المساعد الشخصي الرقمي

مشاهدة النسخة كاملة : من يتفكر في الحاجات القديمة؟؟



الصفحات : [1] 2

Nanahom
12-03-2009, 07:50 PM
السلام عليكم

انخشو في الموضوع على طول.............
اليوم حبيت انديرو موضوع نتذكرو فيه الحاجات القديمة واللى في ايام الطفولة...... وانشوفو من اللى يتفكر في اقدم الحاجات اللي بغبرتها....
حطو مسلسلات .. رسومات ... مواقف قديمة .......... العاب


اهو انى بنبدأ ........ من يتفكر في شوكلاته الورد واليوقا هديكا متاع الجمعية اللى على اساس نكهتها نجاص.
تتفكرو في المناهل وجو .زيد... عمر والحمّالات والفرفورات الحمر .
والا لما نلعبو بالمنادير على اساس نبنو بيهم في حوش.
والا تتفكرو في فتحي يا وردة ... سكري ياوردة.... من هنا فيوكة
تتفكرو لما الفصل يدير دوشة الأبلة اتهدد فينا راهو انقعمزكم ولد وبنت.....والجماعة على اساس

متكنطين...!!على اساس مايبوش....المهم في هلبة حاجات في راسي بس نبيكم انتم اتشاركونى فيها
لنا عودة

Friendship
12-03-2009, 07:57 PM
إيييييه إييييييييييه على أيامات زمان .......... ممكن نتفكر اني كنت صف مستمع وما نحبش نقرأ :alldoc (4): .......... نتفكر أني ضربت الأبلة وهي على السبورة تكتب وهربت من المدرسة قبل الاستراحة وتم إيقافي من الأهل عن الدراسة في تلك السنة بعد التوبيخ المستحق هههههههه :hesh (44): ........... أيامات بالله .......... ومشكورة ع الموضوع ...........

أبو فارس
12-03-2009, 11:58 PM
اييييييييييييييييييييييييه محلى هديكا الايامات و احلى حاجة عندي كانت رسوم رغيف الخبز و فلونة
اييييييييييييييييييه شن منحكي لا نحكي ايامات حلوة راحت و عدت
سلام

ssoma
13-03-2009, 12:17 AM
السلام عليكم ورحمة الله وبركاته


حي علي ايام زمان حي :alldoc (42):

وووه عليا جو زمان ووووه :alldoc (42):

تي جو زمان..تي بش عادي بكل بكل :alldoc (42):


مش توا..:nanu (19):


توا الاستفتاح

بالحاجات هادي وراجع بإدن الله مع غبرة تانية


http://img391.imageshack.us/img391/567/20kf3.jpg

http://www.jasmineofdamascus.com/nourup/snan/5.bmp
http://www.arabic-cartoon.com/images/sasuki_1.gif

http://www.arabic-cartoon.com/images/raed_alemlaq_2.gi
(( قبل كنت نحلم أنه عندي رعد العملاق..كان في حوشنا صندوق متاع العدة..((نطلع فيه ونهيج ونفتح في الصندوق ونقوله أخرج يا رعد)) شماتة وخلاص
لولاكي لولا لولا..لولاكي ما حبيت ..تيرررراارارا



والسلام عليكم ورحمة الله وبركاته

nice_doctor
13-03-2009, 12:38 AM
السلام عليكم


ي شوكلاته الورد واليوقا هديكا متاع الجمعية اللى على اساس نكهتها نجاص.

هذي قوية

آه على أيام زمان بالله توا وليت عزوزة والدنيا تغيرت ... نفتكر كيف كنا لازم نلعبو نقيرزة في المدرسة وبعد المدرسة كانت سبر واللعب بالحبل

نفتكر كيف كنت نصفق والدحي في إيديا لما ماما تقوللي بري جيبيه ونفتكر كيف كنت نفشخ بنت الجيران فدوى خخخ ونفتكر في زورو وماروكو وهايدي

يا ناس معش تفكروني بالله أحلى أيام
توا بدينا ندورو على الفرح ونشروا فيه قبل كان بلاش

.
.
لولوة

ssoma
13-03-2009, 12:54 AM
السلام عليكم ورحمة الله وبركاته


شكلي بنعيش في الموضوع اهوا.. راهو بنديرو أسترجاع للماضي شوية..مش ملحقين علي شي.:alldoc (42):

http://www8.0zz0.com/2008/11/04/12/307771077.jpg
thunder cats

http://www3.0zz0.com/2008/11/05/21/803289842.jpg

http://www.patrickdf.com/cartoons/koala/koalas.jpg

كوالاً

http://www.patrickdf.com/cartoons/koala/roo1.jpg
http://www.patrickdf.com/cartoons/koala/WM2.jpg

http://www.patrickdf.com/cartoons/koala/floppy.jpg

http://www.patrickdf.com/cartoons/koala/nick.jpg

تراه قولولي رسوم شنو هادي


والسلام عليكم ورحمة الله وبركاته

Dr Shamma
13-03-2009, 12:55 AM
اييييييييييييييييييييييييييييييييه ياناناهم نوضتى عليا المواجع:alldoc (43):
اتفكرتوا زمان لما الابله تحط علينا عريف واحنى نبدوا خايفين ,ومرات يساومنا بش مايكتبش أسامينا ,تفكرتوا اغانى الاستراحه ,والمرواح :مرواح مرواح ........ كملوها انتم ههههههه متع خليفه عرفتوها :alldoc (85):
اتفكرتوا أيامات الفلقه:nanu (19):
,وأيامات انفاص الطن اللى ممسوحات مسح ومعبيات هريسه ومع ذلك نموتوا فيهم:alldoc (54):
اه والرسومات اتفكرتوا جازورا وماروكوا وكعبول وسبانك ؟:alldoc (10):
تتفكروا فى حصة الرياضه؟ وحصة الرسم؟ وحصة الموسيقى؟:alldoc (53):
أيامات رحلة عنابه,كنت ديمه نقول لو عندى البراد متع الشاهى هداكا ,نمشي بيه وين مانبي؟
زمان بابا انقولوله نبوا نصنعوا قرانديزر ونغلبوا العدو؟؟؟!! الوالد ياخد فينا على قد عقلنا ويقولنا اييييه لو تصنعوه بالدياموند (الألماس) ماينهزمش بكل :hesh (34):
اتفكرتوا فى حصة الانجليزى لما تخش الابله علينا: قود مورنينق,,,,ومعظمنا يرد وهو مش فاهم شئ: قود مورنينق تيتشر!! وبعدين تقول ستاند أب ,بعدين سيت داون :hesh (33):
ايه ياحصره ,اسفه طولت لكن الذاكره كانت مليانه وحلو الواحد يفرغ شويه منها :alldoc (20):
شكرا ياناناهم روعه الموضوع :hesh (33):

الإنطلاق
13-03-2009, 12:55 AM
السلام عليكم ورحمة الله وبركاته
موضوع حلو......وعلي سيرة الحاجات القديمه تعرفو اليوم اني ماشي تلاقيت مع منو ؟؟؟أبلة صف التالت ؟
تعرفو ياشباب كركبتني سنين للوراء وأني درقت وجهي وكأني أول مره إنشوفها إتحشمت منها.


تقبلو مروري

RANDA
13-03-2009, 12:55 AM
الله عليك ايامات
تتفكرو فى رسوم كرنديزر
وسنان
وفلونه
وهايدى يوم الجمعه
الله

Dr Shamma
13-03-2009, 12:57 AM
السلام عليكم ورحمة الله وبركاته


شكلي بنعيش في الموضوع اهوا.. راهو بنديرو أسترجاع للماضي شوية..مش ملحقين علي شي.:alldoc (42):

http://www8.0zz0.com/2008/11/04/12/307771077.jpg
thunder cats

http://www3.0zz0.com/2008/11/05/21/803289842.jpg

http://www.patrickdf.com/cartoons/koala/koalas.jpg

كوالاً

http://www.patrickdf.com/cartoons/koala/roo1.jpg
http://www.patrickdf.com/cartoons/koala/wm2.jpg

http://www.patrickdf.com/cartoons/koala/floppy.jpg

http://www.patrickdf.com/cartoons/koala/nick.jpg

تراه قولولي رسوم شنو هادي


والسلام عليكم ورحمة الله وبركاته
هادى رسوم :رالف او رودولف مش متفكره لكن الارجح انها رالف
كانوا أصدقاء فى الغابه وعندهم فصل دراسي يقروا فيه صح؟؟

ssoma
13-03-2009, 01:13 AM
السلام عليكم ورحمة الله وبركاته


والمرواح :مرواح مرواح ........ كملوها انتم ههههههه متع خليفه عرفتوها

أني أني عفن يابلة..أنكملها أني :alldoc (49):

المشكلة مرات الابلة علي الصبورة واقفة..ولما الجرس يخبط..شورني اول واحد ننزل في المدرسة

ومعاها مر مر مر مر مروااااااااااااااااااح

أقوي لقطة لما بتمشي للمدرسة..أمك تجيك تشدك من شدوقك..وتعصرك وتبدأ تخلصلك في شعرك..وتديرلك هاديكاً متاع بتطلعلك قصة من القدام..وتحطلك النص في الشنطة ..وتقولك برو جميع إنت وصغار صفكم ورد بالك من الكراهب..باهي..اني فوق ادب وأخلاق والبطمة مصكرة..نقوللها..حاضر ياماما يأحلي مامتي في الدنيا:alldoc (70):

http://ibrahim14.jeeran.com/photos/687550_l.jpg


http://sol2436.jeeran.com/%D8%A7%D9%81%D8%AA%D8%AD%20%D9%8A%D8%A7%D8%B3%D9%8 5%D8%B3%D9%85%20%D8%A7%D8%A8%D9%88%D8%A7%D8%A8%D9% 83.jpg

http://www.qatarp.com/files/20/bbb.jpg

http://www5.0zz0.com/2008/11/25/00/824606724.jpg

شوفو هادي:alldoc (6):

http://profile.ak.facebook.com/object3/100/49/l53416860598_7062.jpg
ههههههههههههههههههههه

http://thumbs.bc.jncdn.com/3829f1dd8f5104bda5f4860fbffce270_l.jpg

http://www.mexat.com/vb/attachment.php?attachmentid=338126&d=1192582059


ياحليلي وخلاص



والسلام عليكم ورحمة الله وبركاته

Nanahom
13-03-2009, 01:37 AM
تتفكرو في ايامات نصنعو في الاسكيمو في الحوش جو طاسة وحط فيها مشروب وكاشيك صغير....!!

أقوى إيامات إيامات عيد الطفل اللي نلبسو فيه حوايج العيد والليل مانرقدوشي ونراجو في الصبح امتا يطلع
لكن والله بدخ ليييييييييييين خلاص
تروح بالشنطه معبيا حلوه وشكلاطه
وأقوى حاجه كيف نغيرو في المقاعد نحطو فيها صفه وحده


والا لما كنا نلبو في ارنجي ربيلا ,,, والا باكو الوان والا صيادين السمك

والا لما نخلو ماما ترقد في القايلة ونلعبو امساوين .... نلبسو حوايجها والكعب العالي ونحط روزيتى وزيان هههههههه
يا والله ايامات حزينة
والا لما نتفرجو على مسلسل ابو عواد وناكلو في المستكة السحرية اللى دورة دورة نطلعوها من فمنا وانشوفو لونها كيف مولي ... واليدين الله اعلم وين كانو

المامون
13-03-2009, 02:00 AM
http://www.yousef.ws/soar/atariC.jpg

ياما تجكتر بيها السوما على جماعة الشارع ..


..
موضوع قنين والله فكرنى بيامات حلوة راحت .. يا حسرة وخلاص ..


ان شاء الله تو نرجع ونجيب بعض من ذكرياتى ..

صدى الصمت
13-03-2009, 02:03 AM
::
إييييييييييه بالله ..
ذكرتوني .. بإيامـات زمـان ..
الرسوم : زي الشنـاكل ( تعرفوها ! ) ..
http://rami2008.jeeran.com/%D8%A7%D9%84%D8%B4%D9%86%D8%A7%D9%83%D9%84%20...jp g
---
إمالا إيامات لـيبيـا الثانية .. ( الإذاعة الإنجليزية )..
سباكتومان ..
---------------
وخلوني ساكت بخصوص ( المغنين ) ..
كل واحد كيلو شعر فوق راسه ..وجو الطرحـات والبازيتيات ..
ويتعاركـو على المكرفون .. مش يغـنو .. قريب يأكلوه ..!
----------

ssoma
13-03-2009, 02:24 AM
السلام عليكم ورحمة الله وبركاته


مأمون..إيه بالله..تجكترت بيها هلبا هلبا..لين ظهري تقوس منها ..وقتها لما نلعب بيها..راسي يميل مع الطيارة..

http://www12.0zz0.com/2008/12/23/01/166377479.gif

ياعيني


http://up1.m5zn.com/photo/2008/12/22/04/6c6e8cppm.jpg/jpg

مقدمها الصوارة ..تتفكرو فيها صح..اكيدة الجيل الثالث ما يعرفوهاش

http://up1.m5zn.com/photo/2008/12/22/04/m73u8umen.jpg/jpg

زربوط..كان حلم كل طفل ليبي ..


http://www11.0zz0.com/2009/01/17/04/917483172.jpg

سيارات هههههههه مقدمها


http://www11.0zz0.com/2009/01/17/04/691778269.jpg

أيامات نرفع في عشرة قروش ونشري فيها من المقصف متاع عمتي عيشة العورة..حاشاكم


أيامات لي قال عليهم صدي الصمت

أغنية لا الفرد يحكم لا لا لا...ومش عارف شنو يخرطو تاني

أغنية

بلادنا زين علي زين بلادنا ورد وياسمين..

وشعرهم الكلهم كاسكوات..وكانا يرفعوهم لشارع كندي يجيولهم سوم مش عادي..

والمشكلة كل كاسكو تحط فيه كاشيك يوقف مستريح



والسلام عليكم ورحمة الله وبركاته

إبن الوطن
13-03-2009, 03:24 AM
السلام عليكم ورحمة الله وبركاته


شكلي بنعيش في الموضوع اهوا.. راهو بنديرو أسترجاع للماضي شوية..مش ملحقين علي شي.:alldoc (42):

http://www8.0zz0.com/2008/11/04/12/307771077.jpg
thunder cats

http://www3.0zz0.com/2008/11/05/21/803289842.jpg

http://www.patrickdf.com/cartoons/koala/koalas.jpg


http://www.patrickdf.com/cartoons/koala/roo1.jpg
http://www.patrickdf.com/cartoons/koala/WM2.jpg

http://www.patrickdf.com/cartoons/koala/floppy.jpg

http://www.patrickdf.com/cartoons/koala/nick.jpg

تراه قولولي رسوم شنو هادي


والسلام عليكم ورحمة الله وبركاته

الله قوية كيف جبتي هذه الرسوم انا عندي منها اشرطة قديمة من ايامات 88 وانا في الروضة كنت نتفرج عليها (كوالا) هذا الدب الازرق واخته نسيتها شنو اسمها والسنجاب القهوي يفتح ايديه يطير في الهواء ههههههههه مانا thunder cats كانت تجي في ليبيا التانية ايمات كنت نعيش في بنغازي لكن اشرطة ليها ماعنديش كانا عندك قوليلي عليها عندي نية انشوفها من جديد :alldoc (7):

بالله رسوم عشتها في طفولتي كل يوم جمعة كانو يجيبو في (بسيط وسريعة) (وايامات الشناكل) و(ايامات لبنة السريعة) (وسباكتر مان في قناة ليبيا التانية) و(الماسة الزرقاء) و(بابيرو وحصانه الابيض) و (المدينة الذهبية) (سينان) (الغابة الخضراء) و(عبقرينو والقط المشاكس) و(رغيف والسوسة ) و(كوكي) :hesh (35):عندي شنطة ساكو كبيرة معبية اشرطة فيديو من الرسومات القديمة تحفة اثرية من الاخير هلبا قداش بنتفكر

والله الشباب جابو الدور ماشاءالله من الاخير جهاز الاتاري قاعد عندك ومصوره وشيشة المشروب السعادة ( ماتبيييش تكمل ) هههههه


هي سلام

ssoma
13-03-2009, 05:36 AM
السلام عليكم ورحمة الله وبركاته


إيه بالله علي إيام زمان وسنين زمان :alldoc (56):

منورين شباب..زيدو أتحفونا بالحاجات القديمة


ها هنا نعلنها للجميع أخرجو..ساقواتكم...القديمة..كلها غيرة وعنكبوتات

رسومات قديمة.. مسلسلات..ألعاب قديمة..فلايط زمان...خلي نعيشو اللحضة حتي شوية :alldoc (67):


قبل اني وخوي الصغير والكبير..مروحين من البحر فرحانين..درنا دوش..بعدين قعمزنا وخشينا للكوجينة مع بعض..كان في مالقي واركينة..شربت منه أني الاول..لقيته طعمته.(عععع)..رجعته..جي خوي لي بعده نفس البرنامج..وجي خوي الثالث نفس البرنامج..(عععع)

أني ماصارلي شي..خوي الصغير مشي فيها..بدي يرجع..وخشت بعضها وخوي الكبير حتي هوا شوية بس:alldoc (23):

مرة في دار الخزين فوق الحوش..سمعت بإنه في قطوس بصغارها..أمي قالتلي عليها..مشي يوم ركبت في القايلة..والباب عادة ما ينفتحش إلا لما توخر مسافة وتطلع تجري..وواحدة كونفو..باش ينفتح..المهم جيت نشوف من باب..لقيتهم وراء الباب بالزبط..وخرت بكل ما أتيت من قوة..وطلعت نجري..وواحدة كونفو..أنفتح الباب..طبعاً قطوس صغير..راسه علق بين الستاك وبين حاشية الباب..أندبح دبح مسكين..مشي جبت أمية وسياقة..وسيقت الدم ومسحت كل شي....في الحوش لي جنبنا ديما مهناش...يصيفو في بلادهم...مشي شديت القطوس بإطراف صوابعي..ولوحتها (طفففففففف) في جنان حوشهم..

مزال توا نحكيلكم القطوس لي شديتها في الروشن وعلقت علي ديلها.....وجداي الله يرحمها..جابتلي العصا مسكينة تغوطت بجميع اللغات.مياغووووغيوووووغااااااااا خوخااااااييييييييييي. فووووفاااايييييييييعوووووووو...وراس بوووووووكيييييييعاااا:alldoc (56):


همسة :- قبل لما أمي تغسل في الحوايج..ديماً نجي نوقف نشوف للغسالة وكيف الحوايج يتحركو..ونقعد حال فمي:alldoc (76):..مشي قدمت..وركبت شوية..وفجأة طحت في وسط الغسالة وهيا شغالة..جت أمي..قامتني من رجليا..:alldoc (64):


والسلام عليكم ورحمة الله وبركاته

ssoma
13-03-2009, 06:22 AM
السلام عليكم ورحمة الله وبركاته


والبقية تأتي من جديد..معاش بنرقد أني:alldoc (86):

http://img382.imageshack.us/img382/8841/2515sc8.jpg

قبل لعبتها في عطلة 15 اليوم..واجبات عندي بالهبل..نكتب فيهم في 5 إيام الاخيرة طبعاً بمساعدة جماعة الشارع..خززززي علي الابلات زمان.اكتب الدرس 30 مرة..أكتب واجب العلوم 20 مرة..درهولي كبدي وأني صغير :alldoc (86):
http://img84.imageshack.us/img84/1057/alnaseralthabai1wc7.gif

ببيرو والقروب..جو حتي هماً

http://www.abunawaf.com/mix/store2/bashaar3.jpg

أهو لي قاهرني في الصغر..100 حلقة وهو يدور في أمه..وقتها لما نتفرج عليه..ركبلي حالة نفسية..شن هدا..وإمت تبدأ..نطلع بإعلي صوتي ونعيط...بشااااااااااااااااااااار بدت..بشاااااااااااااااااار بدت.ونخش طلقة قدام الطلفزيون..

في فترة بديت نتخايل في روحي زيه..نطير..بديت نتخايل وإني نهيج فوق الحياش وفوق الحيوك ونهيج علي المرشابيات..والصغار يشوفولي..شوفوووووه يطير:alldoc (77):


http://www.3rbe.com/vb/upload/2007/2/7637_1173466304.jpg

طم طم :alldoc (77):

http://img529.imageshack.us/img529/5457/561001194701421bx7.jpg

فلونة..إيام نتفرج عليها في شريط فيديو

http://www3.0zz0.com/2008/05/22/16/608263039.jpg

فليتشة..أول عصفور علي إيديك الايمين

http://www3.0zz0.com/2008/05/22/17/804766961.jpg

إيامات نبدأ مقعمز في الجنان..ونتعشي وجوي مليح ونتفرج عليها..موسيقتها قاعدة ترن في وداني


http://www5.0zz0.com/2008/05/26/19/500741293.jpg

شمعدان الليبي.. قبل إي مراء بتمشي لجارتها ترفعلها أستيكة..ولا واحدة ماشية لطهور لولد سلفتها..ترفعلها ماصو:alldoc (84): ومعاها ستيكة لوقة:alldoc (74):


مزال ليا عودة ونجيبلكم حاجات جديدة



والسلام عليكم ورحمة الله وبركاته

Friendship
13-03-2009, 07:55 AM
الله الله عليكم :hesh (33): .......... بالذات أنت يا سوما تراث ما شاء الله عليك :alldoc (9): ........... بالله عليكم أيامات حلوة ...........
تتفكروا أيامات التمييز العنصري بين الأولاد والبنات والعزارات ووبيس و31 وشرطي وخانب وسيارة كهرباء ......... وأكيد لعبة ايرا ... يا أولاد ذكروني بقواعدها لعبة ايرا والله نسيتها ...............

nice_doctor
13-03-2009, 11:14 AM
صباح الخير

عمو سومااااااااااااااااا والله ضحكتني لين بكيت


أقوي لقطة لما بتمشي للمدرسة..أمك تجيك تشدك من شدوقك..وتعصرك وتبدأ تخلصلك في شعرك..وتديرلك هاديكاً متاع بتطلعلك قصة من القدام.

هذي أقوى حاجة تي انا ماما كانت تكسرلي في رقبتي بيها وكان هيا في المدرسة يستلم خوي الكبير داير روحه فالح


تتفكرو في ايامات نصنعو في الاسكيمو في الحوش جو طاسة وحط فيها مشروب وكاشيك صغير....!!
قعدة ندير فيها لتوا خخخخ ليها طعم والله رهيب أحلى من لما تشريها


خخخ نتفكر لما كنت نمشي للمدرسة كندرتي مقلوبة ماما تلبسهالي صح ننحيها في الطريق ونلبسها بالمقلوب وأختي الكبيرة ياناري تبكي بنحشمها قدام بنات فصلها خخخ حااااااااااااااالة

ولا لما كنت نهرب من المدرسةعلى خاطر أبلة "غولة" عمتكم لولوة هذيكا السنة جتها عقدة من المدرسة على خاطر أبلة وحشة يا ناس كنت نحلم بيها تفشخ فيا

هههه نتفكر مرة جيراننا من مصر ياكلوا في الكاكوية وهما يقولولها فول سوداني شوي يقولولي بنمشو ناكلو سوداني أنا يا جماعة عيوني يطلعوا ونخذها جري للحوش نخش مخلوعة تقللي مامي خيرك نقللها يا مامي بياكلو سوداني خخخخ لا والمشكلة لما نسألهم كيف يا كلو فيه يقولولي نغسلو فيه " مش عارفة كيف كاكوية تنغسل "

إيه وفكرتوني في أيامات مركز الشرطة أيامات كنا مقيمين من مركز المطرد لمركز الحرشة مع عمي ومريرة مريرة نشوفوا في المحابيس حيه ع الجو ..............


ناناهم .... حبيبتي صحيتي عل الموضوع والله تحفة

إبن الوطن
13-03-2009, 02:39 PM
قبل اني وخوي الصغير والكبير..مروحين من البحر فرحانين..درنا دوش..بعدين قعمزنا وخشينا للكوجينة مع بعض..كان في مالقي واركينة..شربت منه أني الاول..لقيته طعمته.(عععع)..رجعته..جي خوي لي بعده نفس البرنامج..وجي خوي الثالث نفس البرنامج..(عععع)

أني ماصارلي شي..خوي الصغير مشي فيها..بدي يرجع..وخشت بعضها وخوي الكبير حتي هوا شوية بس


مرة في دار الخزين فوق الحوش..سمعت بإنه في قطوس بصغارها..أمي قالتلي عليها..مشي يوم ركبت في القايلة..والباب عادة ما ينفتحش إلا لما توخر مسافة وتطلع تجري..وواحدة كونفو..باش ينفتح..المهم جيت نشوف من باب..لقيتهم وراء الباب بالزبط..وخرت بكل ما أتيت من قوة..وطلعت نجري..وواحدة كونفو..أنفتح الباب..طبعاً قطوس صغير..راسه علق بين الستاك وبين حاشية الباب..أندبح دبح مسكين..مشي جبت أمية وسياقة..وسيقت الدم ومسحت كل شي....في الحوش لي جنبنا ديما مهناش...يصيفو في بلادهم...مشي شديت القطوس بإطراف صوابعي..ولوحتها (طفففففففف) في جنان حوشهم..


شمعدان الليبي.. قبل إي مراء بتمشي لجارتها ترفعلها أستيكة..ولا واحدة ماشية لطهور لولد سلفتها..ترفعلها ماصو ومعاها ستيكة لوقة


:alldoc (65)::alldoc (65)::alldoc (65)::alldoc (65)::alldoc (65):

والله غيرت الجو كنت مسخسخ اليوم بعد صلاة الجمعة وفتح الموضوع لقيتك خارط دوة صح لين الدمعة نزلت

:hesh (35):والله انك مبدع بالفعل:hesh (35):

ssoma
13-03-2009, 05:05 PM
السلام عليكم ورحمة الله وبركاته



تتفكروا أيامات التمييز العنصري بين الأولاد والبنات والعزارات ووبيس و31 وشرطي وخانب وسيارة كهرباء ......... وأكيد لعبة ايرا ... يا أولاد ذكروني بقواعدها لعبة ايرا والله نسيتها ...............
إيه بالله يا سامي..جت علي الجرح..إيامات..يعدولي 1.2.3 معاش يلقوني...(تحت واحدة من الطانطات)

أيرا..ترسم دائرة..بعدين تاخد العصا الكبيرة...وفي إيديك عصا صغيرة..تظربها ووين ما توصل ياخدها الاعب لي يلعب معاك يلوحها..وإنت تحاول إنك تبعدها علي الدائرة....وكانا خشت في دائرة تخسر..تقريباً هكي ياولا. ولا غالط..
أيامات البطش(حراقا موووت أطقني تولي الآخير) حتي هيا ليها جووو:alldoc (68):

لولوة:alldoc (47):


هذي أقوى حاجة تي انا ماما كانت تكسرلي في رقبتي بيها وكان هيا في المدرسة يستلم خوي الكبير داير روحه فالح

أني جدوقي يصيرلهم:alldoc (79):



ولا لما كنت نهرب من المدرسةعلى خاطر أبلة "غولة" عمتكم لولوة هذيكا السنة جتها عقدة من المدرسة على خاطر أبلة وحشة يا ناس كنت نحلم بيها تفشخ فيا

:alldoc (68): أكيدة إسمها خيرية ولا مبروكة
إني قبل هربت من الصف الاول..أولي يوم في القراية ..هربت أني وولد شارعنا وليد..لوحنا الشناطي فوق سطح الادارة..وقلنا للآبلة بنمشو حاشاكم للحمام..قالتنا باهي..ولما نزلنا..مشينا ركبنا مع الطوبو ..ونزلنا الشناطي..ولما بننزلو ما قدرناش كيف ننزلو..قعدنا نعيطو:alldoc (84):

منورة لولوة..أكيدة بتولي


المغبوب


والله غيرت الجو كنت مسخسخ اليوم بعد صلاة الجمعة وفتح الموضوع لقيتك خارط دوة صح لين الدمعة نزلت

تعالاً حتي إنت وجيبلنا القديم وكانا عندك

الرام طلعت قوية عندي وكل مرة نتفكر حاجة..نستنوا فيك

http://www.moqatel.com/openshare/Behoth/MElmiah12/arkam/fig03.jpg

أكيدة تتفكرو فيه العداد اهوا..جوووو قبل..تقولي نحسب في ميزانية شركة


http://www5.0zz0.com/2008/06/09/07/882595242.jpg

ماكينة خياطة..مقدمهاً..وقتها شفتها عند حوش جدي بس



ولينا عودة بعدين إن شاء الله




والسلام عليكم ورحمة الله وبركاته

اسير الشوق
13-03-2009, 05:17 PM
اه بالله
فكرتوني بزازوكي وب سالي

يا صاحب الظل الطويل أسألك من تكون....؟؟؟؟؟


نتفكر أني كنت في الصف التاني أو حاجة هكي كان يقرأمعاي واحد قريبي سمين هلبا

كنت نأخد منه محايا متاعه بلعاني يقولي ترا نفتشك يفتش الجيب الاول ويقولي دور وندور دورة كاملة ونردله نفس الجيب


ومرة لقطة تانية ممكن في الاعدادي أبلة قالت ردت فعل ما ردت فعل زي أنت واحد ينخصك باليبرة لا تلقائيا تقول اه

أنا طبعا في بداية المدرسة الهندسة قاعدة معبية أدوات خديت الفرجار ونخصت اللي بحداي وركها عيطة



والله جو هلباااااااااااا

في هلبا عمايل كبيرة مينقالش عليها



مرة زوز أبلات في مسابقة الشهادة الاعدادية تعاركو على خاطري

أبلة الرياضيات جت معاي سكرتلها الدرجة

والتقنية جيبنالها صفر المهم قالت بلعاني قتلها قسمنا منهج انا أعطوني الهندسة والجبر الصعبين هيا قتلي عابية عليك مدخليش

وتبي تضربني

والرياضيات بدت تتعارك معاها
جو


أيام

Nanahom
13-03-2009, 05:28 PM
يا بنات تتفكرو في لعبة طاي طاي طاي رين ... رني رني يا زهرين .... والكورة طاحت في البير ولما وحدة اتشد الشاربة وتبدا ادور زي العبيطة
والا اللبان هداكا اللى على هيئة قلب وجو العشرة بربع .... اتقوللى ماما خودى زوز وردي الباقي ... طامعة حتى في ال15 القرش.:alldoc (85):
تتفكرو ايامات باقة شاع جو تتفرج على مباراة أو روسوم ...يقصوا علينا لو فيه مؤتمرات....
تتفكرو في لعبة زنزالاتي ماتنزل الا على بساط الريح... وكانو ديما يزبطو فيا:nanu (19): من حديدتى اللى لاصقين فيها خمس خواتم ...ههههههههه
والا لما كنت نلعب مع خوتى الاولاد وكنا نمزقو في الورق زعميتك فلوس ونحطو في اتات حوشنا فوق بعضه ويبدو ايبيعولي فيه ولما ينقصو عليا فلوس:nanu (10): نمشي لاول كراسة في الدولاب.

Friendship
13-03-2009, 05:34 PM
السلام عليكم ورحمة الله وبركاته


إيه بالله يا سامي..جت علي الجرح..إيامات..يعدولي 1.2.3 معاش يلقوني...(تحت واحدة من الطانطات)

أيرا..ترسم دائرة..بعدين تاخد العصا الكبيرة...وفي إيديك عصا صغيرة..تظربها ووين ما توصل ياخدها الاعب لي يلعب معاك يلوحها..وإنت تحاول إنك تبعدها علي الدائرة....وكانا خشت في دائرة تخسر..تقريباً هكي ياولا. ولا غالط..

والسلام عليكم ورحمة الله وبركاته


تقريبا هكي يا سوما لكنها ناقصة ... نتفكر فيها ترفدها اللوحة الصغيرة برشادة أو أي حاجة وتحاول تضربها لمسافة بعيدة باللوحة الكبيرة .....
تفكر يا سوما أيامات نشيد سلاح العروبة شعب بطل ونشيد الله أكبر فوق كيد المعتدي ... ودرس سعيد طفل عربي في الصف الثالث متاع فلسطين
ودرس الذئب والحمل ونشيد مدرستي يا مدرستي ( بالله عليكم اللي يحفظه يقوله ) ...
تتفكر أيامات الاستراحة نتشة بنتشة ههههههه .......... أيامات كلها براءة ...
تتذكر أيامات عطلة نصف السنة كانت في الرمضان مع أيامات العيد الأولى .....
إياااه يا ناس .... قداش سنة فاتت علينا وقداش ولى الفرق بين عصرنا والعصر هذا ؟؟........

روعة
13-03-2009, 05:44 PM
تتفكرو فى لعبة صياااد السمك والدحية هههه ولعبة السبع رشاااادت والاستييييك
وجوليا جوليا جوليا جوليا كمرادانيا وبنياتى حجوزكم لاابو طالب مانبوشى
والوبيييييييييييييس والدرجيحة فى شجرة حوش جدى الكبيرة اييييييييه نوصل للسمى وننزل لوطا
ولا عيد الطفل اتبحبح على اصوله :hesh (15): ايامااااااااااااااات الله يرحمها وياما ذكرياااات

Ambition
13-03-2009, 06:02 PM
موضوع تحفة ناناهم

مهما الحد شكرك ومدحك شوية

أخي سوما ما شآء الله ما خليت شيئ لحد..........لكن ضحكتني والله

نتفكر في مناسبات زمان نباتوا في حوش العرس بال 7 أيام علي أساس العيلة بتعول

ونتلاقوا الصغار كلنا..............والمشاكل والمقالب

وخنبة الزيتون.......آآآآآآآآآآه ونتعاركوا علي اللحمة الكبيرة

مرة وأنا صغيرة بكل ....عمرى سنتين ممكن قلبتلهم كازان البصلة

وأحلي حاجة العيد..........تأخذ محاضرة معاش تأخذوا مشروب الا في أول حوش

وكانك قلت نبي الحمام تاكل من التفنيص ما تبي.....لكن الحق جو نروحوا بألعاب وفلوس وشكاليط

لما نتفكر حاجة انتم ما كتبتوهاش حنرجع

zig zag
13-03-2009, 07:01 PM
http://www.yousef.ws/soar/atariC.jpg

ياما تجكتر بيها السوما على جماعة الشارع ..


..
موضوع قنين والله فكرنى بيامات حلوة راحت .. يا حسرة وخلاص ..


ان شاء الله تو نرجع ونجيب بعض من ذكرياتى ..


الله الله كان عندي واحد كيفه هوا ايامات الجماعة يراجو في دوارهم

تحياتي عالموضوع ابداااااااااااااااااع

:hesh (16):

Friendship
13-03-2009, 08:37 PM
أيامات مقسمين الرسومات .......... رسوم ليبيا ورسوم تونس ......... أيامات الأنتينات ..........
ايه أيامات نتفرج مع خوي على مباريات اليوفي في قناة الرايونو الأرضية :hesh (37): .........
أيامات كأس العالم 90 و 94 ........... أيامات مارادونا والأرجنتين سحروا العالم بفنياتهم :hesh (16): ..........
أيامات فضيحة مارادونا آمتا لقوه يتناول في المنشطات :nanu (6): ..........
أيامات ليبيا الانكليزية تفتح بعد المغرب ويوم الاثنين تجيب في توم وجيري وكل سبت تجيب في سباكتومان أو شن اسمه ؟؟..........وأيامات أخرى سكوبي دو :alldoc (82): ...........
أيامات عيالي يخوفوا فينا من عزوز القايلة وحمار بو زريق وهلبا حاجات نسيتهم :hesh (49): .............
أيامات كل قايلة طريحة من الوالد بسبب الدوشة ههههههه :nanu (6): ..........
أيامات كلام الأبلة هو الصح مهما كان :alldoc (81): ...........

موضوع حلو الصراحة :nanu (1): ..............

آخخخخخ وينك يا سوما وينك ......... ذكرني بنشيد مدرستي مدرستي :hesh (36): .............

nice_doctor
13-03-2009, 11:53 PM
صباح الخير مدرستي
صباح الخير والنور إليك اشتقت في الأمس فزاد اليوم تبكيري صدى أجراسك العالي .... كملوا إنتم خخخ

عمو سوما الأبلة كان اسمها زهرة قبل لنشوفها بعد لشفتها ولا اسمها أبلة غولة خخ كانت غولة بجد لين حولوني م المدرسة كنت ف صف الثاني

تتفكروا ف لعبة الجنة والنار

قالتلي مامي لما كنت صغيرة قريب قتلت خوي الصغير جت لقتني نرصله ف الكسكسي تحسابني بنية عاقلة بناكل بدون مشاكل جت لقتني مسكتله الكسكسي تستيك وهوا قاعد بيبي

فراشة
14-03-2009, 12:37 AM
السلام عليكم


موضوع جدا جميل ، و مليان ذكريات بريئة جدا ، رغم أنها أحيانا مغلفة بطعم الشقاوة :hesh (21):





اهو انى بنبدأ ........ من يتفكر في شوكلاته الورد واليوقا هديكا متاع الجمعية اللى على اساس نكهتها نجاص.
.
.
.
.
تتفكرو لما الفصل يدير دوشة الأبلة اتهدد فينا راهو انقعمزكم ولد وبنت.....والجماعة على اساس

متكنطين...!!على اساس مايبوش....

آهو نقولك شن نتفكر

لغاية أمس جت في نيتي شكلاتة ورد :alldoc (86):
لكن معاش فيه منها للأسف ، كنا نشرو فيها بربع ، و كان جاب المقصف اللون الأبيض منها تلقيها تكمل فيسع ، على أساس حاجة نادرة ، شكلاتة و بيضا :alldoc (65):


و نتفكر زمان في سنة ثانية إبتدائي ، كنت نقرا في مدرسة في طرابلس ، على أساس طرابلس وسط البلاد و فري ، المهم كنا نقعمزوا 3 في مقعد واحد ، كنا زوز بنات و ولد ، أو زوز ولاد و بنت ، و ياناري علي من يقعمز في الوسط .

المهم جت تقعميزتي مع ولد خالي و مع بنت صاحبتي إسمها رشا .
الثلاثة كنا بانكس :alldoc (65):

و ولد خالي في الوسط .
مرة كنت في الحصة نرسم في رعد العملاق و سرحت شويا ، لقيت الأغنية متاعه ترن في راصي بديت ندندن فيها بالشويا ، إنسجمت مع الوضع ، لقيت روحي واقفة فوق المقعد و نغني بأعلى صوتي :nanu (11): ( رعد العملاق جاء ليحمينا ...........)
:alldoc (65)::alldoc (65)::alldoc (65):
و الكل يشبحلي و يقول هادي خيرها :alldoc (54):



يلا أيامات حلوة


لي عودة للموضوع إن شاء الله


سلامي

ssoma
14-03-2009, 01:21 PM
السلام عليكم ورحمة الله وبركاته

منورين كلكم علي بعضكم بدون أستثناء

وينكم معاش رديتو..ولا خلاص دهشتو..ولا طفولتكم كلها في الحياش الداخل:alldoc (1):


http://www7.0zz0.com/2008/11/05/21/711686160.jpg

http://www7.0zz0.com/2008/11/05/21/761651223.jpg

http://www7.0zz0.com/2008/11/05/21/423703471.jpg

http://bp2.blogger.com/_FPtXkDBVGWA/R1NZ9SaQ0lI/AAAAAAAAAR0/tSePjRnJiik/s400/AF_Libya.jpg

طارقات زمان كلها


أيامات العالة الشاهي..إيام الشنتروات :alldoc (1):

http://img126.imageshack.us/img126/3496/23448298ji5.png


http://img126.imageshack.us/img126/263/86572837rr2.png

طاسة عمتي هلالة..وعمتي غزالة..وعمتي زينوبة (وجه تاكم سنون)


وليا عودة للموضوع



والسلام عليكم ورحمة الله وبركاته

فراشة
15-03-2009, 07:13 PM
السلام عليكم


تتفكروا في عظام بشار؟؟؟

البشكطي المالح إلي شكله كل وحدة من شكل ، و يقولوله عظام بشار

ما لقيتش ليه صورة في النت

:alldoc (86):

لكن عندي نية فيه


:alldoc (77):

.......


جبتلكم أتاري زي إلي كان عندنا

:nanu (11):

http://www.tiptonium.com/videogames/hardware/images/atari2600jr.gif

http://videogames.3yen.com/wp-content/images/atari_2600_joystick.jpg


http://upload.wikimedia.org/wikipedia/commons/thumb/e/e6/Atari_5200_-_trojandan_14871272.jpg/800px-Atari_5200_-_trojandan_14871272.jpg

كان فبه لعبة المجرم و الشرطي

http://weheartit.com/images/thumbs/20080422134126.jpg

حشييييييييشتي

http://weheartit.com/images/20080422134126.jpg




http://www.videogamecritic.net/images/2600/keystone_kapers.png

أحلى حاجة لما يركب الشرطي في المصعد

نقعد نقوله

هيا هيا هيا فيسع خف روحك

و المجرم ينزل لوطا

:alldoc (65):

أو لما تطلعله الطيارة إلي في الممر تنزل و تركب :alldoc (65):



...........

فيه لعبة أبيض أسود

كنت نلعب فيها في التيفي بوي

TV boy

كنت ديما نلعب فيها

http://mightygodking.com/images/atari/timcurry.jpg

هكي شكلها

http://atarireviewer.files.wordpress.com/2008/11/reversi.png?w=336&h=240

وهذي اللعبة ما حبيتهاش بكل

http://atarireviewer.files.wordpress.com/2008/11/poleposition.png?w=336&h=240

ديما خاسرة فيها للأسف

..........


فيه لعبة إنقاد الأميرة

( معليش الأسماء نسمو فيها كيف ما يجي )

http://atarireviewer.files.wordpress.com/2008/11/donkeykong.png?w=336&h=240


............

هذيا مشهورة جدا

مسمينها لعبة الماكلة

هاهاهاهاهاهاهاهاها

http://atarireviewer.files.wordpress.com/2008/11/pacman.png?w=336&h=240

............

و هاديا دمها بارد

متع الصعقة الكهربائية

لما تمس الحيط أو الوحوش ، تحصل صعقة كهربائية

http://atarireviewer.files.wordpress.com/2008/11/berzerk.png?w=336&h=240

.............

هذي اللعبة ماشي حالها

مسميينها الشرطي تقليد

http://atarireviewer.files.wordpress.com/2008/11/fasteddie.png?w=336&h=240

المصدر
atarireviewer (http://atarireviewer.wordpress.com/)


سلامي

فراشة
15-03-2009, 08:05 PM
لألعاب الأثاري و بس


صفحات خاصات بألعاب الأثاري و بس


شوفوهم و قولوا أما لعبة كنتوا تلعبوا فيها

:hesh (43):

:nanu (11):

:alldoc (22):

A

http://www.videogamecritic.net/2600aa.htm

B

http://www.videogamecritic.net/2600bb.htm

D-E

http://www.videogamecritic.net/2600de.htm

F-G

http://www.videogamecritic.net/2600fg.htm

H-L

http://www.videogamecritic.net/2600hl.htm

M-O

http://www.videogamecritic.net/2600mo.htm


P-Q

http://www.videogamecritic.net/2600pq.htm


R

http://www.videogamecritic.net/2600rr.htm

S

http://www.videogamecritic.net/2600ss.htm


T

http://www.videogamecritic.net/2600tt.htm

U-Z

http://www.videogamecritic.net/2600uz.htm




إن شاء الله تعجبكم ذكريات الطفولة

سلامي

aljeelany
15-03-2009, 08:33 PM
مشكور خوي عالموضووع
ياودي منور يا سوما الموضوع بلاك ما يسوا شيء
حبيت نضيف حاجه

العملات

http://housam2004.jeeran.com/qdinarf.jpg

http://housam2004.jeeran.com/hdinarf.jpg

http://housam2004.jeeran.com/1dinarf.jpg

http://housam2004.jeeran.com/5dinarf.jpg

http://housam2004.jeeran.com/10dinarf.jpgالصامد

والسلام ختام...

الإنطلاق
16-03-2009, 12:16 AM
[FONT="Comic Sans MS"][SIZE="6"][COLOR="Blue"]السلام عليكم ورحمة الله



الموضوع حلو وأني من محبي الحاجات القديمه

RANDA
18-03-2009, 12:50 PM
فكرتونى ايام زمان الله عليك ايام
دكرتونى بايام اليستيك
لعبه اليستيك
جو غير عادى

ولا مره فى بريطانيا كنت انى وخوى الكبير فى المدرسه
المهم كنت انى وياه مدايرين عصابه
على الاجانب نهاره الى يكلمنى
تخيل مره خوى يضرب فى اجنبى وانى شادتهوله
جووووووووووووووووو


ولا نتدكر ايام
انى لو ما نبيش نحضر او نبيهم يدلعونى فى بريطانيا شدها ع البكى
نقعد نبكى
لن يديرولى الى نبيه لما تروح بيا امى يقولولها رندا تبكى شكلها عندها مشكله تقوللهم امى شن
المهم تقولى امى خيرك نقوللها يكدبو عليك فوتيهم
تصدق امى
المهم ايامات جوووووووووو
غير عادى
ودكرتونى ايام
الثانوى
كنت فى مدرسه خاصه القواعد والقاونين مفددتنا فيها المهم عندنا حصتين هندسه يوم الخميس اول حصتين
اتفقنا انا ما نبوش نحضرهم الفصل كله ونمشو يوم الاربعاد بعد دوام الدراسه نقلبوا الفصل بالدحى والدقيق
والزيت ع الكراسى والطاوله والصبوره
نخلوه حاله ونصقرو الفصل ونروحو
المهم قلنا يلا بالجو
نعيشو المغامره
يجى يوم الخميس فى الطابور يقولو للكل المدرسه تخش الا فصلنا
ما خشش
وجابو الشرطه وبدى تحقيق
ما توقعناش توصل للدرجه هده وتحقيق ويبو يطردو وبدو ويزعولنا فى ملفتانا بتع برو دورو وين تقروووووووووووو
الى يبكى يبكى
وحاله
وحنى شى
نقولو ما نعرفوش وما نندروش على شى
المهم قعدنا الى العشيه \
وحنى ع الحال اهوا
قالك نحسابوها جووووووووووووو
فى الاخير
اعترفنا على انا حنى كلنا ندرناه

وهلبا الفلايط

Dreams Master
29-03-2009, 09:08 AM
السلام عليكم ورحمة الله وبركاته
مشكورة على موضوع دكتورة نانهم"......
نذكر قبل لما كنت صغير ديما أنطلع في روحي بطل في كل شي "لكن مش غرور" ...زعادة فينا لما كنا صغار....
المهم ...مـرة في حوش جدي عندهم "فيلا أرضية" وكنت مقعمز أني وصغار خالي وخالاتي وفي بنت حلوة وقنينة معانا ...:hesh (6):ونبي أي حاجة مش أنوري فلاحتي :hesh (6):....المـهم
جي خالي من روشن الدار وضبح علي من دونهم كلهم ..""فرصة" ......:hesh (38):
فرحت أني وقلت "ناصر للمهمة الصعبة خير منادكش أنت هاهاها" وطلعت من الدار ......:alldoc (5):"وياريتني ما طلعت "
جيت لخالي بحدا الـروشن قتله خيرك خالي..أنعلي في صوتي "فلاحة" ...:hesh (51):
تعرفو شن قالي ........ قالي برا فرغ الكناسة وتعالى ......"حشاكم"......ما نحكيلكمش شن كان موقفي...:hesh (7):
تو أنقولكم حاجة ثانية ........
فــي أمــان الله

3βĐỗ}●•
30-03-2009, 11:22 PM
ـالسلام عليكم ورحمة الله وبركاته
رديت انا قبل هني؟؟؟ .. مش عارف مش متذكر
على العموم انا من الي قال عليهم السوما:

وينكم معاش رديتو..ولا خلاص دهشتو..ولا طفولتكم كلها في الحياش الداخل
ومش نادم .. حتى اني نتمنى اني نرجع زي قبل
----------
على العمومـ...
الصف التاني جت فترة انحب فيها الجو الصافي العشية (فضاء فضاء):nanu (16):
ما تكلمنيش:hesh (36):
نطلع الصبح محترم الامور طيبة .. جو حلو قصدي طالع محترم :hesh (37)::-:hap:-:
وانا مروح انشد المكان انا والصغار (المكان: تحت زتونة) .. امته انروح اتقول طالع من بحر وبعد البحر خشيت محل متاع قزة وشرشور وشامنت وتراب:nanu (6): وهذا كله يطلع خاصة امته نلبس البدلة البيضة (اييييييييييييه ايامات مع البدلة البيضة)

هذا الي نتذكر فيه
:nanu (1):
.,×سلامي.,×

إبــن النفـيس
31-03-2009, 12:56 AM
وعليكم السلام ورحمة الله وبركاته

Special يامات وراحت **** بالله

أما الموقف التالي كانت بطلته ابلة الرياضيات..... موقف ما ينتساش لي نهاية العمر

في يوم من يامات الابتدائي في الصف السادس وفي الحصة الخامسة جت ابلة الرياضيات للفصل

والفصل كان دوشة وللي يحذف يحذف ** واللي يجري يجري ** وللي يخبط عالمقعد......

المهم ... فتحت الباب و خشت للفصل فجاءة أخبط في راسها بيرو ( كان واحد من الطلبة بيلوحة وراء الباب ... معروف وراء الباب شني كان فيه ) .

تقنطط وقالت الفصل كله يوقف....

وبعد ما طاحت فينا 3 خبطات كلنا.... مشت بالعصا قدام السبورة

والفصل بعد هذا كله قاعد دوشة خبطت عالسبورة خبطات بالعصا قريب سمعت المدرسة كلها

تصدقوا طاحت علها السبورة لو ماتلفتتش التالي بسرعة ودارت ايديها فوق ( راهو طاحت فوق راسهاربما صارلها ارتجاج او ماتت )

لكن ربي سترها معاها .....

صارلها تكسر بيديها وشويت رضوض في جبهتها وخشمها.

dr_soma
05-04-2009, 09:01 PM
السلام
الله فكرتوني باحلى ايامات عمري نتفكر زمان لما كنا نلعب في نقيزة وشلاليط وفوق حاجة عالية وميا وتلج اياما ت يا حسرة ولما كنانقروا عشية مش صبح وايامات نطلعوا في العاشورة نلبس في شكاير الكناسة حاشاكم ونلبزوا في وجهنا ونلود علي الحياش( حط ايدك علي النار وطلعلي دينار ) ايام الدينار كان يجيب والا في العيد لما نلبس كل شي جديد ونلودوا علي الحياش ونعيدوا وبعدين نمشوا في العشية للملاهي بتاع المعرض هلبا حاجات توا نزيد نتفكر :hesh (35):

madboy
05-04-2009, 11:37 PM
بسم الله الرحمن الرحيم


الموضوع مش عادي بجديات اكثر من مرة انقعمز مع الشباب ونقعدوا نتدكروا ايام زمان ونضحكوا علي بعض

تتفكرو في أيام الابتدائي وأيام القرنبيول الازرق لا والنسطرو البودري للصف الاول والازرق للصف التاني هههههههههه
ولا في الطابور كيف نتعاركوا من يوقف الاول تتفكرو في تمارين الصباح ونداء الراية الخضراء كنت نطلع انقول فيه ومعاي زوز اولاد يشدولي في مكبر الصوت من كتر ماكان رزين

يا حسرة علي ايام زمان

تتفكروا في رسومات زمان:hesh (43): كعبول الكلب الاكول وبسيط وكوكي وطمطم و الانسة ملعقة و نيلز و قرندايزر و ماوكلي حي علي ماوكلي حي قصة تتفكرو في عصاة ماوكلي اللي تمشي وتوللي زمان علي قد ماحولت نصنع زيها ما قدرتش ديما تمشي ومعاش تولي ههههههه ولا الكابتن ماجد كنا نلعبو بالكورة السبينة تتفكرو فيها كانت بدينار ونص ممكن , كنت نشوط في الكورة ونقول معاها الضربة الساعقةههههههه و رعد العملاق و جازورة و سنبل و سبنك ههههه تتفكروا فيه ؟ ولا الماسة الزرقاء و زينة ونحول و السباق الكبير و الرمية الملتهبة و صاحب الظل الطويل هههه و فلونة و هايدي و رامي الصياد الصغير وبشكطي رامي اللي فيه الصور و ساسوكي قم ضع يك في يدي هههههه
اييييييييييييييييه ياحسرة والله ايام حلوة

تتفكرو في دعاية مرادة مشروب العيلة مرادة طاسة طاسة طاسة حتى خوك زيده طاسة ما تبيش تكمل ههههههههههه


لي عودة مع المزيد من الدكريات ان شاء الله


تحيتي
C16-mbm
سلام

هنودتي
12-04-2009, 08:24 PM
تذكرو في أيام زمان؟
ايام نمشو للمدرسة بالقرمبويل ( المريول ) السماوي
ونديرو في نستروات
ونستروات في الرقبه والشعر
يا بنات ايام تمشو للمدرسه مدايرين هضوكه الضفيرتين وحده يمين ووحده يسار
وكل مره تغيرو شكل الضفيرة
وامك تدهنلك فيه بزيت الزيتون وكان طارت بكل بكل بزيت أملأ

تذكرو في كتاب اللغة العربيه واول كلمه مكتوبه فيه
دار . باب . رباب.

تذكرو في فطور المدرسه؟
نص طن (سندوش تن) من المقصف
لما كان يفطر في مدرسه كامله بحكة وحده

تذكرو ايام كان يبيعلنا في المستكه السحريه وكل شويه تطلعها من فمك وتشوفها تغير لونها والا لا ( ويديك ابصر وين كانو يهيجو)

تذكرو لما تنزلو للمدير وتقولوه نبي الفلقه يقولك لمنو ترد عليه وتقوله لعفن لبله متع الحساب
ويطيح فيها تقرقير المدير

تذكرو في حلوة الصفاره؟ اللي نشرو فيها من الدكان
تذكرو في مستكة الدخان كيف كنا نتجعدو بيها بنات وأولاد
تذكرو في الحلوة اللي كانت زي الحبوب؟
تذكرو في المستكه اللي في شريط زي متع الدواء ولونها احمر واخضر واصفر
تذكرو في شكلاته ورد البيضه والقهويه متع سته طروف

تذكرو ايام نديرو في حلوة الرز؟
نخنبو في الرز من المطبخ ونحطوه في طاوه وعليها الميه والسكر واستناه لين اطيب( والرز يتغزغز ني)
كان فها بنه تهبل لتوا بين سنوني

تذكرو في مشروب العيلة مرادة (حي متبيش تكمل)
تذكرو في شكلاته كندر سوربرايز غر قبل متطور وندسو في الهدايه متعها؟

تذكرو في البريوش(الدونات ) اللي ادير فيهم امك واختك؟

تذكرو في الفطيره اللي اديرلكم فيها امك والا اختك الكبيره وكيف كنتو تاكلو فيها من نارها؟

تذكرو في باكو الشكلاته اللي مرسوم عليه غروب وسفينه قصدي مركب (اصفر واسود) اللي تجيببهولكم جارتكم وامك ادسه لين تمشي بيه لجارة من جيرانها مره تانيه وهذاكا الباكو الشكلاته اللي فيه مدتها طايحه من كثر ما دار ولف علي حياش الجيران

تذكرو في حكة اليوقه؟
وتذكرو ياشباب كيف كنا نديرو بيها في خطه؟

نعبوها بالتراب ونحطوها تحت سياره بو ولد جيرانه اللي متعاركين معاه؟هذي لعبه للاولاد بس لكن كنت نلعب فيها في شارعنا)

تذكرو كيف كنا نهيجو الساعه 2 و3 الضهر تحت الشمس ونلعبو ورجلينا حفايا؟
نحذفو في الشبشب بحدا الحوش بش ماناكلوش طريحه؟

تذكرو يبنات لعبة النقيزه متع 8 ومتع 6

تذكرو في طول وعرض وقداش فيها دار 6 و8 ديار
تذكرو في لعبة العرص والبنت الوسطيه تشد وتحاول تاخد عارصة؟

تذكرو يا شباب ويابنات ايام ملعب البلسترا متع السله؟
وكيف كنا نكعبشو علي السله

تذكرو يا شباب ايام كنتو تشدو في القطوسة وتصبو عليها في القاز ( الكاز) وتولعو في ذيلها في النار؟

تذكرو في البطش والبوكه وطقه عاود؟

تذكرو يا بنات ايام طاي طاي طايري ريني رني يا زهري
والكورة طاحت في البير طيحها عمي باشير
والمكرونه صالصه يخرب بيت فرانسا
والمكرونه نية
اااااه ضرتني شوكه وااه محلاها فيك

نقعمزو دائرة
والبنت تلف علينا بمحرمتها ( الله اعلم نظيفه المحرمه والا لا)
واللي تجي عليها المرحمه تنوض تلعب

تذكرو في جوليا جوليا جوليا جوليا كمراداليا
خطمو زوز صبايا قالولي غنيلي غنيتلهم عربي قالولي زيديني

تذكرو في مسيكم بالخير يا عمار العمارية
هل تعطونا بنتكم الحلوة الصابيا

تذكرو يا شباب ايام الدوري متع الشارع والمدرسة؟

تذكرو لما ناخذو التاباشير ونفترشوه لين يولي دقيق
ونعبوه في ورقه نلفوها ونبرموها زي السبسي ونديرو في روحنا ندخنو؟

تذكرو في الامبايل اللي يبيع فيهم الدكان
ادفع 10 قروش واختار رقم واحلم تطلعلك امبوله كبيره
ديما امبايل صغار

تذكرو في العيد الصغيرة كيف كنتو تلقطو في العيدية يوم العيد واطيرو للدكان تشرو في العاب؟

تذكرو في السيف اللي شريتوه زمان؟
اللي الجوان متعه لونه ليمي والنصل لونه ابيض علي كريمه؟

تذكرو في حلوة الصوف ادفعله ربع ويلويلك حلوة الصوف علي عصاة يدخلها في الماكينه وانت تقعد زي المسبوه تشبحله؟

تذكرو ايام المدرسه يرفعو فينا في رحلات ؟
تذكرو كيف كنا نستنو في الباص وليلة الرحله نرقدو بكيري بش يجي الصبح فيسع
تذكرو في فطور الرحله(لازم ترفع دجاجه محمرة)
تذكرو كيف نغنو يا سواق اجري عالمية متخافش عالباتاريه
ياسواق اجري عالسل متخافش عالسته عجل
تذكرو لما نروحو من الرحله في الباص نغنو ونقولو
روحو بينا نبو امالينا وكان القيتونا قصو رجلينا
تذكرو في ايام الطرمس وشنطة الفطور؟
ايام امك تحطلك طرمس المية والفطور في هذيكا الشنيطه البلاستيك اللي فيها يد

تذكرو ايام يجيك الباص بش يرفعك للمدرسة؟
تذكرو ايام السفارات الملونه وسفارات النايلو اني نبي سفار اخضر وانت تبي سفار احمر هيا نبدلو؟

تذكرو في ادوات المدرسه كيف تجيب فيهم الجمعيه؟
وتوقف تستنا بوك لين يمدلك الشنطه؟

تذكرو في السيارات اللعبه؟
علي اساس سونك سيبا؟

تذكرو لما تركب فوق السطح وخوك والا اختك لوطه وانت تعدل في الانتيلا بش تطلع قناة 7 التونسيه
والا قناة 21 وخوتك يصيحو عليك صافيه باهيه هربت ردها كيف ماكانت
تذكرو في قناة البث وقناة شاع؟

تذكرو اول ماطلعو الموبايلات؟
ايام السوني اريكسون؟ اللي فيه انتيلا
وايام النوكيا متع الانتيلا والامبه تحت الانتيلا؟

تذكرو في سيارة المرشيدس الصفت؟
ايام كان فيها التكيف والجو المليح؟

تذكرو في الصيف كيف كانو اماليك يبعتوك انت والدلاع تتكركب معلها للشط وتحفرلها وتردمها بش تصقع؟

تذكرو لما كنتو تلعبو بالبركة طوطا (طياره نايلو فيها شليف)
وكيف كنت اطير فيها وحي عليك كان حصلت من خوك في النخله(دور شنو يسكتك)

تذكرو في برنامج المناهل وزيد وعمر وابو الحروف؟
تذكرو في رسوم ماجد اللي كل ما يكذب خشمه يطول
تذكرو في رسوم رامي الصياد الصغير
وسنان ورحمون والغابة الصغيرة ومدينه النخيل كل شيء جميل
تذكرو في الكابتن ماجد؟ وبشار اللي ملقاش امه

تذكرو في مسدس الميه وكيف كنا نجيبو في للمدرسه ونبخو بيه ببعضنا والابلات

تذكرو لما نعبو طاسه اميه وصابون ونحطو فيها مصاص ونعدو ننفخو في هذاكا المصاص بش يطلع رغوه وعلي اساس فقاعات صابونية

ايييييييييييييييييييييييييييه ايامات

قولولي شنو شعوركم بعد متذكرتو اللي ايامات زمان؟
ايامات الشطانة بس علي برائه

Nanahom
10-10-2009, 05:01 PM
تصورو كل مانقرا الموضوع هدا نضحك وكانى اول مرة نقراه



شنو معادش فيه حاجات جديدة؟

Fairy tale
10-10-2009, 05:21 PM
السلام عليكم
اختي اظن ان هدا الموضوع مكرر
اختي العضوة دمار لها مشاركة بعنوان ايام الطفولة
http://alldoctors.net/forums/showthread.php?t=18929

ولا اعرف اي الموضوعين كان الاول

قصصكم رائعة حقا
ايام الطفولة روعة

CLASSIC ADMIRAL
10-10-2009, 05:55 PM
موضوع دمار بتاريخ 27\4\2009
وموضوع ناناهوم بتاريخ 12\3\2009 ^_^

Nanahom
15-10-2009, 03:43 AM
السلام عليكم
اختي اظن ان هدا الموضوع مكرر
اختي العضوة دمار لها مشاركة بعنوان ايام الطفولة
http://alldoctors.net/forums/showthread.php?t=18929

ولا اعرف اي الموضوعين كان الاول

قصصكم رائعة حقا
ايام الطفولة روعة



اعتقادي ان الموضوعين في مسار مختلف اما موضوعي فبيخص الذكريات المشتركة اللى كانت موجودة في كل عائلة واما موضوع الاخت دمار فبيخص المقالب الخاصة بكل شخص
وفي الحالتين مش حنختلف
وبالنسبة لاي الموضوعين كان الاول فالاخ كلاسك جاوبك
سلامات

عاشور قلب الاسد
16-10-2009, 09:13 PM
نناهوم ... من الحاجات القديمه ... !!!


من يتفكر فيها ؟

Fairy tale
16-10-2009, 10:25 PM
اجل عزيزتي
الموضوعين مختلفين

جئت اشارك بدكرى شينة شوية
زمان
خوي يربي في عصافير كناري
كنت نلعب بالمكنسة نقول هكي يجي القفص فالوطا بالغلط
ويتفشخ
والعصفور مسكين رقبته تتكسر
ضبحت علي خوي
قلنا احسن حل هوا بيموت مفروض ندبحوه ونشووه
وتمت العملية
عمره حد ضاق لحمة كناري؟؟؟
والله شن بنقوللكم
زعلت عليه واني ناكل فيه مسيكين يا ناري
يم يم
عنده حق سلفستر يبي ياكل تويتي
مشكورة عالموضوع
وسامحوني عالوحشية
بس اني من يومي طبعي زي القطاطيس جديات
من صغري

ليونيدس
17-10-2009, 12:05 AM
ايام زمان ..


انى قاعد جديد ..انى صغير ..


هههههههههههه

نبصر ...

ايام نستنو في تونس 7 ولا قناة 21 ...


لكن حقا يتغير شعورك من انك كنت طفل واصبحت تعامل ككبير ..

تحياتي ...ليو .

كونر
17-10-2009, 01:47 AM
منو قاعد يتفكر فى اغنية
الأن الأن و ليس غدا أجراس العودة فلتقرع
ايامات ليبية القنفوذ زمان

باهي قنش قنوشو يا أحلى قنوش
و لا شكلاطة ورد ,

و لا اغنية ارسم شجرة ارسم بستان لون تمرة

منو يتفكر فى ماركو

http://www.nipponanimation.com/catalogue/005/005_01.jpg



و لا الغواصة الزرقاء

http://i66.photobucket.com/albums/h245/vaxva/DVD/_U/Uchu_Kubo/img.jpg

اول رسوم نتفرج عليها

Fairy tale
17-10-2009, 02:04 AM
ودلس نوفا نوفا نوفا يا غرت جديد نوفا نوفا صحي ولدييييد
والتانية
مرادة اي اي مرادة اي اي
مشروب العيلة مرادة
كلهم الي سميتهم نعرفهم
ونزيدك عليهم
افتح يا سمسم الطبعة الاصلية
متع البنات الي بقفطان احمر يتجارو ولبيب ونعمان وهشام

زمان حني نسكنو فعمارات تاجورا ايام كانو الا للضباط والجماعة هما
الجيران كلهم نضيفين ونعرفو بعض
وتجي رسوم فالتلفزيون تسمع هديكا العيطة
جريندايزررررررر
الشارع يخلا الناس كلهم يخشو يتفرجو
وبعد ما تكمل الحلقة يطلعو الصغار يمتلوها على جتت بعضهم بالضرب بالعصي والتيروات

بالله ايام
مرات اني وخوي نخطمو عالجيهة الي كنا ساكنين فيها
نقلبت تغيرت
ناس غريبة وعصابات وسمعة زي الزفت وحشيش وبيئة ولت
والبركيدجو ولا دار روحه مجمع تجاري زي سواد سعدهم
والوسعاية الي كنا نلعبو فيها سكروها وبنو سور من هني وهني والعمارات ولت تخوف وموبوئة
نمشو نبو نتفكرو ماظي كان ونشمو ريحة الطفولة
تضرب خشومنا ريحة الخرارات الطافحة ونروحو

بالله
الا ليت الشباب يبقى دوما

alkaisar
17-10-2009, 03:02 AM
الســ عليكم ـلام...
الله على زمان وأيام زمان حسيت روحي نلعب في 60 سنة وأنا في الواقع قاعد في 59:biggrin:
من الرسوم الي قاعد نتفكر فيها
شدوا عندكم
1 توم سوير
http://img361.imageshack.us/img361/5053/03dp9.jpg


http://www.anvari.org/db/cols/Iranian_TV_Cartoons/Cartoon_Tom_Sawyer.jpg


http://www.alhsa.com/forum/imgcache/266290.imgcache
2 الشناكل
http://bp3.blogger.com/_mDnuP6vdHRg/R5GY361tcAI/AAAAAAAAAvs/bRwRy8u3l4o/s400/%D8%B4%D9%86%D8%A7%D9%83%D9%84.jpg


3 السنافر
http://i36.tinypic.com/2evrskz.jpg


4 فلونه
http://vb.arabseyes.com/uploaded/44241_1182135374.jpg


5 بسيط


http://www.tbeeb.com/ph/files/1/anime/baseet.jpg



6 جازوره:biggrin:


http://www.fonekat.net/portal/images/products/690137.jpg



7 قرينديزر


http://www.deviantart.com/download/88134623/Actarus_Duke_Fleed_Grendizer_by_handesigner.jpg


8 سبانك
http://www.sharingcode.com/torrentimg/ca76bb6c17603264ce6e0698206ee7699c1a766f.jpg



9 الفتى النبيل
http://www.mexat.com/vb/attachment.php?attachmentid=112385&stc=1&d=1150979652http://www.kaizuland.com/vb/attachment.php?attachmentid=598&d=1247309712


يتبع..

d.bilasan
18-10-2009, 09:34 PM
شكرا ليكم كلكم والله عيشتونى لحظات كنت محتاجة منى ايفكرنى بيها على فكرة موتونى من الضحك

รєภรんเ kσ∂σ
02-11-2009, 08:59 AM
وحتي حني نشاركو...........
أيامات زمان ......................تقولي عايش 100 عام... كل الرسومات قالوهم الاعضاء ولكن في رسوم نتفرجو عليه هو .............

http://mexat.com/vb/attachment.php?attachmentid=764816&d=1236606653

http://i290.photobucket.com/albums/ll279/MRSAIL/2314.jpg

وايضا الرسوم المعرف بي سابق ولاحق...........

http://bluexred.fc2web.com/hp/bood.gif

http://www.mydream5.jeeran.com/s3.jpg

وفى بعض الرسومات ممكن تكون جديدة ولكن .........................مثل البوكيمون
http://www.spetzomusic.com/images/pikachu%5B1%5D.jpg
هذا اسمه بيكاااااااااااااااااااتشووووووووووووووو

http://vb.arabseyes.com/uploaded/99152_1214134662.gif

http://www.pokemonelite2000.com/ani006.gif
المعروف شريزارد.............ايامات

واحسن جو فى الرسوم ..........العصابة.......
http://img33.imageshack.us/img33/5709/japanendingsm.jpg
ايامات نشروا فى الجيلاطى متع البوكيون زي الكورة ناكلو الجيلاطى وصير فيها اللعب بيها كورة ودوريات فى حوش جدي ومشجعين وحكام خاشة بعضها لين يطلع جدي يبدا يكشخ كل واحد يمنع في جيهة نستنوا 2 دقيتين ونولوا طول نلعبوا وانديروا دوشة مرة تانية................

قصدي الموضوع هذا أني من فقع فيه......................

Fairy tale
02-11-2009, 11:04 AM
سينشي
أقصد كونان
الرسومات الي سميتها كلها من العهد الجديد
أما حق إنك كيف طالع مالتنوي
ما خطموش عليك جودي أبوت ورعد العملاق
وكوكي الفتا العجيب مش أسترو بوي
وإفتح يا سمسم الطبعة القديمة
والمناهل هيا الى المناهل
به قولوا خطم عليكم
نينجا نينجا نينجا بطل محبوب
شره يحب طعام الشومن يأكل يأكل ولا يشبع
تعرفوها؟؟؟
نينجا لابس أحمر

وأنا فتا النينجا شاهدني الي يطلع في عيونه يكتشفوا الطريق ويولوا

ولا القوية اهيا
كلبو .. سوف أخبر أسدو
بالله الي يعرفها يقولي شن اسمها او اي معلومة عليها
زمااااان سامعتها الجملة هيا
وأظنهم دما يتحركوا باليدين

والشين الصامط بطوطة
المتحري بطوطة ومعاه همستر
اخييييي

والحبوب فيهم عمبر
أهلا عمبرررررر
من يعرفها؟

รєภรんเ kσ∂σ
02-11-2009, 11:14 AM
سينشي
أقصد كونان
الرسومات الي سميتها كلها من العهد الجديد
أما حق إنك كيف طالع مالتنوي
ما خطموش عليك جودي أبوت ورعد العملاق
وكوكي الفتا العجيب مش أسترو بوي
وإفتح يا سمسم الطبعة القديمة
والمناهل هيا الى المناهل
به قولوا خطم عليكم
نينجا نينجا نينجا بطل محبوب
شره يحب طعام الشومن يأكل يأكل ولا يشبع
تعرفوها؟؟؟
نينجا لابس أحمر

وأنا فتا النينجا شاهدني الي يطلع في عيونه يكتشفوا الطريق ويولوا

ولا القوية اهيا
كلبو .. سوف أخبر أسدو
بالله الي يعرفها يقولي شن اسمها او اي معلومة عليها
زمااااان سامعتها الجملة هيا
وأظنهم دما يتحركوا باليدين

والشين الصامط بطوطة
المتحري بطوطة ومعاه همستر
اخييييي

والحبوب فيهم عمبر
أهلا عمبرررررر
من يعرفها؟


لالا أنت فاهما خطأ باهي الاعضاء ياللي قبلي قالو قريب كل اسماء الرسومات جئ أني نعاود في الدوَة اكره حاجة عندي عواد الدوَة ............
وعلى فكرة رعد العملاق كان عندي منا أشرطة فيديو متع التلفاز كان كل حلقة نسجل فيها باش تقعد ونحضرها مرة تانية وحتي (قندايزر) ومني ما يعرفش أفتح يا سمسم النسخة الأصلية ..............أما بالنسبة للمناهل حاضرها لها هلبا وعلى فكرة المدة الماضية قصدي في الصيف كانوا قناة ليبيا يجيبوا فيها وقت الظهر.....................

Fairy tale
02-11-2009, 11:19 AM
انت مش فاهم يا كونان
الموضوع عن الي حاضر الحلقات اول ما نازلة
مش الي يشوفها اعادة وبفيديو ....
وفيه هلبا حاجات مزال متسمتش
فيه الي مزال اقدم مني يعرفوا بلاوي اني سامعة بيها ومش شايفتها
زي لميس وكمال
ومنقدوا الديناصور
وليث الى يقضان تحول
يعني الموضوع هو للمعمرين فما فوق
الموضوع اسمه
من يتفكر الرسومات القديمة
مش الجديدة عالم الدجتل وبرا

รєภรんเ kσ∂σ
02-11-2009, 11:22 AM
انت مش فاهم يا كونان
الموضوع عن الي حاضر الحلقات اول ما نازلة
مش الي يشوفها اعادة وبفيديو ....
وفيه هلبا حاجات مزال متسمتش
فيه الي مزال اقدم مني يعرفوا بلاوي اني سامعة بيها ومش شايفتها
زي لميس وكمال
ومنقدوا الديناصور
وليث الى يقضان تحول
يعني الموضوع هو للمعمرين فما فوق
الموضوع اسمه
من يتفكر الرسومات القديمة
مش الجديدة عالم الدجتل وبرا


اسم الموضوع من يتفكر في حاجات قديمة ماقال أقدم حاجة ......................يعني (.....)

Fairy tale
02-11-2009, 11:25 AM
يعني ...القديمة
والقديمة لا تشمل بوكيمون الي اخترعوها امس !
وسابق ولاحق
هدي رسومات العهد الجديد
يبان حتى الفرق في الرسم وجودة العمل
الرسوم القديمة مازالت رسم بالايد
وصفحات تنقلب بسرعة
فرسوم السندباد تبان واضحة اللقطة هدي للي يعرف يرسم وعنده دقة ملاحظة يقدر يزبط الرسوم اذا كانت من العهد القديم الاول
او انها خاش عليها التحديث وبيدا بول وكراش جير والرسوم الجديدة
الي خاش عليها التعديل بالكمبيوتر
اتمنى الصورة وضحت يو عمو
عالحال هوا اني الي عمتو

รєภรんเ kσ∂σ
02-11-2009, 01:13 PM
عارفك أنت كبيرة باهي خلاص أنت ملحقه كل شئ وأنت أكبر وحده في المنتدى وأنت ما صدقتك.........

DR_HsM
02-11-2009, 03:22 PM
ايه بالله علي الايامات زمان احلي ايامات كانت كلها براءه ايامات عدنان ولينا وموكلي
ايييييييييييييييييييييييييييييييه بالله محلاهم

Dr. Jekyll
02-11-2009, 03:49 PM
في رسوم جحا رسوم ليبي
يجي لمرته يلقى في غداه بازين "حببني بالبازين " وفوق القصعة مسير
ومرة شرا دولاب ماباش ينفتح له الا لما يضربه مرة برجله ومرة براسه
هههههههههه

طبعا من ينسى
الرجل الحديدي
لميس وكمال
الاتحاد قوة
على فكرة لقيته ع النت ونزلت جميع حلقاته
وماجد لعبة خشبية
وبشار يا بشار 100 حلقة تقطع القلب
ودوبة في القرية الاليفة اللي ساكن معاه الشبح
ورسوم 001
وفيه رسوم كانوا يجيبوا فيها ناسي اسمها هي بنت شعرها اصفر وكانت تعيش في ادغال افريقيا مع عايلتها
ومعاها حيوان صغير رمادي المهم عايلتها رجعت لبلادها وهي نسوها
وفي رسوم باندا اللي امه تقعمز تحكي له كل يوم حكاية
اما اللي كان يكسر لي في رقبتي ماتعرفه رسوم ولا دمية هو:
دباديبو الموسيقار
وفي طبعا
قصص عالمية
علاء الدين
الولد التنين تارو
بحيرة البجع اميرة حولها ساحر لبجعة تتحول في الليل لفتاة
بنان بنت صغيرة تعيش في زنبقة يحبها ضفدع
وقصة بنت اخوتها يصبحوا في النهار بجعات وحتى تنقذهم لازم ماتتكلمش ولا كلمة حتى تكمل لهم قمصان تغزلها من القش
وقصة عروس البحر اللي تبي تولي بني ادم ولما تحولت ممنوع عليها تتكلم وهذا كله باش تتزوج اللي تحبه وفي الاخير يرخي بيها ويتزوج غيرها ههههههههههههههه
وفي قصة العصفور اللي صاحبه يحب واحدة شرطت عليه يجيب لها وردة حمراء قعد يدور ماحصلش ولا وردة لونها احمر
في الاخير عصفوره قعد يتكلم مع وردة بيضا قالت له كان تبي تحولني لوردة حمرا اغرس شوكتي في قلبك
طبعا الخفيف غرزها وضحى بروحة واخذ صاحبه الوردة الحمرا ومشي بيها لحبيبته لقاها مع واحد جايب لها عقد ماس لوحت على وجهه الوردة وقالت له الماس اغلى واحلى والورد مايدوم الا يوم
هههههههههههههههههه
رسوم نكد
اه تفكرت رسوم زمان كان في نملة تخدم والجرادة جارتها تعزف ع الكمان وقت الصيف ووقت الشتا مالقيتش شنو تاكل كلت الكمان هههههههههههه

اه زمان
كنت نستنى في الرسوم يوم الجمعة نفتح في التلفزيون وخوي الكبير راقد
نبدا نسئل فيه كل شوية امتى بيجيبوا الرسوم
كانوا يجيبوا في ادعية دينية تقول فيها منى واصف واسعد فضة وغيرهم
المهم انقول لخوي امتى يكملوا هادوا
يقول لي لما البطاريات امتعهم يكملوا "مقالبه كبار"
انا صدقته نحساب منى واصف تخدم بالبطاريات ههههههههههههههه نسكت لين يتم الدعاء
ومشيت قلتها للصحابي في المدرسة صدقوها "كنا نية هلبه هههههههه"
في الاخير قلت لبوي قال لخوي معادش تفسد عقل الولد ههههههههههههه
وكانوا خوتي اول مايطلعوا بوي وامي يبدوا يقنعوا فيا باش نقعد معاهم في البيت ومانطلعش
توة انديروا جو ورسوم ولعب نمشي انقول لهم بروا انا بنقعد مش ماشي
طول يمشوا يتبادلوا اشرطة الرعب مع الجيران
ويسكروا الضو والدنيا ظلام ويفتحوا افلام دراكولا وhorror express ولو عطفوا عليا يفتحوا لي
فيلم الرسالة حرب وقتل هههههههههههههههههه وبعدها يرقدوا ونقعد بروحي .


شكرا ع الموضوع

نور الايمان
03-11-2009, 12:28 PM
اللة على اياماااااااااااااات زمان مانعرفو شى من الدنيا نلعبو ونجرو ونضحكو ونرقدو وناكلو وبس:hesh (37):
والرسووووووومات انا كنت نتفرج على ماركو وسالى والانسة صفا وعبقور وكاتولى(فتاة المراعى) وموكلى والانسة ملعقة ............الخ:alldoc (7):

Fairy tale
03-11-2009, 02:45 PM
وفيه رسوم كانوا يجيبوا فيها ناسي اسمها هي بنت شعرها اصفر وكانت تعيش في ادغال افريقيا مع عايلتها
هدي رسوم
هالا
وتاكي حيوانها وسمبل الخادم المخلص
تي كيف ما تعرفش هالا
مادا كنا سنفعل لولاكي انتي وسمبل والصغير تاكي
زمان نغني فيها خوي الكبير
شن مادا كنا سنفعل لولاكي ماعنا ما بنديروا زي جيتها زي قلتها
واني نقعد واقفة وحايرة فيه
اييه بالله
الهمتني هلبا
وخاطري نمشي لجنوب افريقيا بش نريح من اماليا ونعيش مغامرتها

Dr.nashnush
15-12-2009, 05:15 PM
السلام عليكم
ايه ايه ايه
ردتينا سنييييييييين لتالى
تتفكروا فى كبتن ماجد تتفكروا فى بسيط متاع صباح الخير يا جماهيريه
ايه راحة ايامات قناة القنفوده(شعار الاداعه)!
احلى ايام ايامها نقولوا نبو نكبروا توا نقولو نبو نولوا صغيرين
شكرا جزيلا عل الموضوع

anstasia2
15-12-2009, 05:34 PM
اااااااااااه علي ايامات زمان قداش ما حلوة
لو يرجع يوم بس
فكرتوني لما كنت نلعب بفلتشه في الفصل
نضرب فيهم مايقدرش حد يضربني في من حاميني
رسوم رعد العملاق و فلونة وهايدي
كله علي فيديو يكمل ونعاود
والله ضحكتوني بعد صباح ممل للغاية
http://img261.imageshack.us/img261/1361/631qf1.gif]
http://www.lialiq.com/up/uploads/9235d4a515.jpghttp://up.graaam.com/p11ic/c512f49732.jpg
نحن التوامان

Miss dream*
15-12-2009, 06:00 PM
مش حرام عليك يا لولوه تفشخي في بنت الجيران في شن جت هيا هههه شكلك كنتي وحده بيدها هههه تقبلي مروري

honeydody
15-12-2009, 07:08 PM
مارووووكو ماروكو ماروكو
اسمي ماروكو الصغيرة اهلا بكم يا اصدقاء
أدا دا ادا دا ادا ادا دادا
هادي احلى واحدة عندي زمان ..
وتوا كل يوم نتفرج على ماروكو والسنافر وساسوكي وهايدي قبل النوم

roony-manutd
15-12-2009, 07:21 PM
أيييييييييييه غلي ايامات زمان....
الواحد يتمني ترجع بيه الايامات ولو يوم واحد بس لكن ........
أني مرة صارلي موقف أني وولد عمي !
طبعا تتدكرو في رسومات زمان راعد العملاق، وغلاندايزر، والكابتن ماجد، وسندباد
المهم مرة كنت نتفرج أني وولد عمي علي رسوم غلاندايزر......
ولد عمي عجباته الفكره متع الرسوم وقرر ينقز، بعدين ركب علي السطح وجي بينقز
أني بدل ما نقوله أعقل وما يجيش منه الكلام قعدت نعبيله في رأسه باش ينقز
والمسكين نقز من علي السطح لكن ستر ربي الي منقطعتش رقبته
الله يرحمك يا أيامات ...........

حنو
15-12-2009, 08:02 PM
ايييه بالله ما احلى هاديكة الايامات اللى توعى النفس ايامات حلوة كل شى فيها مليح ما نبيش ندوى هلبة غير بندكركم برسوم نسيتوها لبنى السريعة وماجد لعبة خشبية وروبوتان متاع انا اسمى روبوتان روبو روبو روبوتان التنين الصغير مش موكا موكا لالا هادكة متاع ابى ابى... مادا تريد يا ولد... لما لااعمل فى الاطفاء... هدا عمل فيه عناء ...احب الخير احب الناس... اسعدنى هدا الاحساس .. هل ستوافق يا ابى.. على مادا ياولد ـتفركتوها ولا نكملهالكم ولا رسوم نيلز اللى خشمه طويل يا حسرة بالله

ملاك حارس
17-12-2009, 10:30 PM
السلام عليكم ورحمة الله
اني لحقت عالموضوع متاخرة :alldoc (69):
لكن الموضوع عجبني ولازم نشارك فيه:biggrin:
وخصوصا ردود الاخ سوماااااااااا :biggrin:
لعبة الكاشنيتي :biggrin: هيا كانت حكر عالآولاد وكنا نستنو في تجيرة وما يعطوناش:biggrin:
ولعبة اسمها بي سي لي هي لي انا ما نعرفهاش قالولي عليها خواتي :biggrin: كانو ينقزو ويقولو فيها
ولعبة اسمها يوشا عمي الامين يوشا ابيض وسمين يوشا عنده بنتين حتي هيا ما نعرفهاش :biggrin:
كانو يشدو في ايدين بعض ويدورو :doc:
ومتع النقيزة نقولو امبي سلامبي :biggrin:
هيا تو سلام

abdo.simpsons
09-03-2010, 01:51 PM
اني اليوم جبتلكم حاجات وكلمات تي وين غبرتها تطلع من الشاشة٫
(قديمة للطوووووط)٫٫واني عييت نلقط فيها (من عصر دماغي وتمصميصه٫٫ومن عمو القوقل ومن ايميلي) ٫٫ فياريت ارجو عدم مسح الموضووع ٫٫تي تشحطت فيه وين كبدي درهت من الكتابة والتفتليك٫٫المهم مش هدا موضوعنا٫٫
************************************************** ***************
خلي نبدوا::hesh (49):


تتذكروا لما تجي زمان سبكتومان ويطلع واحد من حوشهم ويقول سبكتوماااااااااااااااان والشارع في ثواني معدودة يفضى ..:alldoc (47):كخخ
,والا ايامات كابتن الماجد اول ما تكمل ..كل واحد يقعد يقلد في بسام والا ماجد او وليد ولاخوان شوقي ههههه :hesh (38)::hesh (38):
و
وتتدكروا ايامات مسلسل العماره والجوارح والكواسر(قبل نطلعو من الحوش وشادين عصي ونقولوا جوارح.جوارح.):hesh (28)::hesh (28):

تتذكروا توشا كاتوشا وحش مرعب ؟ :hesh (27)::hesh (27):٫٫٫
تتذكروا بالله إيامات إفتح يا سمسم ونعمان وسنان وايامات المناهل وابو الحرووف وخربوط..(من قوتها وين مسميين ولد في المدرسة خربوط)٫:hesh (52)::hesh (52):٫

تتفكروا مرات لما نراجو في الرسوم ويطلع في مؤتمرات ومايجيبوش الرسوم ٫٫اخخخخخخ٫نفخ٫٫ :hesh (21)::hesh (21):

والا زمان لما يجيبوا في ليبيا ٫٫الساعة 4 رسوم ويجيب القرآن التلاوة هذيكا متع ليبيا وأول مايقول صدق الله العظيم نقولوا هيييييييييــه٫ :hesh (1)::hesh (1):
باهي تدكرو في طمطم او كعبول ولغواصة ازرقاء(الماسة الزرقاء) او بسيط ايجيبو فاها في ييوم الجمعة ٫٫٫:alldoc (46)::alldoc (46):
تتفكروا في قرانديزرو ورعد العملاق٫ وعدنان ولينا ومعاهم عبسي ٫وسنبل وجو اريد البوزة٫٫:alldoc (46):٫
وعبقووور٫٫
ايامات كنت نحلم ٫كان نلقي واحد زي عبقووور٫٫اللي نبيه نلقاه ٫ ههه قاعد لتو ندور فيه٫ههه:alldoc (26)::alldoc (26):٫٫

تتذكروا زمان في قناة 21 , وقناة ( أ.ت.ت ) وإيامات الأنتينة واللي هذا يكوش على الثاني يقوله طلعتلك الـ Rai uno ؟ وواحد يقول أني جبدت مالطا وواحد يقول جبدت اليونان وواحد يقول جبدت السودان ..تزليز ليه ليه..اني ايامات بوي يقولي وجه الانتينه جهة عمك محمد خلي نجبدو تونس...
ولا يقولي وحها جهة الفرناج خلي تجي باقة شااااااااااع(مبردها)٫٫٫٫:hesh (24):

ايااااااااه امالا
ايمات مفيش ستالايت تبدا فيه كورة وجه لنتينا جهة تونس الأرضية كانا الجو ميا ميا
تطلع صافيا زويتا او كانا الجو امغبر تبدا فوق الحيط تغير في الأنتينة متشحط فوق ٫٫
تي كفااااااااح علي خاطر الكورة٫٫٫ :alldoc (6)::alldoc (6):

تذكروا في الانتينة الويزي 95، و96 .. وتلفزيونات قاريونس بس بـ 220 ديناروتصليحهم بي 10 دينار بس:hesh (43):
امالا الستالايت كيف كانت جديدة في البلاد ..وستالايت الشبح..وايمات حقها 4000 و3000 دينار
اللي يشراها معبي٫:hesh (54):٫

تتذكروا زمان أول ماطلعت كلمة صكة. ؟ بره بضاعتك صكه..و أول ماطلعت كلمة صقع عليك ٫٫٫وفوته ٫٫وشن الجو٫٫شنج٫:hesh (3):٫
وكلمة يشلش بالسيارة..:alldoc (57):

ونشيد : " ما تعدّلش عليه *** تعدّل تحصل فيه " ؟:alldoc (4)::alldoc (4):

والا لما طلعت كلمة بوك جاك جاك برا روح .. الشعب عشقها امعاش طلقها ٫٫٫ :hesh (34):

وتتدكروا رحلات المدارس وجو سواق الباص كيف ننفخو فيه هوا عاد ما يصدق بكل..:hesh (55):
جو" يا سوّاق اجري في الميه *** وماتخافش علي البتاريه " (سواقنا ما قانينتا طالع لي ميمته)..والا في المرواح كانه ما جابناش الاوليين نقول(سواقنا ما مشناها طالع لي حناه)..ههه٫٫:hesh (21):

تتفكروا كيف الأبلة تقول نبي ورقة وبيرو الكل يقطع وراقي من نص يجري ولو طلبنها من بعض نقولو معنداش٫:alldoc (12)::alldoc (12):٫٫

تتفكرو منتروح الأبلة نبدو في جرتها نشدولها في كراساتها وشنطتها جو تزيدنا درجات٫٫:hesh (53):

تتفكروا من تلقوا عصا مليحة جو تدسها للأبلة ترفعالها وأول واحد تاكل بيها طريحة أنت
ههههههه:alldoc (65):
والا ايامات الابتدائى كانت ابلة العلوم تقولنا جيبو غرس كنا نغرسو فى حمص والا فول فى حكة حليب اطفال ونرفعاها للمدرسة الابلة تحطها فى روشن الفصل٫٫:hesh (19):

تتفكروا في واجبات العطلة متع اكتب جدول الضرب عشرة مرات.....واااااك ما نحبهمش:alldoc (63)::alldoc (63):
والا.. الكلمات فككهم من صفحة كدا الي صفحة كدا(يلعب٫٫ي ل ع ب ).:eek:.
وياحسرة على ايامات زمان كنا لما نشوفو الابلة ولا الاستاذ فى الشارع نهربو للحوش لين يخطم من الشارع ونولو نلعبو ٫:alldoc (71)::alldoc (71):٫٫٫
والا كان شافك واحد من ولاد صفكم تلعب فى الشارع يقولك والله لما نحرش الابلة تلعب فى الشارع...:hesh (20):
والبنات كان مش حافظة والا مش كاتبة الواجب وين تجى الابلة بتعطاها جراماتها تلقاها محنية تقوللها هدا فيش فالحة فى الحنة بس٫٫٫ :alldoc (15):
وكان ما كتبتش الواجب الابله تقولك علاش تقوللها هرب الضي علينا وما نقدرش نكتب علي الشمعة٫٫٫والا خوي الصغير اكلي الورقة٫٫هههه:alldoc (50)::alldoc (50):
تتدكروا في استراحة المدرسه كنا نلعبو مباراة بحكاك الياوغه ٫:alldoc (68):٫
تتفكروا من بنت تكلم ولد يقولوها صايعة ..:hesh (46)::hesh (46):

تتذكروا بالله إيامات البطش وإيامات البطشة الحَلّوبِية وعين البقرة والتير واللي يخشيشني لي البيس ميت..والا حراقه مووت.وشعره تعاد.وديرله شعوده علي البيس ههه ٫٫٫:hesh (48)::hesh (48):
إيـــه حسرة٫٫

تتفكرو ايامات الاتاري واللي عنده يتجكتر بيها على التاني وايامات الفاملي.وايدين متاعه صكة٫
باهي تتفكرو في التشتشه او المخربقة ٫٫عكسة المدرسة
والا الشلاليط وطول وعرض٫٫وبيس او سبيتة٫ههههه :hesh (38)::hesh (38):


تتذكروا في إيامات طلعت إشاعة الذبانة في سطوب النيبرا والسيلو:alldoc (45)::alldoc (45):
والجمرة الخبيته اللي في السبت متاع السراويل.:hesh (6)::hesh (6):

تتفكرووا في مكيفات الي تحطلهم ثلج من فوق مش يصقعوا ولا مرواح الزرق يدوخوا:alldoc (54)::alldoc (54):٫٫



حي تتفكر اول ماجابو الموبايلات٫٫اتصال واستقبال بس ٫٫وايامات البيلة ب300 دينار٫:alldoc (2)::alldoc (2):٫
كان اللي عنده الناس كلها تتفرج عليه حاجه كبيرة
واللي يخش للمطعم وفي يده موبايل القرصون يقعد يرعش وهو يستقبل :alldoc (47):


وياحسرة ايام كيف بتصل بحد برا لازم تتصل بالبريد وتعطيه رقم هههههههههه
ومن ملحق علي تليفون ارضي الي ارقامه يدوروا دوران ..ايامات كان في حوش عمي ولونه أخضر

وزمان كيف كانت الجمعية تجيب في كل حاجة... ايامات بوي يقولي برا خود البرويطة راهو الجمعية جايبة سميد والا رز برا لحق خير ما يطقوه الصحاح٫..:hesh (3)::hesh (39):

تتفكروا من انقطعت الجبنة ولت ب 6 دينار وحكة التن ب 5 دينار وقت الحصاروالجمعية هيا اللي تجيب كل حاجة من دخان وتلاجات وبطاطين و غسالات..:hesh (54):
وايامات شمعدان موكلي والتحريروشكلاطة ماندولين والمستكة متاع الخمسة قروش اللي فيها 3 حبات ملونة ٫ههه:hesh (29):


يا ليت الطفولة تعود يوما ٫٫٫٫٫ فأخبرها كيف بَهدَلنِي الشبابُُ ٫٫
اه يا حسره٫
توة تر بالله عليكم قولولي كل واحد منكم شنو يتفكر٫٫



ملاحظة:اكرر ارجو عدم المسح اني الموضوع كتبته٫٫مش منقول ٫٫٫شن تبو بعد هكي٫

Dr.Zayed
09-03-2010, 03:03 PM
والله فكرتني في ايامات حلوة عشنها احسن من اطفال اليوم ا لرسوم اللي يتفرجوا عليها كلها حروب في حروب مفيهاش براءة بكل والمسلسلات التركية واغاني الراب
مشكور عالموضوع

abdo.simpsons
09-03-2010, 03:17 PM
والله فكرتني في ايامات حلوة عشنها احسن من اطفال اليوم ا لرسوم اللي يتفرجوا عليها كلها حروب في حروب مفيهاش براءة بكل والمسلسلات التركية واغاني الراب
مشكور عالموضوع
العفو خوي ومنور علي المرووور...

CLEVER GIRL
09-03-2010, 03:40 PM
موضوع جميل جدا ذكرتني بأيام زمان والحصار
نبي نضيف ان الدخان كان 5 دينار القرطاص "باتي كان يدخن زمان كان يدز فيا"

شكله نفس الجو اللي صاير في بنغازي مفش اختلاف

مشكووووووووو abdo.simpsons

كاسوره
09-03-2010, 03:52 PM
كح كح كح مليتنا غبرة
وهييييييه ايام زمان كان فيها جو مليح وطعمة خاصة
وشكرأ ليك اخى abdo.simpsons ذكرتنى بحلى ايام شكرررأ

كاسوره
09-03-2010, 04:02 PM
اهى بعض صور رسوم زمان
http://www.arabic-cartoon.com/images/baseet_hq_1.gif بسيط
http://rocke2008.googlepages.com/MLAQH11.jpg السيدة ملعقه
http://re1.jeeran.com/resoom/gazulaneedle2.gif جازورأ

The prince
09-03-2010, 04:11 PM
ههههههههههههههههه
والله اتحسر لشي واحد فيها
لانها كانت ايام طفوله وايام براءه
وليس علينا لا جزء من المسوليات
كم اشتقت لتلك الايام

Rocky
09-03-2010, 05:01 PM
والله رسمت البسمه والدمعه ع وجهي بااارك الله فيك بي الفعل
الطفوله وايااام زمان لاتعوووض
ولك مني تقييم ع الموضوع
مشكوور جدا....

nezar_81us
09-03-2010, 06:00 PM
هههههههههههههههههههههههههه والله مليحه قويه بلفعل نفس الاحداث عشناها

lady star
09-03-2010, 06:21 PM
والله عندك الحق ايام نتمنوها ترجع
بكل ما فيها من شقاوة ومقالب

فراشة
09-03-2010, 07:44 PM
السلام عليكم

أتذكر هذه الايم و الدمع يملأ عيني


أتذكر ذاك اليوم ( إلي روحت فيه إمخر من المدرسة ) و كان برنامج إفتح يا سمسم قد إنتهى و جاء بدله ( مؤتمر ) إمتنعت عن الطعام و بدأت أبكي لأني لم أرى نعمان ، بقيت نائمة لبعد آذان العشاء و كان النوم قد جائني بعد الإجهاد في البكاء:alldoc (69): ( الكل كان يسكت فيا و طلعت إتدهورت بالسيارة و شريت دجيلاطي ) لكن نتدهور و ناكل في الدجيلاطي و نبكي :alldoc (69): لأن الحلقة فاتت عليا ، يقولولي ماجابوهاش و أني مش مصدقة .

:alldoc (69):

يا حسرة أيام زمان






همسة :-
الموضوع مشابه في الفكرة لموضوع سابق توا ندور عليه و نديره دمج إن شاء الله

سلامي

تحتوح مدريد
09-03-2010, 09:23 PM
يا حســــــــــــــرة علي ايامات عبقور وفتاة المراعي:biggrin:

Libyan Glad
09-03-2010, 09:27 PM
تي تعرف انت توا خليتني انفرفش زي .....
زايدة معاك ..

وليام ولاس
09-03-2010, 09:29 PM
ايه بالله ملا ايام ......لكن كيف خطرت عليك الحاجات هادي كلها في مرة وحدة ....
يا ودي صحة ليك ....ومنور بالهلبة عليهم ..^_^
مع تقــــــــــــــــــــــــييم..^_*

abdo.simpsons
09-03-2010, 10:43 PM
موضوع جميل جدا ذكرتني بأيام زمان والحصار
نبي نضيف ان الدخان كان 5 دينار القرطاص "باتي كان يدخن زمان كان يدز فيا"

شكله نفس الجو اللي صاير في بنغازي مفش اختلاف

مشكووووووووو abdo.simpsons
يا حسرة ايامات زمان وكفاح متاع الحصار ..وايام الجمعية.اللي تنزل في كل حاجة..
والله ما نعرفه الدخان قداش ..بوي ما يدخنش ..ما عنديش عليه فكرة..
العفو اختي ومنورة علي المروووور

abdo.simpsons
09-03-2010, 10:44 PM
كح كح كح مليتنا غبرة
وهييييييه ايام زمان كان فيها جو مليح وطعمة خاصة
وشكرأ ليك اخى abdo.simpsons ذكرتنى بحلى ايام شكرررأ

ايه احسن جو...
العفو خوي..وقراتسي علي المروووور...:biggrin:

abdo.simpsons
09-03-2010, 10:49 PM
ههههههههههههههههه
والله اتحسر لشي واحد فيها
لانها كانت ايام طفوله وايام براءه
وليس علينا لا جزء من المسوليات
كم اشتقت لتلك الايام

والله حتي اني زيك..كان نلقاها تولي هههه خلي نقلبها فوق راسي:hesh (14):
منور علي المروور...

abdo.simpsons
09-03-2010, 10:52 PM
والله رسمت البسمه والدمعه ع وجهي بااارك الله فيك بي الفعل
الطفوله وايااام زمان لاتعوووض
ولك مني تقييم ع الموضوع
مشكوور جدا....

ايه شئ يضحك ويبكي..في نفس الوقت ...اه كان تولي الطفولة....
وزايدة معاك التقييم ونورت الموضوووع بردك...:biggrin:

abdo.simpsons
09-03-2010, 10:55 PM
هههههههههههههههههههههههههه والله مليحه قويه بلفعل نفس الاحداث عشناها
هههههه صار زي حالاتي..
منور يامان علي المروووور.:biggrin:

abdo.simpsons
09-03-2010, 10:59 PM
والله عندك الحق ايام نتمنوها ترجع
بكل ما فيها من شقاوة ومقالب
ههههه.ياريتها ترجع..لكن الله غالب..
منورة علي المرووور..

abdo.simpsons
09-03-2010, 11:04 PM
السلام عليكم

أتذكر هذه الايم و الدمع يملأ عيني


أتذكر ذاك اليوم ( إلي روحت فيه إمخر من المدرسة ) و كان برنامج إفتح يا سمسم قد إنتهى و جاء بدله ( مؤتمر ) إمتنعت عن الطعام و بدأت أبكي لأني لم أرى نعمان ، بقيت نائمة لبعد آذان العشاء و كان النوم قد جائني بعد الإجهاد في البكاء:alldoc (69): ( الكل كان يسكت فيا و طلعت إتدهورت بالسيارة و شريت دجيلاطي ) لكن نتدهور و ناكل في الدجيلاطي و نبكي :alldoc (69): لأن الحلقة فاتت عليا ، يقولولي ماجابوهاش و أني مش مصدقة .

:alldoc (69):

يا حسرة أيام زمان






همسة :-
الموضوع مشابه في الفكرة لموضوع سابق توا ندور عليه و نديره دمج إن شاء الله

سلامي
هههههههههههه شوري كان عياطك زي خوي احمد توا ..حتي احنا نديرو في المستحيل خلي يسكت..
شوفي امورك ديري اللي يريحك.ديري حتي اقتران مش دمج :biggrin:
ونورتي اختي الموضووع بمشاركتك...:hesh (14):

abdo.simpsons
09-03-2010, 11:06 PM
يا حســــــــــــــرة علي ايامات عبقور وفتاة المراعي:biggrin:
ههههههه
وايامات جازووره وعبقرينووو..
منور يا تحتووح علي المرووور

abdo.simpsons
09-03-2010, 11:08 PM
تي تعرف انت توا خليتني انفرفش زي .....
زايدة معاك ..
ههههههههههههه
زي شني ..هههه
انت اللي زايدة معاك ومنور علي المروووووور..

abdo.simpsons
09-03-2010, 11:14 PM
ايه بالله ملا ايام ......لكن كيف خطرت عليك الحاجات هادي كلها في مرة وحدة ....
يا ودي صحة ليك ....ومنور بالهلبة عليهم ..^_^
مع تقــــــــــــــــــــــــييم..^_*
هههههههه
تي تعرف ليا اسبوووع واني كل يوم تجي في بالي حاجة نضيفها في ملف word ..واليوم عبيت كرت قلت خلي نحطها...
ومنور يا مان علي المرووور وزايدة معاك التقيييم *_^ :hesh (14):

الزهراء
09-03-2010, 11:27 PM
^_^

و انا اقرأ كلماتك بدأت ارى كل ما قلته رأي العين و تعمقت في ذكريات الطفولة اجمل الذكريات . . . حتى نسيت نفسي

وكاننا جميعا نشترك في مغامراتنا الطفولية ^_^

اشكرك على هذه الرحلة الطيبة

كان كل ما فيها جميلا . . . ولازال ان شاء الله

abdo.simpsons
09-03-2010, 11:33 PM
^_^

و انا اقرأ كلماتك بدأت ارى كل ما قلته رأي العين و تعمقت في ذكريات الطفولة اجمل الذكريات . . . حتى نسيت نفسي

وكاننا جميعا نشترك في مغامراتنا الطفولية ^_^

اشكرك على هذه الرحلة الطيبة

كان كل ما فيها جميلا . . . ولازال ان شاء الله
ايه حقا جيل توا طفولته زي بعض كلهم يشتركوو في نفس جو الطفولة
وقراتسي اختي علي المروووور...

solara
09-03-2010, 11:57 PM
السلام عليكم...
المرة هاذي ماكنتش المشاركة الأولى!!!
ذكريات حلوة...رجعتنا.........سنين للخلف!!!
وأحلى حاجة ههههه:alldoc (65):هههههه الفقرة هاذي...لأن بجد متأثرة بيها هلبا:biggrin:
تتفكروا مرات لما نراجو في الرسوم ويطلع في مؤتمرات ومايجيبوش الرسوم ٫٫اخخخخخخ٫نفخ٫٫

abdo.simpsons
10-03-2010, 12:03 AM
السلام عليكم...
المرة هاذي ماكنتش المشاركة الأولى!!!
ذكريات حلوة...رجعتنا.........سنين للخلف!!!
وأحلى حاجة ههههه:alldoc (65):هههههه الفقرة هاذي...لأن بجد متأثرة بيها هلبا:biggrin:
تتفكروا مرات لما نراجو في الرسوم ويطلع في مؤتمرات ومايجيبوش الرسوم ٫٫اخخخخخخ٫نفخ٫٫
وعليكم السلام..
لالا لا عادي تو نعتبرها زي المشاركة الاولي...
هههههههههههه
وااااااك ما نحبهمش المؤتمرات معناها شهر 3 ما فيش رسوم .ههههههه
ومنورة سولارا علي المرووووور.....:biggrin: