المساعد الشخصي الرقمي

مشاهدة النسخة كاملة : هدرزة جماعة سنة أولى



الصفحات : [1] 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43

Dr.dean
09-09-2009, 02:08 PM
السلام عليكم ورحمة الله وبركاته

شن رأيكم يا جماعة سنة أولى نبدوا في الموضوع هذا من تو:hesh (36):

والموضوع فكرته ان اي طالب:hesh (30): يبي يسأل على حاجة يجي هنا

وأي حد سمع بحاجة ويبي يعطينا علم وكان بدردشوا على أي

مشكلة :hesh (9):تواجهنا في سنة أولى يعني نستفيدو من بعض

باختصار موضوعنا نفضفضوا فيه ونتلاقو ونهدرزو ونتعرفوا ونهيجو فيه:hesh (17)::hesh (17):

Aisha 91
09-09-2009, 02:23 PM
ايه والله من زمان ياdr.dean نبو موضوع يضم كل طلبة سنة اولي الجدد
بالنسبة ليا دائما حنشارك واي موضوع او استفسار او مشكلة حنعرضها وحنتشارك معاكم في مواضيعكم وان شاء الله نفيدوا ونستفيدوا .......شاكرة جهدك المبذول يادكتور
تقبلوا مروري

Dr.dean
09-09-2009, 04:08 PM
بوووووركت وانشاء الله كله في ميزان حسناتك


نورتي الموضوع

Libyan Glad
09-09-2009, 08:01 PM
نبي نعرف امتي تجديد القيد

منورين وبارك الله فيكم

Aisha 91
09-09-2009, 09:09 PM
تجديد القيد ابتدأ من اليوم الاربعاء الموافق9\9\2009
بالتوفيق

dr.moha
09-09-2009, 09:18 PM
التجديد بدا

المطلوب زوز صور + بطاقة الاعداد + 16 دينار ونصف فقط لا غير

مشكووووووورين

Aisha 91
09-09-2009, 09:23 PM
شكرا ياdr.moha علي التوضيح وادامك الله وجعله في ميزان حسناتك

ايات الرحمن
09-09-2009, 10:52 PM
بس يا تري هل التجديد زحمه هلبا ولا وامتي الوقت الذي نمشوا فيه و ان شاء الله خير وبالتوفيق للجميع

Aisha 91
09-09-2009, 11:34 PM
تمشي الصبح الساعة 9 ياايات الرحمن ماتنسيش غدا الخميس
ولنا لقاء .........سلام

ايات الرحمن
10-09-2009, 01:03 AM
ان شاء الله بالتوفيق يا دكتورة جزاك الله كل خير

better future
10-09-2009, 03:58 AM
شكرا Dr.moha& Dr.aisha 4 u r help good work i wish u all the best

Libyan Glad
10-09-2009, 09:46 AM
تجديد القيد امتي ينتهي لان اني مسافر لكن بروح بعد العيد عادي انجدت القيد بعد العيد او لا

Aisha 91
10-09-2009, 11:59 AM
ان شاء الله توصل بالسلامة بس ضروري تبعت احد من افراد عائلتك لكي يجدد لك القيد لان اكيد مش حيستمر تجديد القيد الي بعد العيد .......موفق ان شاء الله

Aisha 91
10-09-2009, 12:11 PM
دراسة سنة اولي طب بشري تبدأ يوم 10/10/2009 هذا الكلام من منسق سنة اولي بتاريخ اليوم الخميس الموافق10/9/2009 ........بالتوفيق للجميع

Dr.dean
10-09-2009, 01:12 PM
والله نورتو الموضوع جميعاا وبارك الله فيكم

أنا مشيت اليوم للجامعة الساعة 11:30 جكتره :doc:

وجددت القيد وما فيش زحمة وكل شي تمام

بالله dr.aisha متأكدة من الخبر

الحق فرحتني حتى 10 أيام زيادة مليح

وفي الأخير نطلب من المشرف تثبيث الموضوع لأنه بيقعد معانا طول العام

وبيجمع ما بين المعلومة المفيدة+الخبر الجديد+فضفضة + تعارف وجو مليح

تحياااااااااااااااتي

Aisha 91
10-09-2009, 06:42 PM
باذن الله متأكدة من الخبر أنا توجهت بالسؤال لمنسق سنة أولي وقلت له :
متي تبدأ دراسة سنة أولي ؟؟؟فقال 10/10 فقلت له :لانأتي الاسبوع القادم حسب قرار الدراسة والامتحانات
قال :لالا دراستكم 10/10 ..........موفقين ان شاء الله

angel eyes
10-09-2009, 10:35 PM
/بارك الله فيك علي المعلومات اختي دكتور عايشه ...

شني من جدد قيده تاني ؟
اني ممكن الاحد بنمشي

dr_slma
11-09-2009, 12:52 AM
شكراا دكتورة aisha عالمعلومات المتجددة

Aisha 91
11-09-2009, 01:15 AM
وانا معاك في كلامك يا dr.dean ضروري المشرفين يتبثوا الموضوع لان كل جديد سنة اولي سيوضع في هذا الموضوع..........نرجو التلبية
والله الموفق

malak maloka
11-09-2009, 01:36 AM
السلام عليكم ورحمة الله وباااركاته
اني اليوم امشيت للكلية وجددت القيد والاموووووووور تمااااااام
واشااااء الله موفقين للجميع

Aisha 91
11-09-2009, 04:44 AM
بالتوفيق لكل الطلبة وان شاء سنة ساهلة زي ماكان تجديد القيد ساهل....ان شاء الله

better future
11-09-2009, 04:50 AM
ان شاء الله

Libyan Glad
11-09-2009, 08:16 AM
لكن قالولي ان تجديد القيد يستمر الي ما قبل الامتحانات.
ليعرف امتي ينتهي تجديد القيود يقلنا.
وبارك الله فيكم علي الموضوع الي يفيد فينا.

Dr.dean
11-09-2009, 03:43 PM
والله قاعدين نستنو dr.aisha في المشرفين يتبثونا الموضوع:doc:

كلكم منوريين وانشاء الله نستمرو في التواصل هذا:alldoc (48)::hesh (15)::hesh (15)::hesh (15):

ونبي نعرف حاجة ؟؟

عملي الأناتومي كيف حيكون ؟؟

يعني في المشرحة!!!!!:alldoc (30):

وشكراا..........

Aisha 91
11-09-2009, 05:39 PM
عملي الاناتومي في المعمل توجد فيه جثث جاهزات ومنزوع منهم الجلد لكي نستطيع ان نري العضلات .....في سنة اولي حنشوفوا اماكن اتصال العضلات بالعظام .........أنا شفتهم عند طالبة سنة اولي مصورتهم بالنقال حسيتهم كأنهم بلاستيك مع انهم جثث حقيقيات يعني ماتخافوش ......طبعا اكيد اول عملي حيكون فيه خوف ورهبة من الموقف لكن ان شاء الله يصير خير
بالتوفيق dr.dean
dr.aisha

Aisha 91
11-09-2009, 05:44 PM
تجديد القيد مستحيل يستمر الي قبل الامتحانات ممكن تسليم البطاقات قبل الامتحانات لكن التجديد اقصي مدة تكون اسبوعين ......يعني بامكانك تبعت احد من افراد عائلتك ليجدد لك القيد......
بالتوفيق ان شاء الله يادكتور

Libyan Glad
11-09-2009, 06:55 PM
انشاء الله وبارك الله فيك

ايات الرحمن
11-09-2009, 11:10 PM
مشكورة يا دكتورة وان شاء الله موفقة.

ايات الرحمن
11-09-2009, 11:21 PM
ياريت عن جد يثبتوا الموضوع لانه يهمنا طلبة سنة اولي

IL_CAPITANO
12-09-2009, 01:04 AM
السلام عليكم
انا اول مشاركة لي واتمني انها تكون بداية خير
انا طالب سنة اولي جديد مثلكم اتمني ان يوفقنا الله
واتمني تتبيت الموضوع واتمني ان نتواصل عند بداية الدراسة

Aisha 91
12-09-2009, 03:26 AM
أهلا وسهلا بك في المنتدي..........بداية موفقة أخي عاشق الانمي
أكيد ياأخي حنتواصلوا عند بداية الدراسة .......من الوقت الحالي نحن نتواصل واللي عنده اي استفسار يتفضل واللي عنده الاجابة علي الاستفسار من الاعضاء سوف يجيب ......ان شاء الله تستفيد وتفيد
موفق يادكتور........
دمت بحفظ الله
Dr.aisha

Dr.dean
12-09-2009, 01:15 PM
بوووركت dr.aisha على التوضيح ...:hesh (51):

شكلك متابعة ما شاء الله :hesh (36)::alldoc (48):


سألتك على العملي مش لأني خايف لأني نستنى في اللحظة هاذي بفارغ الصبر :hesh (25):
والعقبة لي السريري:hesh (10)::hesh (10): انشاء الله جميعا

وانشاء الله خير ...

وبالنسبة لتثبيث الموضوع حنبعث رسالة للأخت المشرفة وانشاء الله خير ...:alldoc (26):

Dr_ shark
12-09-2009, 02:58 PM
ربنا يوفقنا في تكملة المشوار

Dr_ shark
12-09-2009, 03:45 PM
حذر علماء أستراليون من خطورة الكلام أثناء المشي على أساس أن الكلام والتنفس يتحكم فيهما جزء واحد من المخ ومن ثم فإن عدم التركيز في أحد الأمرين (الكلام والمشي) يمكن أن يؤدي إلى إصابة.

Dr_ shark
12-09-2009, 03:53 PM
اذا وفقنا الله وكملنا المشوار ايش بيكون تخصصك
انا عن نفسي اريد ان اكون د-عظام

Aisha 91
12-09-2009, 06:14 PM
شكرا ياdr.dean ....أنا قمت بدعوة الاعضاء للتواجد في القسم وأنا اكيد بنكون اول المتواجدين دائما وأي استفسار لو عندي اجابة أكيدة مافيش مانع نفيد غيري زي ماأنا نستفيد منهم....سامحني أنا لم اقصد انك خائف لكن بالنسبة ليا أنا عندي رهبة من الموضوع وخصوصا أنها بتكون أول مرة نشوف جثة حقيقية أمامي.....
وان شاء الله خير..............موفقين

Aisha 91
12-09-2009, 06:27 PM
بالنسبة ليا ياDr_shark ان شاء الله دكتورة أنف وأذن وحنجرة........وان شاء الله بالتوفيق لك ولكل الطلبة
وبعون الله تتحقق امنيتك ونشوفوك دكتور عظام متميز .....بس الفحص ببلاش ماتنسناش
بالتوفيق وشكرا لطرحك موضوع متميز
Dr.aisha

Dr.dean
12-09-2009, 07:07 PM
والله مازال شوي على التخصص تو نفكرو فيه

لكن ميولي نيرو , جراحة. باطنة

شن خليت ......:alldoc (65)::alldoc (65)::alldoc (65)::alldoc (65)::alldoc (65)::alldoc (65):

angel eyes
12-09-2009, 09:05 PM
السلام عليكم ..

موضوع فيه استفاده كبيره وخاصه لينا احني الي بنخشو سنه اولي ..اكيد بالتوفيق للجميعـ

كيف حال جميع الاعضاء بدون استتناء ؟؟:hesh (53):

وشكر خاص للاختي دكتور:FLOWER: عائشه تبارك الرحمن ناشطه وتزودي فينا بكل جديد

ان شاء الله جددتو قيدكم ؟؟وشني زحمه ولالا

اني بنجدد قيدي ان شاء الله الخميس ..

دمتم بود :hesh (21)::hesh (21):

انجيلـ:hesh (19):

Aisha 91
12-09-2009, 10:26 PM
بانسبة لتجديد القيد ياانجيل مافيش اي صعوبة فيه .....بس ارفعي معاك المطلوب وحتجددي بكل سهولة
بالتوفيق

Libyan Glad
12-09-2009, 11:25 PM
بالله بنسالكم شني هما الاوراق المطلوبة لتجديد القيد

IL_CAPITANO
13-09-2009, 12:26 AM
علي حسب ما سمعت من الاخوة الاعضاء 2 صور+بطاقة الاعداد + 16.5د.ل
حتي انا لم اجدد قيدي بعد
ان شاء الله خير

Aisha 91
13-09-2009, 01:01 AM
صحيح المطلوب بطاقة التعريف بالطالب+صورتين+ 16دينار و500 درهم .......لما تمشي يعطوك نموذج لتملأه بالمعلومات الشخصية الاسم والمواليد ونسبة الثانوية واسم المدرسة.........الخ
بالتوفيق

IL_CAPITANO
13-09-2009, 01:04 AM
عندي سؤال عن موعد الدراسة وهل 13/9 هو وعد توزيع الجداول و 27/9 موعد الدراسة ارجو ان تفيدونا

Aisha 91
13-09-2009, 01:16 AM
موعد الدراسة لسنة اولي طب بشري يوم السبت 10/10/2009 .....الخبر من منسق سنة اولي طب بشري
بالتوفيق أخي عاشق الانمي

better future
13-09-2009, 01:25 AM
شكرا بارك الله فيك لطرح الموضوع ومش عيب كان بنينا طموح وحلمنا شوية وبادن الله يتحقق بقدرت القادر انا نفكر في جراحة تجميل علاش لان مريض التجميل مش حيجي ينزف وانا لازم ناخد قرار مصيري وحياته بين يديا طبعا الاعمار بيد الله اقصد اي تفكير خاطيئ تكون النتيجة كارثة مريض التجميل يجي على رجليه يبي الوجع ويدفع على شانه
مشكور وتقبلو مروري

Libyan Glad
13-09-2009, 09:25 AM
منورين وبارك الله فيكم

IL_CAPITANO
13-09-2009, 10:34 AM
موعد الدراسة لسنة اولي طب بشري يوم السبت 10/10/2009 .....الخبر من منسق سنة اولي طب بشري
بالتوفيق أخي عاشق الانمي

بارك الله فيك اختي
وانا اعتدر لاني لم ارد علي مشاركتك الرائعة السابقة عندما قلت انها اول مشاركة لي وشكر لكل الاخوة

Dr.dean
13-09-2009, 02:40 PM
هههههههههههههههههههه

كلامك فيه وجهة نظر يا better future لكن متعة الطب تظل في انقاد المرضى

Aisha 91
13-09-2009, 05:36 PM
بالتوفيق لكل الطلبة ....وبالتوفيق لك ياbetter future والله تخصصك جميل ومميز وان شاء الله تتحقق امنيتك
وين باقي الاعضاء ماقالوش شن التخصص اللي يفكروا فيه؟؟؟؟؟؟؟؟؟؟؟
دمتم في حفظ الله
Dr.Aisha

IL_CAPITANO
14-09-2009, 01:43 AM
السلام عليكم
بخصوص التخصص انا ايضا اعتقد انه من المبكر الخوض فيه نحن الان في بداية الطريق
انا اؤمن انه لا مستحيل وان عليك ان تدعو الله و تكون واثق من اجابته لك فلولا الله عز وجل لا ما كنا هنا ولابد من الاخد بالاسباب
انا اميل قليلا الي العضام واحيانا الي الجراحة ولكن عند مشاهدة greis anatomy احيانا تغيب الفكرة عني ويصيبني التردد السبب ليس المناظر او الدم او الجراحات العميقة ولكن السبب هو القرارات الحاسمة التي نتيجتها بن الحياة و الموت:alldoc (5): ولكن احبها احيانا خاصة عندما يفتح الطبيب قلبه للمريض وعند نجاح العملية
ونشال الله التوفيق وشكرا جزيلا لكم اخوتي

better future
14-09-2009, 03:22 AM
مشكورة دكتورة Dr.aisha الله يوفق كل من يسعى بنية صادقة ويفتح على الكل وعلى فكرة الكلام الي قلته هو جبته من greis anatomy واقتنعت بيه والتخصص ما فيشي هلبة بنات طبعا احلام اليقظة وش رايكم بعد ما نتخرجو كان عشانا وربي وفقنا شن رايكم في المنضمات الخيرية زي اطباء بلا حدود و world vision الفكرة تخبط في راسي من الي اني في الثانوي مسئلت انه الواحد يطوع يمشي للهند,الصومال والسودان ويساعد الواحد الناس المحتاجة ههههههههههه بالله نحلم
مشكورين والسلام عليكم

متيمة العلم
14-09-2009, 04:11 AM
السلام عليكم
شن الجو ياشباب شني مستعدين لسنة اولى والا مزال
:alldoc (50)::alldoc (50)::alldoc (50)::alldoc (50)::alldoc (50):

Aisha 91
14-09-2009, 04:33 AM
اكيد ياأخي انه نحن مازلنا في بداية الطريق ولكن من المهم ان كل طالب يضع تخصص معين في فكره حتي يصبح له حلم ويطمح لتححقيقه ...انت تعلم ان دراسة الطب ليست بالشئ اليسير فلابد ان يكون لنا حلم يدفعنا للدراسة يدفعنا للامام فليس بالضرورة ان تتخصص في هذا التخصص لان كل سنة دراسية من الطب سوف تتوسع فيها مداركك ويمكن ان تري تخصص اخر هو الافضل لك.........
بالنسبة ليا وضعت هذا التخصص لكي يدفع بي للامام واستمر في دراسة الطب ومع العزم والارادة ان شاء الله تتحقق الاحلام والامنيات لي ولكل الطلبة
تحياتي لأخي عاشق الانمي وDr.dean وbetter future ومتيمة العلم وكل اعضاء المنتدي وخصوصا اعضاء منتدي سنة اولي
كل عام وانتم بخير
دمتم في حفظ الله
Dr.aisha

Aisha 91
14-09-2009, 04:39 AM
ان شاء الله مستعدين يااختي متيمة العلم ......لاتنسونا من دعائكم في هذه الايام الفضيلة العشر الاواخر
اللهم وفقني وكل زملائي الطلبة لما تحبه وترضاه ...والله المستعان علي كل حال
كل عام وانتم بخير
سلام الله عليكم

Aisha 91
14-09-2009, 04:42 AM
ان شاء الله مستعدين يااختي متيمة العلم ......لاتنسونا من دعائكم في هذه الايام الفضيلة العشر الاواخر
اللهم وفقني وكل زملائي الطلبة لما تحبه وترضاه ...والله المستعان علي كل حال
كل عام وانتم بخير
سلام الله عليكم

Dr.dean
14-09-2009, 01:44 PM
والله كلامك صح dr.aisha لو كنت من غير دافع تلقى روحك تقرى هكي وخلاص

من غير نية , لكن لما تتخيل روحك وانت وصلت للي تبيه هذا يعطيك الدافع

وياريت يكون دافعنا كلنا تغير النظرة( للعلاج في ليبيا)

ولا شن رأيكم.......

Aisha 91
14-09-2009, 04:54 PM
اكيد يا Dr.dean ضرور ي أن تتغير نظرة الناس للطب في ليبيا.....فالناس تنظر للتقصير في المستشفيات انه من الدكتور وليس من قطاع الصحة في عدم توفير الاجهزة والمعدات.......فالدكتور ليس مسوؤل عن توفر الاجهزة والتعقيم والادوات الدكتور يفحص المرضي ويعالجهم و يقوم بالعمليات الجراحية في حالة توفرت له كل المتطلبات ......
ليس ذنبه عدم توفر ذلك....ومن هنا يأتي كلام الناس المحبط والمشكك في القدرات الطبية الليبية {الدكاترة والطلبة}
ان شاء الله خير .........بالتوفيق لكل الطلبة والدكاترة
سلام الله عليكم

Libyan Glad
14-09-2009, 10:17 PM
السلام عليكم انشاء طيبين يا اخوان.
نبي نعرف امتي تقسيم المجموعات وعلي اي اساس حايكون هل علي الحروف الابجدية ولالا .
ومنورين.

MeRRoO
14-09-2009, 11:00 PM
انا مازاااال ماجددتش قيدي غدوة ان شااااء الله وشكرا للكل

IL_CAPITANO
15-09-2009, 01:52 AM
الساام عليكم
كلام صحيح بخصوص لابد من توفر الحافز فهو الدي يدفعك للامام
لكن انا اظن ان الحافز موجود وهو مساعدة الناس لان الطب قبل ان يكون عمل لاخد المال فهو فيه استمتاع في مساعدة الناس ورؤية البسمة علي وجوههم فهدا هو الحافز الاكبر
قال تعالي (من احيا نفس فكأنماأحيا الناس جميعا)

IL_CAPITANO
15-09-2009, 02:24 AM
السلام عليكم كيف حالكم جميعا
انا عندي مجموعة من الاستفسارات
اولا:. طلاب التكميلي اعداد اللي نجحو من الدور الاول هل بيكونو في المجموعات اللي معانا او بحطوهم في مجموعات بروحهم زي الدور الثاني العام الماضي لسنة اولي
ثانيا:. ادا في احد من سنة اولي ونجح او اي احد يعرف نتيجة سنة اولي اللي بيدخلو ثانية يخبرنا عن النسبة وكم طالب نجح ومن اصل كم
اعتدر علي الاطالة ولكم جزيل الشكر

Aisha 91
15-09-2009, 03:18 AM
بالنسبة لطلبة التكميلي اللي نجحوا من الدور الاول جددوا قيدهم معانا .....وفي الدراسة بيكونوا معانا حتي هم تبدأ دراستهم 10/10 لكن لااعلم ان كانوا معنا في نفس المجموعات او لا .......يعني ممكن يحطوهم في مجموعات منفردة عن الطلبة الجدد ولكن الارجح بيكونوا معانا في المجموعات
أما عن طلبة سنة اولي لاأعلم عن عددهم شئ ولكن نسبة نجاحهم قالولي كويسة ويوجد الكثير منهم تحصل علي تقدير جيد جدا وممتاز.........والعقبة لينا يارب العالمين
بالتوفيق لطلبة سنة اولي الجدد وان شاء الله كل الطلبة يتحصلوا علي تقديرات كويسة
Dr.Aisha

Libyan Glad
15-09-2009, 02:00 PM
السلام عليكم انشاء طيبين يا اخوان.
نبي نعرف امتي تقسيم المجموعات وعلي اي اساس حايكون هل علي الحروف الابجدية ولالا .
ومنورين.

Libyan Glad
15-09-2009, 02:15 PM
السلام عليكم

Dr.dean
15-09-2009, 02:17 PM
بالنسبة للمجموعات العام اللي فات سمعت ان قسموهم على مجموعتين بس

حسب الترتيب الأبجدي والمجموعة الثالثة كانت لجماعة الدور الثاني:hesh (14):

ونتوقع انهم حتى السنة هادي نفس الشيء

وبالنسبة لموضوع العلاج اللي كنا نحكو عليه

أنا نتوقع ان الغلط بالدرجة الأولى من الادارة , وبعدين سوء التنظيم والاهمال في الخدمات:alldoc (8):

يعني بصراحة تلقى الموظف اللي في الاستقبال اللي ما ليشي علاقة

بالطب لا من قريب ولا من بعيد يتجكتر عليك ويكشخ :hesh (35): تقول عليه مدير المستشفى

ولما بطور شيء تبدا من البواب لن توصل المدير:hesh (1):


معليش على الاطالة

better future
16-09-2009, 01:11 AM
السلام عليكم
بارك الله فيك اخي Dr.dean وبالفعل كان نبو الحال يتصلح لازم يصير تغير جدري من door keeper 2 the director
والاحسن ان المدراء يستوردوهم من دول اوروبيا باش يتنظم الحال شوي
تقبلو مروري ودمتم في خير

نحو المستحيل
16-09-2009, 03:27 AM
شكرا وبارك الله فيك على التوضيح

Dr.dean
16-09-2009, 01:25 PM
بارك الله فيك better future هو صح لما تستورد مدراء يتعدل الحال

لكن ما يحس برزق ليبيا الا أبنائها

فياريت ندورو على الكفئات والناس اللي تستاهل ونجيبوها خير من الأجانب

أو نجيبو دكاترتنا المغتربين

تحيااااااااااتي dr.dean

Dr.dean
16-09-2009, 01:26 PM
لا شكر على واجب أختي فتاة المستحيل

Aisha 91
16-09-2009, 01:52 PM
احضري ياتباشير الهنا ** وغردي ياأحلي طيور
اليوم ماينوصف فرحنا ** اليوم تعدينا السرور
ألف مبروك هلال عيدنا ** ألف مبروك تعداد الزهور
كل عام وجميع الامة الاسلامية بخير وكل اعضاء منتدي كل الدكاترة
و ينعاد عليكم بالصحة والسلامة
كل عام وانتم بخير
Dr.Aisha

dr_slma
16-09-2009, 03:20 PM
كل عام وانتم بخير ياحلى اعضاء باحلى منتدى وعساكم من عواده....................:hesh (33):

Dr.dean
16-09-2009, 05:59 PM
كل عام وانت بخير dr.aisha


كل عام وانت بخير dr_slma


كل عام وحميع أعضاء منتديات كل الدكاترة بألف خير وخصوصا سنة اولى بشري

انشاء الله عيد سعيد...........

Aisha 91
16-09-2009, 07:02 PM
وأنت بخير ياDr.dean وينعاد عليك بالصحة والسلامة
عيد سعيد

نور الشمس
17-09-2009, 02:26 AM
عفوا نبي نسال
اني لما جددت القيد ما عطيتش بطاقتي متع الاعداد شن المشكلة

better future
17-09-2009, 03:36 AM
http://www.alshirazi.net/monasabat/monasabat/57alshirazi.net.jpg

Dr.dean
17-09-2009, 02:09 PM
كل سنة وانتي طيبة better future

ما فيش مشكلة أختي نور الشمس

عاادي

Aisha 91
18-09-2009, 06:38 PM
كل عام والجميع بخير
بالنسبة للبطاقات سيتم تحديد يوم من منسق سنة اولي ليستلمهم ويقوم بتجديدهم بعد العيد.......
وبالنسبة لقوائم طلبة سنة اولي الجدد ستنزل مع الجداول
موفقين
سلام

Aisha 91
18-09-2009, 07:12 PM
ملاحظة وارجو تقبلها :
طرح Dr.dean هذا الموضوع لكي يوضع فيه كل جديد سنة اولي وكل الاستفسارات والاسئلة ...وهو مشكور علي جهده واهتمامه
لكن ملاحظتي حول الاعضاء كل من كان له استفسار يقوم بوضع موضوع جديد وخاص باستفساره (مع احترامي للجميع).......
نحن في موضوع Dr.dean لم نقوم باهمال اي استفسار........وشكر خاص لكل من افاد غيره في هذا الموضوع
هذه ملاحظتي وهي تعبر عن رأي الخاص .....ارجو الا ينزعج احد من ملاحظتي
كل عام والجميع بخير وصحة وعافية
تقبلوا تحياتي
Dr.Aisha

ايات الرحمن
19-09-2009, 12:41 AM
واني راي من رائيك يا better future واتمن ليك مستقبل مزدهر بالعطاء

Aisha 91
19-09-2009, 04:31 AM
صباح الخير
كل عام وانتم بخير وينعاد عليكم بالصحة والسلامة والخير واليمن والبركات .....هذه تهنئة لكل اعضاء المنتدي وخصوصا اعضاء منتدي سنة اولي طب بشري
تقبلوا تحياتي
د.عائشة

Sam-chan
19-09-2009, 12:55 PM
مشكورين شباب علي الموضوع ومازال ح نستفيدو منه اكثر لما تبدى القرايا بارك الله فيكم وكل عام وانتم بخير

better future
20-09-2009, 11:56 PM
مشكورة اختي ايات الرحمان واتمنى لكي مستقبل مزدهر ايضا وكل عام وانت بخير

dr.moha
21-09-2009, 10:57 PM
احلي مساء لاحلي دكاترة

تحياتي

Aisha 91
22-09-2009, 04:24 AM
السلام عليكم .....


وينكم يااعضاء المنتدي شكلكم واخذينها اجازة رسمية ثلاثة ايام .... يلا معليشي عيد

كل عام وانتم بخير ..عيد سعيد

تقبلوا تحياتي

د.عائشة

ايات الرحمن
22-09-2009, 08:49 PM
كل عام وانتم بالف خير وصحة وسلامة وعيدكم مبارك يارب

متيمة العلم
22-09-2009, 11:47 PM
كل عام وانتم بخير ياأعضاء منتدى كل الدكاترة وانشاءالله ينعاد عليكم بصحة وسلامة

better future
22-09-2009, 11:53 PM
وانت بالف خير اختي متيمة العلم

meery
23-09-2009, 01:17 PM
كل عام وانتم بخير يادكاتره وينعاد عليكم بالصحه والسلامه^_^
عيدكم مبارك ان شاء الله

Dr.dean
23-09-2009, 05:11 PM
سووووووووووووووووور ي د.عائشة

سامحوني جميعا العيد ما أخدتنيش منكم لكن من 5 أيام ما خشيتش النت لظروف خاصة

بالله ما سمعتو شي؟

يعني القراية في الشور 10/10

تحيااااتي

superelham
23-09-2009, 05:30 PM
امس صاحبتي امشت للكلية قالولها يوم الاحد القادم

Aisha 91
23-09-2009, 06:21 PM
السلام عليكم كل عام وأنت بخير ياdr.dean‏ وإن شاءالله خير أنا غدا بنمشي ونسأل علي الدراسة ونقول لكم

ايات الرحمن
23-09-2009, 09:23 PM
ان شاء الله بالتوفيق شكرا يا دكتورة

ايات الرحمن
23-09-2009, 09:28 PM
اني بنتوكل علي الله ونمشي يوم الاحد وان شاء الله خير

Aisha 91
24-09-2009, 10:31 AM
السلام عليكم...الدراسة يوم 10/10/2009 الخبر من منسق سنةأولي ...تنبيه: تسليم البطاقات الأسبوع القادم وأي جديد سأقول لكم ..سلام

Aisha 91
24-09-2009, 11:01 AM
بالنسبة لقرار بداية الدراسة من قسم الدراسة والامتحانات تمت إزالته من أمام المكاتب لأن الدراسة10/10 ..سلام

Dr.dean
24-09-2009, 11:05 AM
مشكوووورة dr.aisha وبارك الله فيك

ريحتيني

انشاء الله خير

dr_slma
24-09-2009, 11:20 AM
مشكورة dr.aisha على الاخبار وكتبه الله في ميزان حسانتك.........

متيمة العلم
24-09-2009, 04:08 PM
مشكورة اختي د. عائشة على هذه الاخبار وانشاءالله تكون سنة حلوة علينا
يااااااااااااااااااااااااااااااااااااااااااااااااا اااااااااااااااااااااااارب :alldoc (12)::alldoc (12)::alldoc (12)::alldoc (12):

better future
24-09-2009, 04:16 PM
بارك الله فيك دكتورة عائشة