى

السلام عليكم
توا انت مشيناهالك بالبلاش ، لكن صاحبك هلبا عالشركة ههههههههههههه
بالنسبة لوجدي شكله ( جمبرلو ) ياكل في الضيافة بروحه هههه

خلينا توا في المهم ، بما أنه معاش عندك إشتراك ، خلي لين ترجع من جديد وحتلقى حاجات حلوة بإذن الله .

بالنسبة لصاحبك فيه أمل إن شاء الله ، لازم يرجع بالفريموير من 3.1.3 إلى 3.1.2 أو ممكن فيه حل تاني توا ما يديرش الجيلبريك بالسبرايت ، يدير جيلبريك ببرنامج تاني ، ويفتح الشفرة ، والله البرنامج موجود عندي ، وحندوره ونكتبله الخطوات بالضبط شن يدير ، لانها والله هلبا لكن ساهلة يقدر يطبقها بروحه .

بالنسبة لموضوعك انت والليبيانا ( قريب نطلع ننتشك ) تي النت يفتح طول ، من غير حتى حاجة ، جرب السفاري وحتلقاه يخدم إن شاء الله ( الإعدادات يجوا واتيات ) الحاجة الوحيدة اعدادات الرسائل المصورة اللي ما عرفتهاش لليوم ( تلبيز هلبا ومعاش دورتها تبي مشية للشركة يعطوك الاعدادات يدوي ) .
بالنسبة للوايرلس هذا ليك انت باش ما تستهلكش رصيد من الشفرة بس ، لكن عادي انا نستخدم في النت من الشفرة وعادية الأمور .

دكتور آهلاوي
26-06-2010, 07:31 PM
السلام عليكم
باه يا هايم باه
كان مزال شاركت فالموضوع
الموضوع اصلا فكرتي أني غر اندر سوبرفيجن من أهلاوي
توا أهلاوي هوا الناطق بأسمي
قبل فيه حاجة جديدة منبيش نقولهالك يا هايم تو تشوف
*
*
أهلاوي مفيش وحيد نظيف 3gs مقابل للبيع أسود بشرط
خوي صارله هوس وبدي يغنيلي نبي زيه
^_^


ههههههههههههه صار بتقوله حاجة ماصارش
تعرف بنديرلكم شرط انت والهائم لازم تقييم كل يوم ههههههههه
بالنسبة للأيفون والله فيه هلبا لكن بعيوني ما شفتش نظافتهم
تبي نعطيك روابط العروض وانت تفاهم معاهم وقلب براحتك حاضر
والا خش للسوق المفتوح تلقاهم معروضات واسعار حلوة .

دكتور آهلاوي
26-06-2010, 07:55 PM
أخي هائم
بالنسبة لصاحبك
موضوعه سهل وبسيط لكن قولي انه ما دارش جيلبريك بالله
قاعد هكي مصكر وخلاص أرجوك
باش نقولك انه اسهل حاجة توا يقدر يديرها .

دكتور آهلاوي
27-06-2010, 12:22 PM
السلام عليكم ورحمة الله وبركاته

أي حد جهازه 3جي او 3 جي اس ، وقاعد على 3.1.3 وجهازه مصكر عالق على مكالمات الطوارئ فقط يتبع الأتي :-
اولا يجب عليك عمل الجيل البريك jailbreak وذلك باستخدام برنامج السبريت وذلك من خلال الرابط التالي:
Windows : http://tinyurl.com/spiritPC
Mac : http://tinyurl.com/spiritMAC

او شاهد الموضوع الخاص بالجلبريك وطريقة القيام به :

http://www.doctors.ly/forums/showthread.php?t=33577

لعمل الجيلبريك
1.حمل البرنامج sprit من خلال الروابط الموجوده بالاعلى
2. اوصل الجهار مع الكمبيوتر من خلال الكيبل.
3. افتح برنامج ال spirit وذلك ب الضغط على الزر اليمن على الموس ثم run as administrator
4. بعد ان تفتح البرنامج اضغط على jailbreak
5. سيعد الهاتف تشغيل نفسه وبعد ذالك قد عملت ال jail break
لعمل الانلوك unlock ( فتح الشفرة إذا كان مقفل على شفرة معينة ) اما إذا اشتغل معاك وطلعت ليبيانا او المدار فخلاص معاش تحتاج لباقي الخطوات ولكن لو ماطلعتش الشبكة اتبع الخطوات التاليه
1. افتح برنامج ال cydia الموجود في هاتفك وهذا البرنامج تحصل عليه فقط عندما تعمل الجيل بريك
2. اضغط على manage تجدها اسفل الصفحه
3. ثم افتح sources
4. ثم اضغط على edit ثم add
5. بعد ذلك اكتب في المربع الذي سيظر لك repo666.ultrasn0w.com ثم add source
6. بعد ان تضيف كلمه repo666.ultrasn0w.com موجوده في ال sources اضغط عليها
7. ثم اضغط على install ثم confirm
هذه الطريقه فعاله لل 3g و 3gs
ومبروك عليكم فقد عملتم unlock او فتحتم الشفره وبامكانكم استخدام الهاتف مع اي شريحه هاتف

وما تنسوش الدعاء ^_^

دكتور آهلاوي
27-06-2010, 12:24 PM
ياريت تجربوا وتقولونا شن صار

وبالنسبة لأي حد عنده 3 جي يقدر يحمل الإصدار الأخير 4.0 وهو مرتاح لانه نزل الجيلبريك وفتح الشبكة ، واي حد يبي يدير تحديث يقولي قبل ، ويعطيني نوع جهازه والفريموير الموجود عليه والبيسباند متاعه باش نقوله يحدث او لا .

دكتور آهلاوي
28-06-2010, 03:32 PM
شباب قولونا شن صار معاكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راهو بيصير فيها تشفير الموضوع وبيولي بالفلوس مادامها هكي ^_^

Prince Wajde
28-06-2010, 05:17 PM
السلام عليكم
تي غر لا فكنا عاد
قصدك الموضوع يبي كرت باش ينفتح ههههههه
أهلاوي مش بعتلك قولتلك done يعني مشت الامور
لكن ليس بالبرامج فقط
لقد أستعنت بشيئين
الرد متاعك لفك iphone 3G مقفل على شبكة
وشريحة Iphone SIM Universal + صديق لي .
لان مع السبيريت spirit يطلع في مسج error معرفتش بالرغم من أني مستعمله في تلفوني الشخصي 3GS ولكن مع 3G مباش فوته توا ( طبعا واقف على مكالمات الطواري ومرة يوقف على علامة الايتونز ) تبي الحق لعبنا فيه هلبة اني و الولد صاحبه ههههه
المهم
درناله برنامج sn0wbreeze مع برنامج iH8sn0w في وجود الشريحة اللي قلت عليها لانه تطلع خيار activate iphone مش الامور
من غير الشريحة مباش على قد ما درناله
فيه برامج هلبة خششناها بعضها
الحمد لله أخيرا صارله انلوك
^_^
:doc:
متابعين الموضوع

دكتور آهلاوي
28-06-2010, 08:30 PM
السلام عليكم
حتى هذه فكرة يا وجدي ( التشفير ) والكرت بـ 10 دينار بس هههههههههههه
تي اكيد درت حاجة غلط يا صديقي ( قلتلك تعالى جيب معاك وجبات ونكسدوا ماتبيش هههههههههههه ) .
المهم نحلت المشكلة ( تي نستنى في الحاج عبدالله - هائم في حب ليبيا - ) معاش رجع ، وتكلم على الجيجات تموا حتى انا ( الحق تشمتت فيك ههههههه ) وحاليا نخش من ليبيانا ومانحكيلكش عالسرعة الخيالية ههههههه .
المهم الحمد لله اموره مشت تمام ( نبوا الزردة ) وفي انتظار عبدالله باش نبدوا الحصة الثانية موتيلكم شوية حاجات انما ايه على قولة المصريين هههه

Prince Wajde
28-06-2010, 09:20 PM
موتيلكم شوية حاجات انما ايه على قولة المصريين هههه

:hesh (42)::hesh (42)::hesh (42):

ولا يهمك تفضل فالحوش فكنا من جو الوجبات
:hesh (37):

دكتور آهلاوي
29-06-2010, 12:23 AM
:hesh (42)::hesh (42)::hesh (42):

ولا يهمك تفضل فالحوش فكنا من جو الوجبات
:hesh (37):


السلام عليكم
تي كان ماعنديش ظروف الوالد الصحية راهو من غير ما تقول ههههههه
لكن هذا علاش قلتلك جيب وجبات وتعالى لانه مانطلعش من الحوش

عموما مشفرنا العزيز ( قصدي مشرفنا ) نبي نسأل موضوع طلبات الثيمات للأيفون يكون هنا او في موضوع بروحه ( قلت نسأل مانبيش نكثر المواضيع لكن في نفس الوقت نبي يكون الموضوع معروف ) قلت نسأل خير ؟؟؟؟؟ عموما أول ثييييييم هو للنادي الأهلي تم إنجازه تقريبا ، ركبته وشغلته والحمد لله مازال شوية تعديلات بسيطة ، واي حد يبي ثيم يجيب الصورة اللي يبيها وتكون بمقاس ( 320×480 ) وأخرى بمقاس ( 60×60 ) ويستلم الثيم بعد 5 دقائق واللي نبي نعلمه كيف يصنع الثيم بروحه يقولي ( ساهل وبسيط وما ياخدش وقت ) حنعطيكم قالب جاهز حطوا فيه الصور فقط .
طبعا هديتي للمنتدى العزيز ثييييم كل الدكاترة على الأيفون .

Prince Wajde
29-06-2010, 12:41 AM
وعليكم السلام ورحمة الله وبركاته


السلام عليكم
تي كان ماعنديش ظروف الوالد الصحية راهو من غير ما تقول ههههههه

إن شاء الله لاباس ع الوالد يا اهلاوي

عموما مشفرنا العزيز ( قصدي مشرفنا ) نبي نسأل موضوع طلبات الثيمات للأيفون يكون هنا او في موضوع بروحه ( قلت نسأل مانبيش نكثر المواضيع لكن في نفس الوقت نبي يكون الموضوع معروف )

الحقيقة أفضل يكون هنا بما ان عنوان الموضوع كل ما يتعلق بالايفون بيصير تعديل لعنوان الموضوع اضافة بين قوسين ( ثيمات العاب برامج ....)

طبعا هديتي للمنتدى العزيز ثييييم كل الدكاترة على الأيفون .

هذا نبيه التيم وع فكرة مشبحتش هايم ؟؟؟؟

هايم فى حب بلادى
30-06-2010, 12:26 AM
ياشباب انى خارج التغطية شويا الفترة الحالية وحنقلكم شن صار معاى اول مانجدد الاشتراك ....

اهلاوى زردتك عندى بالموضوع هذا او من غيرو ... احنى ناس كرم مش زى جماعة الاتحاد الوجديون ^_^

الى الان الجهاز ماشية اموره وعال العال غير الاشتراك كمل ومعاش فضيت بيه بس حابب نسأل عن برنامج
البلوتوت اى نقدر نبعت ونستقبل بلتوت من الاجهزة الاخرى " رسمى موجود هالبرنامج " ....

بعدين من منكم حمل برنامج تقوية صوت الاى فون انى حملته وشغلته ^_^

يلا سلام توا وحنفظالكم ونقرا فى ردودكم ..

دكتور آهلاوي
30-06-2010, 01:25 AM
ياشباب انى خارج التغطية شويا الفترة الحالية وحنقلكم شن صار معاى اول مانجدد الاشتراك ....

اهلاوى زردتك عندى بالموضوع هذا او من غيرو ... احنى ناس كرم مش زى جماعة الاتحاد الوجديون ^_^

الى الان الجهاز ماشية اموره وعال العال غير الاشتراك كمل ومعاش فضيت بيه بس حابب نسأل عن برنامج
البلوتوت اى نقدر نبعت ونستقبل بلتوت من الاجهزة الاخرى " رسمى موجود هالبرنامج " ....

بعدين من منكم حمل برنامج تقوية صوت الاى فون انى حملته وشغلته ^_^

يلا سلام توا وحنفظالكم ونقرا فى ردودكم ..

السلام عليكم
أخي عبدالله بارك الله فيك ( حتى خونا وجدي يعجبك ) غر نلبس فيه بس ^_^
وبالنسبة لبرنامج البلوتوث اسمه ( iBlueNova ) تلقاه في السيديا وتلقاه في الأبل ستور مجاني ^_^

هايم فى حب بلادى
14-07-2010, 01:37 PM
عليوه
شن صار فى الانترنت ع الاى فون ليبيانا ومدار حاولت بكل الطرق ما عرفتش كيف ...
علما بأن طريقة المسح من البطارية للتغطية القائمة اللى تطلع ما فيهاش علامة الانترنت ...

لو عندك طريقة ياريت تفيدنا بيها ...

سلامى ...

التحتوح
14-07-2010, 01:46 PM
بالله عليك قداش حقه :alldoc (50):
:hesh (49)::alldoc (50)::alldoc (50)::alldoc (50)::alldoc (50)::alldoc (50):

Prince Wajde
15-07-2010, 01:40 PM
شن صار فى الانترنت ع الاى فون ليبيانا ومدار حاولت بكل الطرق ما عرفتش كيف



من هنا يا هايم أعدادات المدار و ليبيانا ع الايفون
تحميل من الميديافاير (http://www.mediafire.com/?4dgmi4ujzkqttmg)
حصري لكل الدكاترة
^_^

Prince Wajde
15-07-2010, 01:42 PM
بالله عليك قداش حقه :alldoc (50):
:hesh (49)::alldoc (50)::alldoc (50)::alldoc (50)::alldoc (50)::alldoc (50):

أسوام يا خونا
المستعمل يبدأ من 500 لغاية 700
و الجديد يبدأ من 700 لغاية 1500
طبعا حسب الاصدار و سعة الذاكرة
:hesh (14):
^_*

Pharmacy Prince
02-08-2010, 09:41 PM
يجي مسكر من امريكا أو بريطانيا ب 650 دينار

Pharmacy Prince
02-08-2010, 09:43 PM
حاليا مش مرغوب هلبا في السوق الليبية يعني مش زي النوكيا n97 ,5800,n95 واخواتهم

Prince Wajde
01-09-2010, 11:34 PM
http://i970.photobucket.com/albums/ae183/wkt80/alslam1yh2.gif

هذا برنامج مخصص لنقل الملتيميديا من و الى الايفون بكل سهولة ويسر و بعيداً
عن مشاكل الأيتونز , كامل , والكمال لله وحده
إهداء إلى عمو عبد الله " هايم في حب بلاده "

http://i970.photobucket.com/albums/ae183/wkt80/x-iphone-transfer.jpg

http://i970.photobucket.com/albums/ae183/wkt80/64752025pw6sh7.gif (http://www.mediafire.com/?ihfhltww4eaa1o0)
السيريل مرفق مع ملف البرنامج

http://i970.photobucket.com/albums/ae183/wkt80/545379825pk9.gif
تحياتي

Prince Wajde
30-11-2010, 01:02 PM
السلام عليكم
طريقة فك الشبكة Unlock للأيفون 3GS فيرموير 4.1 وتحديت البيس باند الى 06.15.00
الفيديو من هنا (http://tinypic.com/r/fe4dol/7)

لتحميل redsn0w 0.9.6b5


OSX (http://sites.google.com/a/iphone-dev.com/files/home/redsn0w_mac_0.9.6b5.zip?attredirects=0&d=1)




Windows (http://sites.google.com/a/iphone-dev.com/files/home/redsn0w_win_0.9.6b5.zip?attredirects=0&d=1)


في MediaFire :
هنا (http://www.mediafire.com/?pqwc8qiv0b9frce)
ما ستحجونه من Firmware :
iPhone 3Gs
iOS 4.2.1
هنا (http://appldnld.apple.com/iPhone4/061-9895.20101122.Cdew2/iPhone2,1_4.2.1_8C148a_Restore.ipsw)
iOS 4.1
هنا (http://appldnld.apple.com/iPhone4/061-7938.20100908.F3rCk/iPhone2,1_4.1_8B117_Restore.ipsw)
iPhone 3G
iOS 4.2.1
هنا (http://appldnld.apple.com/iPhone4/061-9853.20101122.Vfgt5/iPhone1,2_4.2.1_8C148_Restore.ipsw)
iOS 4.1
هنا (http://appldnld.apple.com/iPhone4/061-7932.20100908.3fgt5/iPhone1,2_4.1_8B117_Restore.ipsw)
^_^

Prince Wajde
30-11-2010, 01:28 PM
السلام عليكم
من أفضل مواقع تحميل الألعاب و البرامج على الإطلاق للأيفون و الأيباد
من هنا (http://www.igui.ru/tags/craked+games+for+iPhone/)
http://i970.photobucket.com/albums/ae183/wkt80/1copy.jpg

http://i970.photobucket.com/albums/ae183/wkt80/2copy.jpg

سلام

دكتور آهلاوي
30-11-2010, 03:00 PM
السلام عليكم

فقط تنبيه يا مشرفنا العزيز ، أن من يقوم برفع ( البيسباند ) 06.15.00 وهو المخصص للأيباد ويتم تركيبه على الأيفون لن يتمكن من التحديث لأي فريموير جديد تصدره أبل أقل من 06.15.00 يمكن أن يتجول بحرية بين الفريمويرز اللي أقل لكن أكثر لن يستطيع حتى ترفع شركة أبل البسيباند أكثر من هذا الرقم ( هذا فقط للعلم ) .

dr.sesswa
09-12-2010, 10:52 PM
السلام عليكم ورحمة الله
شكلي حتى بعد مية وعام مش راح نفهم الايفون
يا جماعة مفيش شيت والا حاجة دليل استخدام نقرو منه
بجد نبي نفهمه من الاول:alldoc (86)::alldoc (86):

دكتور آهلاوي
22-12-2010, 05:55 PM
السلام عليكم ورحمة الله
شكلي حتى بعد مية وعام مش راح نفهم الايفون
يا جماعة مفيش شيت والا حاجة دليل استخدام نقرو منه
بجد نبي نفهمه من الاول:alldoc (86)::alldoc (86):



السلام عليكم
أختي الكريمة ، بإذن الله سوف أقوم بعمل دورة للأيفون وطرق التعامل معه عن طريق برنامج الأيتونز وغيره من البرامج ، وكيفية فتح الشبكة والجيلبريك لأخر التحديثات ، ولكن هذا الأمر سوف يأخد مني بعض الوقت ولكن إن كان لديك أي سؤال محدد تريدين معرفته ، فسأكون حاضراً للإجابة عنها بإذن الله وتقديم يد المساعدة لك ولكل الأعضاء في أي وقت .

وأي حد يبي يدير جيلبريك وينزل برامج ويفتح شبكة ، يتفضل يراسلني وحنكون تحت أمره والموضوع سهل وبسيط ولا تدعوا أصحاب المحلات يسرقوكم برضاكم ( 70 دينار جيلبريك وفتح شبكة ) سرقة عيني عينك والبرنامج موجود بلاش يا سبحان الله .

علما بأن أي شخص يريد برامج لو يقدر يجي الكلية يجيب معاه فلاش وننسخله ( هدية 600 برنامج ) من ضمنها أجدد واحدث الكتب الطبية والموسوعات العلمية والطبية والموسوعة الانجليزية كاملة وغيرها الكثير من الالعاب والبرامج ، وسأحاول وضعها في روابط على النت ( اكثر من 16 الجيجا ) حياخدوا وقت حتى هما لكن بإذن الله حنجهزهم .

dr.sesswa
23-12-2010, 11:24 AM
السلام عليكم ورحمة الله
بارك الله فيك دكتور أهلاوي
بإذن الله نستنو الدورة التدريبية
وأي يسؤال يخطر تو نكتبه هنا

دكتور آهلاوي
23-12-2010, 06:38 PM
تحذير

يجب عدم القيام بعملية التحديث سواء لبرنامج الأيتونز ( حتى يتم تجربته ربما يؤثر على الجيلبريك ) وكذلك عدم تحديث الجهاز وخاصة للأجهزة المقفلة .

Dr.MoOoDy
28-12-2010, 12:40 PM
السلام عليكم ورحمة الله وبركاته

شنخباركم يا دكاتره
نبي منكم مساااااااعدة وبسرعه بالله اللي يعرف

جبت iPhone من بريطانيا وكان شغال غادي 100%
جبته معايا اهني وركبت في الليبيانا مابتش تشتغل فيه قالو يبي تغير نظام ومش عارف شني
فهموووووني وساعدوني .......please


تحيااااااااااتــ لكمــ

دكتور آهلاوي
28-12-2010, 05:36 PM
السلام عليكم ورحمة الله وبركاته

شنخباركم يا دكاتره
نبي منكم مساااااااعدة وبسرعه بالله اللي يعرف

جبت iphone من بريطانيا وكان شغال غادي 100%
جبته معايا اهني وركبت في الليبيانا مابتش تشتغل فيه قالو يبي تغير نظام ومش عارف شني
فهموووووني وساعدوني .......please


تحيااااااااااتــ لكمــ

أخي الكريم
جهازك مقفول على شبكة معينة في بريطانيا ( فودافون او تي موبايل او 02 ) المهم مش حيشتغل هنا الا بحاجة اسمها ( انلوك ) وماتمسش السفتوير بكل لأنه مرات يتصكرلك حتى ( العاب وبرامج وايبود معاش تقدر تستعمله ) .
ياريت تقولي شن الفريموير اللي فيه والبيسباند باش نقولك باش تفتحه وتخليه يشتغل على جميع الشفرات ، ورد بالك توصله بالأيتونز ويقولك يبي تحديث وتقوله باهي .

لمعرفة الفريموير والبيسباند
إذهب إلى :
الإعدادات > عام > حول > تجد عدة خيارات :
الشبكة
الأغاني
الفيديوهات
الصور
التطبيقات
السعة
متوفر
الإصدار ( هذا مطلوب تشوفه شن مكتوب قدامه بالزبط )
شركة الإتصالات
النموذج ( حتى هو قولي عليه )
الرقم التسلسلي
عنوان واي فاي
بلوتوث
اي ام ايه اي
اي سي سي اي دي
المودم فريموير ( هذا مطلوب ويجب التأكد من الرقم )
بعد ماتعطيني الثلاث بيانات اللي قلتلك عليهم حنقولك شن الحل بإذن الله

وياريت من كل الأعضاء يكتبولي البيانات الثلاثة اللي طلبلتها لكل جهاز باش في حالة اي سؤال او مشكلة نقدر نرجع للبيانات هذه مباشرة .

بالإضافة يجب أن تخبرني ماهو نوع الجهاز ( 4 - 3 جي اس - 3 )

Dr.MoOoDy
03-01-2011, 06:41 PM
أخي الكريم
جهازك مقفول على شبكة معينة في بريطانيا ( فودافون او تي موبايل او 02 ) المهم مش حيشتغل هنا الا بحاجة اسمها ( انلوك ) وماتمسش السفتوير بكل لأنه مرات يتصكرلك حتى ( العاب وبرامج وايبود معاش تقدر تستعمله ) .
ياريت تقولي شن الفريموير اللي فيه والبيسباند باش نقولك باش تفتحه وتخليه يشتغل على جميع الشفرات ، ورد بالك توصله بالأيتونز ويقولك يبي تحديث وتقوله باهي .

لمعرفة الفريموير والبيسباند
إذهب إلى :
الإعدادات > عام > حول > تجد عدة خيارات :
الشبكة
الأغاني
الفيديوهات
الصور
التطبيقات
السعة
متوفر
الإصدار ( هذا مطلوب تشوفه شن مكتوب قدامه بالزبط )
شركة الإتصالات
النموذج ( حتى هو قولي عليه )
الرقم التسلسلي
عنوان واي فاي
بلوتوث
اي ام ايه اي
اي سي سي اي دي
المودم فريموير ( هذا مطلوب ويجب التأكد من الرقم )
بعد ماتعطيني الثلاث بيانات اللي قلتلك عليهم حنقولك شن الحل بإذن الله

وياريت من كل الأعضاء يكتبولي البيانات الثلاثة اللي طلبلتها لكل جهاز باش في حالة اي سؤال او مشكلة نقدر نرجع للبيانات هذه مباشرة .

بالإضافة يجب أن تخبرني ماهو نوع الجهاز ( 4 - 3 جي اس - 3 )

الشركة اللي كنت نستخدم فيها في بريطانيا O2
واسم iphone 8G
الإصدااار 4.1(8B117)

النموذج MB489B

المودم 05.14.02

دكتور آهلاوي
03-01-2011, 08:10 PM
الشركة اللي كنت نستخدم فيها في بريطانيا o2
واسم iphone 8g
الإصدااار 4.1(8b117)

النموذج mb489b

المودم 05.14.02

أخي الكريم
هل يوجد بالجهاز برنامج السيديا أم لا
وهل الشفرة الأصلية ( 02 ) موجودة معك ام لا

لو مافيشي السيديا لازم تنزله السيديا بعدين نقولك كيف تنزل فتح القفل .

لازم تأكدلي عالسيديا
وكانك انت في طرابلس وخايف تغلط في الخطوات
تعالى لجامعة الفاتح وانا تحت امرك

Dr.MoOoDy
03-01-2011, 08:38 PM
أخي الكريم
هل يوجد بالجهاز برنامج السيديا أم لا
وهل الشفرة الأصلية ( 02 ) موجودة معك ام لا

لو مافيشي السيديا لازم تنزله السيديا بعدين نقولك كيف تنزل فتح القفل .

لازم تأكدلي عالسيديا
وكانك انت في طرابلس وخايف تغلط في الخطوات
تعالى لجامعة الفاتح وانا تحت امرك


والشفرة مش معايا خليتها غادي
السيديا مافيشي وتوا بندوره في النت بس نخاف انزله من موقع مش معروق يكون في فايروس او حاجة هكي .... تعرف موقع انت انزل منه ؟؟

دكتور آهلاوي
03-01-2011, 08:40 PM
أخي الكريم أعتذر منك لقد حدث خطأ وهو عدم إنتباهي لرقم البيسباند

وبعد مراجعة الأدوات الموجودة عندي وجدت انه إلى الآن لم يصدر فتح الشبكة لهذا الإصدار ولكنه بات قريباً جدا

يوجد طريقة واحدة ولا أنصحك بها وهي ترقية البيسباند إلى 6.15.00 الخاص بالأيباد ، يمكنني فعلها ولكن طريقة تضر أكثر من أنها تنفع

نصيحتي لك أن تصبر ، فالفرج قريب في الأيام القادمة ^_^
وفي حال أنك أردت أن ترقي الجهاز للأيباد 6.15.00 فأنا مستعد لشرح الطريقة كاملة لك او القيام بهذه العملية بنفسي إن أردت ذلك .

بالنسبة للدورة صعب أن أعطيها عن طريق النت لهذا سوف أقترح على الإدارة أن تخصص يوم في مكتب فريق شباب القمة المكان الذي تعطى فيه الدورات ، وسأقوم بإعطاء الدورة هناك ، ساعة من الزمن وسيكون الجميع ذو خبرة لحل جميع المشاكل التي تواجهم بأنفسهم ، فما رأيكم

Dr.F.Z.T
18-01-2011, 03:56 PM
مش عارفة حطيت فيه SIM card ومنفتحش:alldoc (67): ومكتوب no Services:alldoc (76):
وفيه صورةUSB :hesh (6):
صح قالولي احتمال انه الليبيانا والمدار ميخدموش فيه ؟؟؟؟:alldoc (6)::alldoc (6)::alldoc (6):
حتى i pad نفس الشي:alldoc (4)::alldoc (4)::alldoc (4)::alldoc (4)::alldoc (4)::alldoc (4)::alldoc (4):أتمنى الرد في أسرع وقت:alldoc (69)::alldoc (69)::alldoc (69)::alldoc (69)::alldoc (69):http://iphone3g.hostoi.com/images/iphone3g.jpghttp://cdn.techhail.com/wp-content/uploads/2010/09/Apple-iPad-2.jpg

Dr.F.Z.T
19-01-2011, 01:04 AM
بارك الله فيك وإن شاء الله في ميزان حسناتك ياريت
فتحولي i pad في شارع المدار ب25 دينار وقال لو تبوا تنزيل مضمون للبرامج والصور ب80 دينار
i pad فتح لكن بالله بنسال هل ضروري يكون فيه برنامج من شان انزل من الاب توب الى i pad
ولا عادي جربت منزلي شي
وi phone زي ماقتلي وقالوا صعب التنزيل

moha
24-01-2011, 11:03 PM
السلام عليكم وشكرا على الموضوع الرائع
انا عندي اي فون 3 جي ومواصفاته هي
version 3.1.3(7E18)
modem firmware 05.12.01
model MC131B

ممكن توضح ماذا تعني؟ وكيف انزل البرامج من السيديا؟


وشكرااااااااااا

شهدالايمان
02-02-2011, 10:16 PM
سلام عليكم أنا اشتريت ال. اي فون من بريطانيا من لندن ب 800دينارليبي وهوالان سعره1200وهوهاتف رائع ونتمني أنكم استفدتوا

silent_love
03-02-2011, 02:20 AM
خير يا دكتور
شن صار
قاعد ما نزلش جيلبريك لل 4 فيرجون 4.2.1

مهـنـّـــــد
03-02-2011, 02:50 AM
مش عارفة حطيت فيه SIM card ومنفتحشhttp://www.doctors.ly/forums/images/smilies/123/alldoc%20%2867%29.gif ومكتوب no Serviceshttp://www.doctors.ly/forums/images/smilies/123/alldoc%20%2876%29.gif
وفيه صورةUSB http://www.doctors.ly/forums/images/smilies/new/hesh%20%286%29.gif
صح قالولي احتمال انه الليبيانا والمدار ميخدموش فيه ؟؟؟؟http://www.doctors.ly/forums/images/smilies/123/alldoc%20%286%29.gifhttp://www.doctors.ly/forums/images/smilies/123/alldoc%20%286%29.gifhttp://www.doctors.ly/forums/images/smilies/123/alldoc%20%286%29.gif
حتى i pad نفس الشيhttp://www.doctors.ly/forums/images/smilies/123/alldoc%20%284%29.gifhttp://www.doctors.ly/forums/images/smilies/123/alldoc%20%284%29.gifhttp://www.doctors.ly/forums/images/smilies/123/alldoc%20%284%29.gifhttp://www.doctors.ly/forums/images/smilies/123/alldoc%20%284%29.gifhttp://www.doctors.ly/forums/images/smilies/123/alldoc%20%284%29.gifhttp://www.doctors.ly/forums/images/smilies/123/alldoc%20%284%29.gifhttp://www.doctors.ly/forums/images/smilies/123/alldoc%20%284%29.gifأتمنى الرد في أسرع وقتhttp://www.doctors.ly/forums/images/smilies/123/alldoc%20%2869%29.gifhttp://www.doctors.ly/forums/images/smilies/123/alldoc%20%2869%29.gifhttp://www.doctors.ly/forums/images/smilies/123/alldoc%20%2869%29.gifhttp://www.doctors.ly/forums/images/smilies/123/alldoc%20%2869%29.gifhttp://www.doctors.ly/forums/images/smilies/123/alldoc%20%2869%29.gifhttp://iphone3g.hostoi.com/images/iphone3g.jpghttp://cdn.techhail.com/wp-content/uploads/2010/09/Apple-iPad-2.jpg


ضروري من برنامج ينزل من السيديا إسمه ألترا سنوا ؛؛
بعد ما ينزل هذا البرنامج بإذن الله راح يخدم ع الليبيانا و المدار ؛؛
البرنامج هذا موجود في السورس sinfuliphonerepo.com ؛؛

؛



بارك الله فيك وإن شاء الله في ميزان حسناتك ياريت
فتحولي i pad في شارع المدار ب25 دينار وقال لو تبوا تنزيل مضمون للبرامج والصور ب80 دينار
i pad فتح لكن بالله بنسال هل ضروري يكون فيه برنامج من شان انزل من الاب توب الى i pad
ولا عادي جربت منزلي شي
وi phone زي ماقتلي وقالوا صعب التنزيل



أفضل برنامج يمكن التنزيل من خلاله للأيفون هو ituns ؛؛
عن طريقه يمكن تنزيل مقاطع الصوت و الصور و الفيدو ؛؛

؛

مهـنـّـــــد
03-02-2011, 03:07 AM
السلام عليكم وشكرا على الموضوع الرائع
انا عندي اي فون 3 جي ومواصفاته هي
version 3.1.3(7E18)
modem firmware 05.12.01
model MC131B

ممكن توضح ماذا تعني؟ وكيف انزل البرامج من السيديا؟


وشكرااااااااااا

و عليكم السلام و رحمة الله ؛؛

3.1.3 هذا رقم الإصدار الذي يتماشى مع جهازك و يمكن ترقية الإصدار ؛؛
mc131b أعتقد بأن جهازك مقفل على شبكة o2 من بريطانيا أو إيرلندا لو أنا مش غالط ؛؛
بالنسبة للبرامج من السيديا ..
فيه سورسات معينة جيدة و فيها برامج ممتازة و أيضا ً ألعاب ؛؛
الكيفية للتنزيل ..
فيه سورس في ردي السابق و إكتبه زي ما نقولك ؛؛
خش للسيديا manage/sources/و من أعلى اليمين edit و من أعلى اليسار add و أضف السورس المناسب لك ؛؛
بعد تنزيل السورس أدخل لمحتوياته من برامج و أقرا يالي يناسبك منها ؛؛
أضغط عليها و من أعلى اليمين install و من ثم confirm ؛؛
و بإذن الله راح ينزل ؛؛
طبعا ً هذا شرح ع السريع بس لكن ما تقرا ع الشي قبل ما تخش عليه طول ؛؛

؛

دكتور آهلاوي
03-02-2011, 12:43 PM
السلام عليكم
مشكور خوي دلبيروي عالرد
وأعتذر عن التأخير عالرد على باقي الأعضاء .

بالنسبة للأخت Dr.F.Z.T قمت بالتواصل معها على رسائل الزوار وأنتظر في ردها .
بالنسبة للأخ سايلنت لوف : الجيلبريك نازل لكن مش كامل فيه مشاكل ( حينزل كامل يوم 10 - 2 - 2011 ) حسب وعد الهاكرز .
هل جهازك مفتوح رسمي ، لو مفتوح رسمي تقدر ادير داونجريد لـ 4.1 حتى بدون حفظ ملف shsh

الأخ : moha
قام الأخ ديلبيرو بالرد عليك ، راجع الموضوع من أول صفحة حتجد فيه كل ما تحتاجه لإضافة السورسات للسيديا وراجع أيضا باقي مواضيع القسم الخاصة بالأيفون ولكن أهمها هذا الموضوع .
لو جهازك ماعليشي جيلبريك حنعطيك رابط لبرنامج تنزله وتعمله جيلبريك بروحك ساهل وبسيط .

دكتور آهلاوي
03-02-2011, 12:48 PM
ضروري من برنامج ينزل من السيديا إسمه ألترا سنوا ؛؛
بعد ما ينزل هذا البرنامج بإذن الله راح يخدم ع الليبيانا و المدار ؛؛
البرنامج هذا موجود في السورس sinfuliphonerepo.com ؛؛

؛

أخي الكريم ألترا سنو لم ينزل بعد للإصدار الحالي اللي عليه جهاز الأخت لهذا قمت بالتواصل معها على رسائل الزوار وأخبرتها بهذا .




أفضل برنامج يمكن التنزيل من خلاله للأيفون هو ituns ؛؛
عن طريقه يمكن تنزيل مقاطع الصوت و الصور و الفيدو ؛؛

؛


للأسف أخي الكريم ليس أفضل برنامج وإنما أكثر برنامج يقيد الإستعمال وهناك برامج عديدة أفضل منه منها اي فن بوكس ، واكسايلوسوفت وهما قام بوضعهما المشرف وجدي في صفحات سابقة .
متعة وسلاسة أكثر في الإستعمال .





تقدمت بطلب للإدارة بأن تكون هناك دورة للأيفون يشرف عليها المنتدى وسأقوم بإعطائها ولن تأخد أكثر من ساعة لتصبح خبير أيفون ولن تحتاج لأحد بعدها بإذن الله ، وأنتظر الرد من الإدارة .
حاولت القيام بشروحات على جهازي لكن واجهتني مشكلة التصوير من شاشة كمبيوتري بالإضافة أنه أمر متعب ويأخد وقت طويل لكي يتم التنسيق بين الشرح الكتابي والصوتي والصور والفيديو لهذا تقدمت بالطلب للإدارة ، وأمل أن تتم الموافقة .

دكتور آهلاوي
03-02-2011, 12:53 PM
أهم سورسات السيديا
الشرطة / هذه تضاف في نهاية السورس وليس في بدايته فقط تظهر في البداية نظراً لتنسيق الكتابة باللغة العربية

HackStore : http://cydia.myrepospace.com/HackStor/

iClarified: http://cydia.iclarified.com/
BeYouriPhone : http://repo.beyouriphone.com/ New => http://repo.beyoip.com
Hackulo.us: http://cydia.hackulo.us/
Install0us : http://cydia.install0us.com/
HackYourIphone: http://repo.hackyouriphone.org
SinFuliPhone : http://sinfuliphonerepo.com/
xSellize : http://cydia.xsellize.com
Install0us : http://cydia.install0us.com/
SOS Iphone Cydia : http://cy.sosiphone.com/
iSpazio : http://ispaziorepository.com/
frenchiPhone : http://cydia.frenchiphone.com/

The iPhone Spot repo: http://www.theiphonespotrepo.net/apt/
http://apt.macosmovil.com
http://www.biteyourapple.com/repo/

والسورس الخاص بي
cydia.myrepospace.com/alikerdasi/

ويمكنكم معرفة طريقة إضافة السورسات من الموضوع التالي

http://www.doctors.ly/forums/showthread.php?t=51986

silent_love
03-02-2011, 01:25 PM
به كيف نعرف ان الجهاز مفتوح رسمي او لا

مهـنـّـــــد
03-02-2011, 01:49 PM
خش الإعدادات / عام / حول ؛؛
شوف رقم النموذج شن مكتوب جنبه و قولي ؛؛
و إن شاء الله تو نقولك لو كان مفتوح رسمي و لا لا ؛؛

لنا لقاء

silent_love
03-02-2011, 01:57 PM
رقم الموديل
mc605za

دكتور آهلاوي
03-02-2011, 02:04 PM
رقم الموديل
mc605za

مفتوح رسمي سنغافورة

يكفي لو قلتلي الشفرة تخدم او لا ههههههه لانه الانلوك للإصدار 4.2.1 قاعد مانزلش

silent_love
03-02-2011, 02:08 PM
اها صار مفتوح رسمي
مليح بكل
:alldoc (84):

دكتور آهلاوي
03-02-2011, 02:12 PM
طريقة إرجاع الأيفون من 4.2.1 إلى 4.1 حتى ولو لم تكن قد حفظت ملف shsh

حنعرب الطريقة لأنها طويلة وبالإنجليزي والطريقة كيف نازلة

عموما حتحتاج فريموير 4.1 تو نعطيك رابط تنزله منه
وتحتاج برنامج اسمه تايني امبرلا اخر اصدار تونعطيك رابط حتى هو
تحتاج لشوية مهارة لوضع الأيفون في وضع الريكوفري مود .
وبإذن الله تنجح الأمور .

قبل كل شيء تاخد نسخة من الجهاز ( تعمل باك اب بالأيتونز ) والخطوات نجهزها ونضعهالك في رد بإذن الله .

عموما لو إنجليزيتك كويسة تبع الموضوع هذا

http://www.gadgetsdna.com/how-to-downgrade-ios-421-to-ios-41-ios-322-without-shsh-blobs/7628/

فيه كل ما تحتاجه من فريموير وتايني امبرلا والطريقة مكتوبة خطوة بخطوة

دكتور آهلاوي
03-02-2011, 02:50 PM
أول حاجة لازم تنزل الفريموير 4.1



http://www.gadgetsdna.com/ios-4-1-software-update-for-iphone-ipod-touch/5959/
تلقى مكتوب ايفون 4 اضغط عليه حيبدأ التنزيل .

ثاني حاجة تنزل برنامج تايني امبرلا من الرابط
http://thefirmwareumbrella.blogspot.com/

عاليمين تلقى هلبا خيارات اختار اللي مكتوب قدامها وندوز

ولازم تنزل اخر تحديث للأيتونز لو مش منزله ( او اقل حاجة يكون 10.1 )

وبعدين اتبع الخطوات التالية :
في الرابط
http://www.gadgetsdna.com/how-to-downgrade-ios-421-to-ios-41-ios-322-without-shsh-blobs/7628/

حتلقى فيه فيديو لتوضيح الطريقة على جهاز ( ماك ) وليس وندوز ولكن الطريقة مشابهة تقريبا ، به موسيقى لتبرئة الذمة أمام الله لمن لا يستمع للموسيقى .


الطريقة

Steps 1: Download and install the latest version of TinyUmbrella.

تنزل أخر نسخة من التايني امبرلا وتعملها انستال .

Steps 2: Save the ECID iOS 4.2.1

لما تفتح برنامج التايني امبرلا تلقى حاجة اسمها ecid خزنها

Steps 3: Close TinyUmbrella.
صكر البرنامج تايني امبرلا

Steps 4: Now you must go into recovery mode. To do so, unplug the cable from your computer (but keeping it attached to the iPhone), turn off the iPhone, hold down the Home button, connect the cable to the computer.
ضع الجهاز في ريكفوري مود ، لتضع الجهاز افصل الكابل من الكمبيوتر ولكن ابقي الكابل متصلا بالأيفون ( من جهة الايفون بس خليه من الكمبيوتر نحيه ) ، قم بإقفال الأيفون ، ثم قم بالضغط على زر الهوم ( البطمة اللي في الوسط دائرة مرسوم فيها مربع ) وأنت ضاغط عليها وصل الكابل بالكمبيوتر .

Steps 5: Open iTunes (if it does not open automatically) and you’ll see an iPhone in recovery mode.
افتح الأيتونز كانه مافتحش اتوماتيكي وحتلقى الجهاز في ريكوفوري مود ( خلاص نحي صبعك من زر الهوم )

Steps 6: Alt-click (Mac) or Shift (Windows), click restore and select iOS 4.1 (or iOS 3.2.2 for iPad).
طبعا مكتوبة اضغط على ألت كليك للماك ولكن انت تشتغل على بيئة وندوز ، لما ينفتح الأيتونز يعطيك كلمة ريستور ، اضغط على شفت بعدين ريستور .

حينفتحلك ايقونة اختار منها ( الفريموير 4.1 اللي قلتلك نزله ) وتمشي للمكان اللي قلتلك أحفظه فيه وتختاره .


Steps 7: Begin the recovery process. As soon as it starts, open TinyUmbrella (which does not recognize your device) immediately and leave it open for the duration of the recovery.
بمجرد ما تبدأ عملية الريكوفوري يعطيك بار يقرا فيه ، افتح برنامج التايني امبرلا مرة تانية وخليها مفتوحة .

Shortly before the end, iTunes will return the error 1004. Close the popup and your iPhone will restart in Recovery Mode.
قبل ما ينتهي الريستور حيعطيك خطأ 1004 ، صكر الخطأ وجهازك بروحه حيدير ريستارت ويخش في الريكوفوري مود .

Your device will again be recognized by TinyUmbrella. Exit iTunes, select your device in TinyUmbrella and click “Exit Recovery”
بروحه برنامج تايني امبرلا حيزبط جهازك ، صكر الأيتونز واختار جهازك في برنامج التايني امبرلا واضغط ( دير كليك على ) الخروج من الريكوفوري تلقاها فوق في البرنامج .

Your device will reboot. Now open iTunes and configure your device.
جهازك بيدير ريبوت بروحه وافتح الأيتونز حتلقاه يطلب منك تفعل الشريحة ( مجرد ما توصله بالجهاز وتعمل سحب للفتح ) حتتفعل لانه مفتوح رسمي .
وحيقولك تبي تاخد باك اب والا ادير جهاز جديد ( قوله خود الاعدادات من الباك أب وكان ما عندكش الا الأرقام عادي خود الأرقام عالشفرة واعطيه انه ياخد جهاز جديد ) أنظف وأريحلك .

At the end of the guide, if all goes well, you’ll have your iPhone / iPod Touch / iPad iOS successfully recovered to 4.1. It is important to open TinyUmbrella few seconds after the start of the recovery process, but it is not necessary to start the TSS server.

خلاص تلقى جهازك يبدأ في ريكفوري واموره تمام افتح برنامج تايني امبرلا ثواني وخلاص ما ادير شيء .

بعدين فيه خطوات انك ترجع تحفظ ملفات shsh ومش مهمة بعدين نشرحهالك .

الموضوع من كتابتي ومن جهدي ^_^

Dr.Ezzoo Alzenad
06-01-2012, 04:17 PM
نبي كتاب اكس فورد ميدسن و اطفال للايفون و موسوعة طبية في ادوية بحيت تعرف كل دواء وشن خصائصه و استعمالاته ضرووووووووووووووووري يرحم والديكم

Dr.Ezzoo Alzenad
08-01-2012, 01:13 AM
شن صار يا دكتور ايفون :hesh:

طايش-لكن-عايش
06-02-2012, 05:58 AM
شكرا بس الجلاكسي اس 2 اقوى بهلبه (:

منور

d.innocence
25-02-2012, 06:50 PM
استفسار لو سمحتو ,,, عندي ايفون 3 جي اس درتله جيلبريك ونزلت السيديا بس ما تخدم الا لما يتوصل التليفون بالكمبيوتر من غير ما تخدمش وتاني حاجة هوا مسكر علي شركة اتصال معينة كيف ممكن نفتحه بليز ساعدوني :doc:

Prince Wajde
06-03-2012, 01:49 PM
استفسار لو سمحتو ,,, عندي ايفون 3 جي اس درتله جيلبريك ونزلت السيديا بس ما تخدم الا لما يتوصل التليفون بالكمبيوتر من غير ما تخدمش
عاود الجيلبريك


وتاني حاجة هوا مسكر علي شركة اتصال معينة كيف ممكن نفتحه بليز ساعدوني :doc:

نزل برنامج الترا سنو 1.2.5
Ultrasn0w
http\repo666.ultrasn0w.com

misspink
29-04-2012, 11:14 PM
عفوووووو نبي برنامج ترجمه عربي انجلش وانجلش الماني لي ايفوووون بليز